Buat hotu akontese iha jogu entre San Lorenzo ho Huracán.
Adeptu ida hosi San Lorenzo mate iha loron-dpomingu ne'e bainhira monu hosi tribuna Estádiu Nuevo Gasómetro nian.
Buat hotu akontese hafoin golu ida Mauro Matos nian iha jogu hasoru Huracán, nebe San Lorenzo mana'an ho 3-1. Adeptu arjentinu, bainhira halo festa, lakon ekilíbriu no monu hosi tribuna, pelumenus durante metru 40, hodi monu hasoru mane ida nebe tuur iha parte kraik ho nia oan-mane.
Pablo Giménez, nebe monu hosi tribuna, mate iha fatin. Adeptu na'in rua seluk lori ona ba ospitál. Aman iha estadu todan no nia oan-mane laiha perigu ida.
"Red devils" manán 3-0, ho golu sira hosi Fellaini, Carrick no Rooney.
Foto: ANDREW YATES / AFP
Fellaini halo primeiru golu jogu.
Manchester United ohin simu no manán Tottenham 3-0, iha jogu ba 29ª jornada hosi Liga ingleza. Fellaini, Carrick no Rooney maka marka golu ekipa uma nain nian.
Formasaun Louis Van Gaal loke golu dahuluk iha minutu 9, liuhosi Marouane Fellaini. Médiu belga arranka hosi flanku eskerdu no finaliza iha Lloris, hodi lori "red devils" hetan vantaje.
Minutu sanulu hafoin golu dahuluk, Michael Carrick maka hakerek ninia naran iha lista markadór, ho finalizasaun ida hafoin xuta bola kantu ida. Golu datoluk nian no sai hanesan golu ikus hosi jogu ne’e mosu iha primeiru tempu, iha minutu 34', hosi Wayne Rooney. Internasionál inglés aproveita ho maneira di’ak hosi erro Bentaleb no halo 3-0.
Ho vitória ida ne’e, Manchester United mantén iha kuartu lugár, hela pontu hosi Arsenal, ne’ebé halako lakon West Ham 3-0. "Spurs" maka iha sétimu lugár, ho pontu 50 nafatin ho Southampton, maka sai sextu lugár.
