Antigu guarda-rede olandés destaka kualidade finalizadór hosi avansadu portugés Real Madrid nian.
Foto: EPA/Juanjo Martin
Edwin van der Sar, antigu guarda-rede, fó elojiu boot ba portugés Cristiano Ronaldo, hodi destaka nia kualidade hanesan finalizadór. Olandés ne’e hatudu mós nia hakarak atu haree Ronaldo iha jogu entre Real Madrid no Manchester City.
"Ronaldo sempre marka golu ho kuantidade boot, ne’e susar atu esplika. Nia di’ak tebes iha Manchester United no nível sa’e maka’as iha España. Nia rekorde goleadór insuperável no nia hatudu buat mesak fantástika ba Real Madrid", tenik Van der Sar iha deklarasaun ba AS.
Van der Sar ho Cristiano Ronaldo fahe ba malu hariis-fatin iha Manchester United entre 2005 no 2009.
Jogadór ne’ebé empresta hosi FC Porto marka úniku golu iha enkontru ne’e.
Villarreal manán, iha kinta-feira ne’e, hasoru Liverpool ho 1-0 iha enkontru ba dahuluk meias-finais Liga Europa nian. Úniku golu iha jogu ne’e marka hosi Adrián Lopez, iha tempu kompensasaun.
Avansadu ne’ebé hetan empresta hosi FC Porto, tama iha minutu 74, iha aproveita tempu ne’e hodi garante vitória ba ekipa españól.
Villarreal agora iha ona vantajen golu ida ba iha segundu enkontru iha Anfield.
Komunidade timoroan iha Peterborough, Reinu Unidu, sei hala'o eventu desportivu ida hodi selebra loron 20 Maiu. Loron ikus hodi rejista ekipa sira hodi tuir eventu maka loron 05 fulan-Maiu 2016.
Mais selebra hamutuk loron 20 Maiu ho komunidade timoroan nian iha Peterborough!
A comunidade timorense em Peterborough, no Reino Unido, vai organizar um evento desportivo para celebrar o dia 20 de Maio. O dia 05 de Maio 2016 é o último dia para registar a sua equipa no evento. Venha celebrar o dia 20 de Maio com a comunidade timorense na cidade Peterborough!
Bayern Munique lakon iha España hosi Atlético Madrid ho 1-0, iha enkontru ba dahuluk meias-finais Liga Campeões nian.
Foto: Lusa
Diego Simeone elojia prestasaun Atlético Madrid, iha vitória 1-0 ho Bayern Munique. Tékniku colchoneros gosta golu Saúl nian maibé aviza katak sei falta minutu 90 hasoru adversáriu poderozu ne’e.
"Jogu ida emosionante tebes ne’ebé ezije esforsu ida maka’as. Iha segunda parte ami defende tamba adversáriu hatudu jogu ida di’ak liu. Sei iha jogu daruak ne’ebé kapás liu halo ema hotu atu haree , iha estádiu ida impressionante no hasoru adversáriu ida poderozu, ho ida ne’ebé tama hanesan ka di’ak liu duké ida ne’ebé sai. Ida ne’e hanesan duplu dezafiu ba iha ami nia ambisaun", hatete Simeone, hafoin jogu ne’e.
Tékniku hosi Atlético Madrid ne’e elojia golu Saúl nian: " Jogada individual ida di’ak tebes. Saúl bele joga iha pozisaun diferente, hanesan jogadór ne’ebé kompletu tebes no ha’u kontente ba golu ne’ebé nia marka. Ne’e konsekuénsia hosi nia esforsu", haktuir nia.
Bayern Munique lakon iha España hosi Atlético Madrid ho 1-0, iha enkontru dahuluk meias-finais Liga Campeões. Saúl Ñiguez maka marka golu úniku iha jogu ne’e.
Prezidente FIFA nian hatete iha loron-kuarta katak nia hakarak promove jogu futebol partikular ida entre selesaun rua hosi Koreia, hodi hakbesik nasaun rua ne'e no hamenus tensaun entre governu Seul no Pyongyang.
"Ita tenki hamutuk iha jogu futebol ida. Ha'u senti prontu hodi tulun iha buat ne'ebé maka bele halo", Gianni Infantino hatete iha vizita ba Seul.
