Saltar para: Posts [1], Pesquisa [2]

SAPO Desportu TL

Qua | 05.08.15

Bayern Munique halakon AC Milan

SAPO TL

Jogu ne’ebé maka refere ba Audi Cup.


 




Treinadór Bayern Munique.



Iha loron-tersa ne’e, Bayern Munique garante, vitória 3-0 hasoru AC Milan iha jogu meias-finais Audi Cup. Golu sira ne’ebé marka hosi Bernat iha minutu (24’), Gotze (74’) no Lewandowski (85’).



Ho vitória ida ne’e, bávaros sira garante prezensa iha finál ne’ebé sei hasoru Real Madrid iha loron-Kuarta ohin nian.


 


SAPO TL ho SAPO Desporto

Qua | 05.08.15

Real halakon Tottenham ho golu hosi James no Bale

SAPO TL

Merengues hahú ho vitória ida iha Audi Cup.


 




Foto: Desporto
James marka golu dahuluk merengues nian



Real Madrid manán Tottenham, 2-0, horisehik lokraik, iha jogu dahuluk merengues nian iha prestijia Audi Cup, iha Alemaña.



Ekipa madrilena, maski Cristiano Ronaldo hetan lezaun, halo ho superioridade hasoru Spurs no tékniku Rafa Benitez bele haree ninia jogadór sira fó tan hakat ida iha preparasaun époka foun.



Maski nune’e, tenke hein to’o minutu 36 foin halo golu dahuluk hosi formasaun española, ne’ebé mosu hosi James Rodriguez nia ain. Kruzamentu fantástiku ne’ebé hetan hosi Isco, parte liman-karuk, hetan movimentu kolombianu nian di’ak ida iha área, no nia lapresiza haksoit, kabesa bola entre sentrál sira ba rede laran.



James foin sai ba intervalu no nune’e estrelatu seluk sai figura: Gareth Bale.



Jogadór galés marka iha ninia antigu ekipa iha minutu 79, aproveita bole ida ne’ebé lakon hosi Tottenham iha meiu-kampo rasik. Bale naok bola iha kampo klaran, lori halai ba área, buka lori bola iha nia-ain karuk no xuta ho maka’as halo 2-0, iha lanse ne’ebé guardiaun Vorm turi lolos bele kaer.



SAPO TL ho SAPO Desporto