Bombista tenta tama iha Stade de France ho kolete esplozivu
Atake sira ne’ebé akontese iha pelumenus lokál diferente neen ihaParis, pelumenus hamate ema 128, 300 hetan kanek, 80 iha kondisaun grave.
Foto: FRANCK FIFE / AFP
Bombista ida mne’ebé mós oho-an hodi halo rebenta iha sesta-feira iha Paris tenta tama iha Stade de France ho esplozivu barak. Notísia ne’e fó sai hosi ´Wall Street Journal` iha nia edisaun sábadu ne’e.
Tuir publikasaun ne’e mós, elementu seguransa ida detekta ona kolete esplozivu ne’ebé bombista ne’e uza. Nia Tenta ka’er maibé ema ne’e konsege halai, hodi halo nakfera iha tempu balun tuir mai. Bombista ne’e, ne’ebé iha billete ba Fransa - Alemaña, ho objetivu atu harahun esplozivu iha bankada Stade de France nian.
Ida ne’e hanesan esplozivu dahuluk hosi tolu iha kalan iha Stade de France. François Hollande, prezidente fransés, iha bankada sira no tenke evakua ba intervalu, hanesan mós ho nia konvidadu, ministru alemaun Negósiu Estranjeiru nian.
Noel Le Great, prezidente federasaun futeból franseza, konfirma duni ema na’in tolu nia mate iha odamatan J do Stade de France.
Atake sira ne’ebé akontese iha pelumenus lokál diferente neen ihaParis, pelumenus hamate ema 128, 300 hetan kanek, 80 iha kondisaun grave.
Grupu estremista koñesidu ho Estadu Izlámiku (EI) reivindika horisehik, iha komunikadu, atentadu sira iha loron-sesta iha Paris, ne’ebé hamate ema pelumenus 128, entre sira ne’e portugés na’in ida, no na’in 300 hetan kanek, 80 iha estadu grave. Terrorista na’in uali, sira na’in hotu oho-an uza sintu ho esplozivu, hodi hamosu atentadu ne’e, no sira mate, haktuir fonte polisiál franseza.
Atake sira akontese iha pelumenus fatin diferente neen iha sidade, entre sira ne’e sala espetákulu no estádiu nasionál ida, fatin hodi hala’o jogu futeból ida entre selesaun Fransa no Alemaña.
Fransa fó sai estadu emerjénsia no restabelese kontrolu ba fronteira sira iha sekuénsiabuat ne’ebé Prezidente François Hollande klasifika hanesan "atake terrorista ne’ebé molok ne’e seidauk akontese iha nasaun".
SAPO TL ho SAPO Desportu