Saltar para: Posts [1], Pesquisa [2]

SAPO Desportu TL

Seg | 29.02.16

Karta kondusaun estranjeiru sira aseita iha Brazil durante Rio'2016

SAPO TL

Autorizasaun vale ba semestre daruak tinan ne'e. 








Governu brazileiru fó sai iha loron-segunda ne'e katak karta sira kondusaun estranjeiru nian vale iha nasaun durante jogu olímpiku sira no Paralímpiku sira Rio de Janeiro nian.


 


Desizaun ne'e publika iha loron-segunda ne'e hosi Konsellu Nasionál Tránzitu nian (Contran) iha Diário Ofisiál Uniaun nian no estabelese katak karta sira kondusaun hosi nasaun 102 ne'ebé signatáriu hosi Konvensaun kona-bá Tránzitu Viáriu aseita iha nasaun ne'e.


 


Testu hatete katak sé maka hakarak lori karreta iha Brazil durante eventu desportivu sira ne'e sei tuir lei brazileiru sira no karta kondusaun ne'e tenki iha validade iha nasaun orijen.


 


Autorizasaun vale ba períudu entre loron sira 01 Jullu no 31 Setembru.


 


Konvensaun kona-bá Tránzitu Viáriu estabelese norma obrigatóriu sira ba kondutór sira bainhira lori karreta sira iha estranjeiru.


 


@SAPO Desporto

Seg | 29.02.16

PSG hetan derrota badahuluk iha jornada 28.ª

SAPO TL

Lyon hosi portugés Anthony Lopes halakon ba dahuluk ba líder PSG no sa’e ba klassifikasaun datoluk.





Foto: EPA/SEBASTIEN NOGIER


 


Lyon, hosi portugés Anthony Lopes, manán Paris Saint-Germain iha ohin, ho 2-1 ba jornada 28.ª, ne’ebé halo derrota badahuluk líder  futeból liga franseza nian, maka lori pontu 23 liu Mónaco.


 


Mónaco, ka’er hosi portugés Leonardo Jardim, empata ho 0-0 iha estádiu Nantes, maibé ikus mai hetan benefisiu hosi PSG ne’ebé derrota, hafoin oras balun, iha Lyon, hodi habadak pontu ida iha diferensa ho ekipa Laurent Blanc nian.


 


Internasionál portugés Ricardo Carvalho no João Moutinho sai titular iha ekipa monegaska, enkuantu  avansadu Hélder Costa sai suplente no hatama hosi Leonardo Jardim iha minutu 73.


 


 Ba Lyon ne’ebé halo PSG hetan derrota badahuluk  iha  kampeonatu, golu sira marka hosi uma nain  Maxwell Cornet, iha minutu 13, no españól Sergi Darder, iha 45+2.


 


PSG, ho sueko Ibrahimovic no uruguaiu Cavani sai titular, no Angel di Maria ne’ebé lahetan lezaun, hetan  redusaun hosi brasileiru Lucas Moura, iha  minutu 51.


 


Saint-Étienne hetan desvantajen boot iha uma rasik no lakon ho 2-1 ho bainaka Caen, ne’ebé marka hosi  Andy Delort, iha minutu 78, no Ronny Rodelin, iha  82. Golu hosi Valentin Eysseric, iha minutu 90+1, hemenus deit nia  diferensa.


 


Ho  pontu  tolu ne’ebé hetan, Caen ‘hakat’ hosi oitavu ba kuartu lugar iha tabela klasifikasaun kampeonatu gaulés nian, ho pontu 42 hanesan ho Lyon iha (3.º), no liu ida kompara ho Nice (4.º), Rennes (5.º) no, ne’ebé presisa liu  hosi nia  adversáriu ohin nian, Saint-Étienne (6.º).


 


Enkontru Ajaccio-Marselha, sei hala’o  iha loro-kraik ne’e, ne’ebé tenki  adia tamba impratikável  iha kampo-laran, hosi udan boot ne’ebé halo bee nakonu iha Estádiu Ange Casanova.


 


SAPO TL SAPO Desportu

Sab | 27.02.16

Gianni Infantino maka prezidente foun FIFA nian

SAPO TL

Sekretáriu-jerál UEFA maka troka Joseph Blatter. 


 



 


Gianni Infantino maka manán eleisaun sira hosi FIFA no troka Joseph Blatter iha prezidénsia hosi organizmu ne'ebé kaer futeból mundiál, ho mandatu válidu to'o tinan 2019.


 


Kandidatu italo-suisu ne'e hetan votu 115 no halakon konkorénsia hosi sheikh Salman Al Khalifa (votu 88), hosi prínsipe jordanu Ali bin al Hussein (4) no hosi fransés Jérôme Champagne (0), konsege nune'e preferénsia hosi maioria federasaun hamutuk 207 ne'ebé maka bele vota.


