Saltar para: Posts [1], Pesquisa [2]

SAPO Desportu TL

Qua | 12.08.15

Antigu prezidente Sporting Jorge Gonçalves mate

SAPO TL

Antigu líder 'leões' mate hela iha kuatu laran ida iha resort ho kilometru 70 Luanda.


 



 


Foto: Alberto Frias / LUSA
Jorge Gonçalves nu’udar prezidente Sporting iha tinan 1988 no 1989.



Jorge Gonçalves, antigu prezidente Sporting, mate horisehik.Antigu líder 'leões' ne’ebé mate hela iha kuartu ida hosi resort angolanu nian. Konforme informasaun Correio da Manhã katak, hetan nia mate tara-aan hela.



Gonçalves sai prezidente klube Alvalade iha 1988 no 1989, sai hanesan marka mediátiku ne’ebé anúnsia kontratasaun olandés Frank Rijkaard, ne’ebé nunka hatais kamizola 'verde-no-mutin'.



Koñesidu iha mundu futeból hanesan "Hasarahun boot", mate husik hela nia ona tolu no ninia mate sei hakoi iha Luanda.


 


SAPO TL ho SAPO Desportu


 


 

Qua | 12.08.15

Messi: "Pedro merese buat hotu"

SAPO TL

Jogadór españól ne’ebé maka halo golu desizivu iha Supertaça europeia, bainhira hasoru Sevilha.


 




Lionel Messi, jogadór Barcelona, halo komentáriu ba vitória 5-4 hasoru Sevilha, ba jogu Supertaça Europeia. Astro arjentinu fó ninia komentáriu pesoál ba golu desizivu ne’ebé halo hosi Pedro Rodríguez, jogadór ne’ebé karik sei ba Manchester United.


 




"Pedro merese buat hotu, hosi buat hotu ne’ebé nia fó ba klube. Ita lahatene saida maka nia sei halo, maibé fiar katak nia sei hela",dehan Messi hafoin enkontru, ne’ebé sita hosi jornál Marca.



Messi analiza iha jogu ne’e: "Ekipa halo jogu boot ida iha primeiru minutu 60. Ami hetan bola no ami kria jogu. Hafoin ami hamamar aan no halo jogu ne’e sai komplikadu".



SAPO TL ho SAPO Desportu