Enkontru ne'e akontese iha unidade hoteleira iha Cascais, Portugal, fatin nebe selesaun portugés uza hodi prepara ba jogu sira hasoru Fransa ho Albánia.
Foto: Francisco Paraíso/FPF
Iha loron-tersa loraik, Ronaldo simu vizita hosi Martunis, joven ida nebe hetan tulun hafoin tsunami tinan 2004 iha Indonézia ho kamizola Selesaun Nasionál portugés nian no iha veraun ne'e tama ona iha Sporting, nebe asina ona kontratu ida formasaun nian.
Jogadór hosi Real Madrid, nebe sai hanesan ídolu hosi joven indonéziu, agora ho tinan 17, ko'alia ho Martunis, nebe sai hanesan nia belun iha tinan barak nia laran.
Enkontru ne'e akontese iha Cascais, iha unidade hoteleira nebe sai hanesan fatin estájiu ba komitiva portugés hodi prepara ba jornada duplu hasoru Fransa ho Albánia, nebe halo parte iha faze kualifikasaun ba Euro2016.
Guarda-redes Real Madrid Keylor Navas promete ona ho federasaun Costa Rica hodi la bele ba iha jogu partikulár sira ho Brazíl (sábado) no Uruguai (tersa-feira), nune’e bele hela hela nafatin iha España, hafoin falla transferénsia ba Inglaterra.
Navas ohin ko’alia ho prezidente Federasaun Costa-riquenha de Futebol (Fedefútbol), Rodolfo Villalobos, ne’ebé konkorda ona ho ninia auzénsia.
“Nia hamutuk hodi simu apoiu hosi federasaun hodi foti desizaun. Nia dehan mai ami katak prefere iha España iha loron balun ne’e, hodi ko’alia ho dirijente sira hosi Real Madrid no klarifika situasaun ne’ebé akontese no ami komprende situasaun ne’e”, dehan diretór-jerál hosi Fedefútbol, Rafael Vargas.
Dirijente esplika katak situasaun ne’ebé akontese ho guarda-redes, maski laiha serteza hosi ninia transferénsia, maka “sai hanesan tema ida ne’ebé difísil ba kualkér ema”.
Keylor Navas atu ba Manchester United, eziji ninia kontratasaun hodi servi ba Real Madrid guarda-redes españól David De Gea, maibé dokumentasaun atrazu liu iha Liga española no transferénsia la realiza.
Ho nune’e maka, costa-riquenho sei kontinua servisu hosi ‘merengues’, maski sai titulár iha primeiru enkontru hosi temporada no ladauk sofre golu iha primeira ronda dala rua hosi Liga española, nia defende penalti ida.