 


Prezidente foun FIFA nia naran hetan de'it iha volta daruak, hasoru rezultadu hosi ronda dahuluk ne'ebé akontese iha kongresu hosi organizmu nian iha Zurike. Kandidatu na'in tolu tama iha turnu daruak: Gianni Infantino, sekretáriu-jerál hosi UEFA,ne'ebé hetan votu 88, Salman Al Khalifa, prezidente Konfederasaun Aziátiku nian ne'ebé hetan votu 85 no prínsipe Ali Bin Al-Hussein, visi-prezidente FIFA nian ne'ebé hetan votu 27. Fransés Jerome Champagne, eis-sekretáriu-jerál adjuntu FIFA nian, hetan de'it votu hitu no lakon tiha. Antes, Tokyo Sexwale dezisti tiha hosi kandidatura.


 


Hodi hametin eleisaun ba ronda dahuluk kandidatu ida tenki rejista maioria hosi votu 2/3 votu sira. Maibé tanba laiha, tenki halo volta daruak ne'ebé maka maioria simples (ho votu 104) to'o ona hodi determina prezidente foun.


 


Kongresu estraordináriu FIFA nian hala'o tiha ona iha loron-sesta ne'e iha Zurike (Suisa).


 


@SAPO Desporto

Sex | 26.02.16

Jorge Jesus: "Títulu iha Europa? Haree deit se maka bele konsege"

SAPO TL

Tékniku leonino fó hanoin katak nia manán tiha ona titulu dahuluk  iha  Portugál.





Foto: Lusa


 


Jorge Jesus hato’o ohin ninia lia 'menon' ba sira ne’ebé halo krítika hosi eliminasaun Sporting nian iha Liga Europa hasoru  Bayer Leverkusen, hato’o nia espestativa kona-ba  insusesu rivál sira iha  prova europeu nian.


 


"Buat ne’ebé ami  promote maka ami sei luta ba títulu iha Portugál, títulu sira iha Europa ita haree deit se maka bele konsege… ami manán títulu dahuluk iha Portugál no ami sei luta hela ba buat ne’ebé importante liu iha nasaun hotu,  maka  kampeonatu nasionál. Buat ne’ebé maka ami  promete no sei luta ba oin nafatin ",  nia deklara.


 


"Laespera katak ekipa bele iha komportamentu ida hanesan ne’e. buat hotu sei  halo ho neneik no ha’u sente satisfeitu",  hato’o  Jorge Jesus hafoin lakon 3-1 bainhira bleaun  hasoru  Bayer Leverkusen, iha  jogu 16 avus  finál Liga Europa nian.


 


SAPO TL ho SAPO Desportu

Qui | 25.02.16

Pellegrini: "Seidauk deside buat ruma"

SAPO TL

Manchester City manán  Dínamo Kiev ho 1-3.






 


Maski manán iha Kiev (1-3), Manuel Pellegrini husu nafatin ba nia ekipa atu labele dukur iha segunda mão eliminatória nian.


 


“Ha’u senti kontemte tamba ami hetan rezultadu ida pozitivu. Seidauk deside buat ida, maibé ne’e pozitivu tebes bainhira hetan vantajen ho golu rua iha liur. Bainhira rezultadu ho deit 1-2 ami hasoru  momentu ida dúvida, maibé hafoin ne’e konsege halo1-3. Iha futeból importante tebes atu hanoin katak ida ne’e seidauk  hotu, maibé ho terseiru golu fó ona mai ami konfiansa ba iha segunda mão ninian”, hato’o  treinador xilenu, iha deklarasaun ba site UEFA.


 


Manchester City, iha kuarta-feira ne’e, besik ona ba iha kuartus finál Liga dos Campeões  futeból nian, hafoin hetan vitória ho 3-1 iha kampu Dinamo Kiev.


 


SAPO TL ho SAPO Desportu

Qua | 24.02.16

Messi: " Eliminatória seidauk rezolve"

SAPO TL

Arjentinu ne’e marka golu rua ba Arsenal.




Foto: Jaime Reina


 


Barcelona manán Arsenal ho 0-2 iha jogu dahuluk  oitavos de final Liga dos Campeões, maski nune’e, Lionel Messi  avizu katak seidauk rezolve buat ida.


 


“Eliminatória seidauk rezolve hotu. Ami Joga dala barak kontra ekipa ne’e  no hatene katak sira moos joga di’ak. Seidauk define buat ida. Rezultadu ne’ebé maka di’ak tamba  marka golu rua iha liur ne’e importante tebes maibé ami tenki luta tan atu bele manán iha jogu daruak”, hatete  avansadu arjentinu ne’e ba TV3 hafoin jogu remata.


Jogu ne’e moos hetan markasaun hosi Messi ne’ebé halo golu  ba guarda-rede Petr Cech nian.


 


“Eliminatória seidauk rezolve hotu. Ami Joga dala-barak kontra ekipa ne’e  no hatene katak sira moos joga di’ak. Seidauk define buat ida. Rezultadu ida ne’ebé di’ak tamba  marka golu rua iha liur ne’e importante tebes maibé ami tenki luta tan atu bele manán iha jogu daruak”, nia afirma.


 


SAPO TL ho SAPO Desportu

Ter | 23.02.16

Oscar: "Ha’u la iha interese atu sai hosi Europa"

SAPO TL

Jogadór ne’e sente triste ho Ramires ne’ebé abandona klube.