Tensaun militar entre nasaun rua iha península koreanu aumenta ona ho teste nuklear ida, iha fulan-Janeiru, no lansamentu hosi misil balístiku ida liutiha fulan ida.
Iha 2005, Koreia rua ne'e iha konflitu ida iha jogu partikular futebol ida iha Seul. Iha fulan-Outubru 1990, hala'o mós enkontru "amigavel" rua, ida iha Seul no ida seluk iha Pyongyang.
"Dalaruma, mehi sira sai hanesan realidade", hatete hosi prezidente FIFA nian.
Infantino ko'alia mós ba aumentu hosi númeru selesaun sira iha mundial ida hosi 32 ba selesaun 40 iha edisaun tinan 2026.
"Hanesan importante aumentu númeru hosi selesaun sira iha Mundial, tanba ami tenki inkluzivu liu. Selesaun ualu sei hanesan justifikavel", afirma ona hosi dirijente hodi admiti katak Ázia bele hetan tan vaga neen.
Real Madrid hetan empata iha liur ho Manchester City a zero bola, iha jogu dahuluk meias-finais Liga Campeões nian.
Foto: AFP
Zinedine Zidane justifika lautiliza Cristiano Ronaldo iha El Ethiad hasoru Manchester City ho faktu katak portugés labele "inkómoda", hafoin senti fila fali lezaun ne’ebé impede nia joga iha sábadu kotuk hasoru Rayo Vallecano.
"Cristiano senti fila fali. Ami lakohi hetan risku. Labele inkómoda nia. Ami tenta atu nia rekupeta ho lalais, haree deit karik nia prontu ba iha segundu jogu ", hatete tékniku fransés, ne’ebé moos konfirma lezaun Benzema nian, maka sai iha intervalu.
"Benzema moos senti fila fali. Hakarak joga ... ami sei haree saida maka akontese ba nia", haktuir Zidane, ne’ebé preokupadu oituan ho auzénsia avansadu hirak ne’e ba iha kompromisu tuir mai.
"Iha jogadór seluk ne’ebé maka joga no joga ho di’ak", haktuir nia.
Kona-ba 0-0 kontra City, Zidane afirma katak buat ida seidauk muda no segundu jogu iha Champions sei iha oportunidade hanesan 50-50 ba kada parte.
"Dala ruma ami hein liu iha primeira parte maibé ami hala’o servisu ida di’ak no jogu ida hala’o durante minutu 90. Jogu ida difísil, maibé bele hadiak", hatete tékniku, ne’ebé satisfeitu tamba lasofre golu iha primeiru jogu ne’e.
Rezultadu ne’e di’ak. Karik di’ak liu marka golu ida, ami lakonsege, agora tenki hakat ba oin. Iha segundu jogu sei 50-50. Ohin ami halai maka’as ", nia komenta.
Real Madrid empata iha liur ho Manchester City ho zero bola, iha jogu ba dahuluk meias-finais Liga Campeões.
Juventus konkista iha segunda-feira ne’e kampeaun italianu futeból badala lima, hafoin rezultadu ne’ebé sofre hosi Nápoles rasik, maka okupa iha segundu klassifikasaun, halakon hosi Roma (0-1), iha jornada 35.ª da ‘Serie A’.
Falta deit Jornada tolu ba finál, ‘Juve’, repete ona títulu konkistadu badala lima entre 1930/31 no 1934/35, soma ona pontu 85, kontra napolitanu 73, halakon hosi tentativa belga Radja Nainggolan, iha minutu 89.
Iha istóriá durante prova, formasaun Turim konsolida liu tan ninia lideransa, agora oferese ona troféu hamutuk 32, kontra Inter Milão 18 no AC Milan.
Formasaun “culé” lidera ho pontu 81, hanesan ho Atlético Madrid no liu Real Madrid ida.
Foto: Lusa
Krize? Maibé krize ida ne’ebé? Oinsá mak ekipa ida iha krize bele marka barak iha tempu badak de’it? Hafoin manán Deportivo Corunha ho 8-0, Barcelona hatudu hikas nia vitalidade ofensiva, bainhira hasoru no manán Sporting Gijón ho 6-0. Catalães sira hetan benefísiu hosi penalidade tolu, Suárez marka golu haat no ultrapasa Jonas ho Ronaldo iha korrida ba Bota Osamean.
