Saltar para: Posts [1], Pesquisa [2]

SAPO Desportu TL

Qua | 21.10.15

Bayern Munique kontakta ona Ancelotti hodi troka Guardiola

SAPO TL

Klube alemaun fiar iha renovasaun Guardiola nian, maibé husu ona ba italianu karik iha interese hodi orienta Bayern Munique bainhira tékniku katalaun la renova kontratu.


 




Treinadór italianu, Carlo Ancelotti, hanesan apontadu iha loron-kuarta ne'e, hosi imprensa alemaun, hanesan susbstitutu provável ba Pep Guardiola iha komando tékniku Bayern Munique nian.

Tuir hakerek iha jornal "Bild", klube bávaru ne'e halo ona konversasaun ho treinadór antigu Real Madrid nian hodi hatene posibilidade karik bele substitui Pep Guardiola iha komando tékniku Bayern Munique nian iha finál époka ida ne'e nian.

Bayern Munique hakarak hametin ona susbtitutu ida Guardiola nian, tanba la hatene katak tékniku katalaun sei renova kontratu iha finál époka ne'e. Klube bávaru hakarak rezolve situasaun ne'e to'o loron 31 fulan-Dezembru, prazu limiti nebe fó ona ba Guardiola hodi hatene katak sei kontinua iha Bayern Munique hafoin temporada ne'e ka la'e.

@SAPO Desporto

Qua | 21.10.15

Mourinho: "Ha’u sente presaun iha Benfica"

SAPO TL

Treinadór portugés dehan katak lasente ona presaun atu manan hanesan saida maka akontese bainhira hahú ninia kareira iha Benfica no FC Porto.





José Mourinho kontinua konfia-an ho ninia kapasidade. Treinadór ne’e dehan katak lasente ona presaun atu manan, hanesan saida maka akontese bainhira hahú ninia kareira iha Benfica nomós FC Porto.


 


"Bainhira hahú ha’u-nia kareira iha Benfica, hanesan buat ne’ebé naturál katak mosu dúvida balun kona-ba ha’u-nia valór, nune’e mos bainhira tama ba FC Porto, molok manan ha’u-nia títulu dahuluk. Mosu dúvida ba sira ne’ebé lahatene, nomós presaun balun”, dehan Mourinho no sita hosi ´Irish Times`.


 


Treinadór Chelsea ne’e dehan katak nia maka fó presaun ba nia-an no dehan katak la’os atu hamosu pergunta ba ninia kapasidade.


 


"Oras ne’e daudaun, presaun ne’ebé ha’u sente maka iha ha’u-aan rasik. Ha’u koñese mundu no koñese mundu futeból, ema hotu hein kona-ba momentu negativu, los duni sira maka faan. Maibé, ha’u dehan klaru katak, molok ne’e ha’u lasente presaun nune’e. Agora ha’u iha istória, istória bot ida. Ha’u lasimu bainhira kria problema tanba de’it haree ba ha’u-nia kbi’it nu’udar treinadór, no fó rezultadu ne’ebé ladi’ak”, hatutan.


 


SAPO TL ho SAPO Desportu