Foto: EPA/PETER FOLEY


 


Hafoin Ramires sai no bá fali Xina, Oscar la iha hanoin atu tuir nia kompatriota ne’e.


 


"Klaru katak ha’u triste tanba Ramires sai. Ami belun no ami ko’alia lian ne’ebé hanesan. Transferénsia ne’e di’ak ba nia", afirma Oscar iha deklarasaun ba The Sun.


 


"Ha’u nunka iha interese atu sai hosi Europa. Sai no bá Xina ne’e kontra buat hotu ne’ebé ha'u konsege halo to’o agora.", nia hatutan.


 


SAPO TL ho SAPO Desportu

Seg | 22.02.16

Sam Querrey hakotu jejún ho títulu ATP

SAPO TL

Ne’e maka  títulu ba dala ualu nian durante nia karreira.





Foto: Stacy Revere


 


Tenista norte-amerikanu Sam Querrey konista  iha ohin nia  primeiru torneiu ATP dezde 2012, ne’ebé maka halakon iha final, Delray Beach nia kompatriota Rajeev Ram.


 


Sam Querrey, lahetan títulu iha  sirkuitu dezde manán iha Open de Los Angeles tinan haat liu-bá, halakon Ram iha ‘sets’rua, hosi parsiál 6-4 e 7-6 (8-6), ne’ebé hala’o durante oras ida no minutu  25 nia laran.


 


Ho Vitoria ida ne’e, ho emosionál hafoin rekolla pontu neen iha portu hitu ‘tie-break’ nian – lakon ho 5-2 -, Querrey, 61.º  ‘ranking’ mundiál nian, hetan ona hamutuk títulu ualu iha nia karreira, ba finál dahuluk dezde iha Nottingham, tinan kotuk.


 


SAPO TL SAPO Desportu

Sex | 19.02.16

Peseiro: "Ami halo buat hotu tuir kondisaun ne’ebé maka iha"

SAPO TL

FC Porto lakon  2-0 ho Borussia Dortmund.





Foto: SAPO Desporto


 


José Peseiro afirma katak derrota FC Porto nian iha Alemaña hanesan espellu “kondisionalizmu” ekipa portagés nian.


 


"Derrota ne’e halo ami lasatisfeitu, ba ami ka ba ema seluk. Maibé hakarak  agradese ba prezenza hosi adeptu sira ne’ebé mai ohin iha ne’e ho sakrifísiu. Ha’u lasatisfeitu tamba lakon, maibé  satisfeitu iha forma sira ne’ebé maka hatudu hosi ekipa. Ami tenta halo buat hotu tuir kondisaun ne’ebé  iha, iha alterasaun ba pozisaun barak, ami halo servisu ida ne’ebé ho solidariedade magnífiku”, hatete tékniku portista iha flash interview Sport Tv.


 


"Iha parte ofensivu ami bele halo liu tan, maibé ida ne’e maka rezultadu hosi  kondisaun ne’ebé ami iha. Falta deit maka brani no iha finalizasaun , nune’e moos iha trankilidade no konfiansa bainhira hetan bola”, nia hatutan.


 


FC Porto lakon, iha kinta-feira ne’e, hasoru Borussia Dortmund ho 2-0, iha jogu ba primeira mão 16 avos de final Liga Europa, ne’ebé maka hala’o iha no Signal Iduna Park, iha Alemaña.


 


SAPO TL SAPO Desportu

Qui | 18.02.16

Rio Haryanto asina ho Manor no sai hanesan indonéziu dahuluk iha F1

SAPO TL

Pilotu Rio Haryanto sei sai hanesan indonéziu dahuluk ne'ebé maka kompete iha Kampeonatu Mundu ba Fórmula 1 nian, bainhira asina kontratu ba tinan ida ho Manor Racing, fó sai iha loron-kinta ne'e hosi proprietáriu britániku ne'e. 


 



 


Haryanto, ho tinan 23, sei estreia iha kategoria liurai-feto nian hosi desportu automóvel nian iha loron 20 fulan-Marsu, iha Australian Grand Prix, prova nakloke ba Mundiál 2016, forma pilotu duplu hosi Manor ho jermániku Pascal Wehrlein, ne'ebé manán Kampeonatu Alemaun hosi Karreta sira Turizmu nian (DTM).


 


"Ha'u la fiar katak ne'e akontese daudaun. Hanesan notísia fantástiku sira no ha'u sei halo buat ne'ebé di'ak hodi ha'u bele sai hanesan pilotu ida Fórmula 1 nian", hatete hosi pilotu indonéziu ne'e no diretór desportivu hosi Manor, Dave Ryan, konsidera nia hanesan "talentu boot ida".


 


Anúnsiu hosi kontratasaun Haryanto nian ne'e hakotu espetativu sira hosi norte-amerikanu Alexander Rossi no hosi inglés Will Stevens hodi okupa fatin nu'udar pilotu daruak hosi Manor.


 


ho Lusa

Pág. 1/4