Sein nunka haree kleur, “culés” sira komesa hatama golu iha minute 12 bainhira Messi hatama golu 1-0 ho ulun.
Iha segundu tempu, hatama tan golu lima. Suárez halo 2-0 iha minutu 64 hafoin pase hosi Iniesta. Aumenta ba 3-0 no 4-0, iha minutu 74 no 77, iha konversaun penalidade rua. Taka konta iha minutu 88 bainhira halo 6-0 hafoin pase hosi Messi. Antes Neymar hatama golu bainhira marka 5-0, ho penalidade, iha minutu 85.
Nune’e mak Barcelona hatán ba vitória ki’ik Real Madrid nian (3-2 ba Rayo Vallecano) no Atlético Madrid (1-0 ba Málaga) hodi lidera hikas Liga.
Suárez marka golu ualu iha jogu rua ikus ne’e, hafoin halo ona haat ba Deportivo. Iha de’it partida rua, no bainhira ko’alia kona-ba krize, ekipa Luiz Enrique nian marka golu 14 iha jogu rua. Sinál vitalidade no kapasidade ofensiva boot.
Formasaun “culé” lidera ho pontu 81, hanesan ho Atlético Madrid no liu Real Madrid ida.
Blatter, tinan 79, no Michel Platini, prezidente UEFA, hetan kastigu iha loron 21 dezembru nian tamba pagamentu ida hosi parte primeiru ba iha segundu.
Foto: Lusa
Eis-prezidente FIFA Joseph Blatter informa iha ohin katak ninia“konsiénsia hakmatek” no seidauk komete “delitu ruma” bainhira sai responsável prinsipál iha organizmu máximu futeból mundiál, ne’ebé prezide iha1998 to’o 2015.
“Ha’u lakomete delitu ruma. Durante ne’e ha’u moris ho ida ne’e tamba ne’e ha’u sente hakmatek”, nia afirma, iha aprezentasaun ba nia biografia, intituladu ‘Sepp Blatter. Missaun no paixaun ba iha futeból’.
Blatter, tinan 79, no Michel Platini, prezidente UEFA, hetan kastigu iha loron 21 dezembru nian tamba pagamentu ida hosi parte primeiru ba segundu ho euro millaun 1,8 hosi alegadu servisu konselleiru ida iha 2002, maibé laiha kontratu eskritu.
FIFA hatene katak akordu ne’ebé halo entre dirijente nain rua ne’e“laiha baze legál” no hetan sansaun tamba ne’e sira nain rua ho medida hanesan.
Luis Enrique, treinadór Barcelona, sente satisfeitu ho ezibisaun nia jogadór sira iha Corunha, maibé aproveita atu rekorda jogu sira foin liubá, ne’ebé lakon ho Valéncia.
"Ami hala’o jogu ne’ebé di’ak hasoru Valencia, iha infinidade solusaun. Momentu ho Valencia iha oportunidade hanesan no saida maka akontese. Maibé futeból hasoru buat sira ne’e hotu. Ami halo jogu ida di’ak tebes ho Deportivo, manán no lasofre golu. Iha nesesidade atu hetan rezultadu satisfatóriu no vitória ida ne’ebé bele sai hanesan ami nia xave. Sé maka manán Liga ida ne’ebé maka di’ak liu durante jornada 38, laós iha 32, 37, 35 ka 31. Sei falta tan jogu haat no sei difísil", lembra tékniku españól ne’e.
" Deportivo lajoga ho forma hanesan, maski ami lataka saída sentrál no trinku. Dala ida ne’e, Busquets deit. Ami halo Ataka ho di’ak, iha sirkulalasaun no Leo hatudu nia superioridade. Méritu sempre ba deit ida ne’ebé maka manán”, nia hatutan.
Barcelona, iha kuarta-feira ne’e , hetan fila fali vitória ho golu sira ba Deportivo da Corunha ho 0-8 iha jornada 34.ª kampeonatu españól nian, ne’ebé hala’o iha Estádio Riazor, iha Galiza. Suárez (4), Rakitic, Messi, Bartra no Neymar hosi catalães marka hotu golu.