Saltar para: Posts [1], Pesquisa [2]

SAPO Desportu TL

Qua | 30.11.16

Japaun hakarak limiti kustu ba euro biliaun 17

SAPO TL

Krizi ekonómiku afeta nasaun nipóniku. 


 



 


Iha loron-kuarta ne'e Japaun hatudu intensaun hodi mantén kustu sira ho Jogu Olímpiku sira Tókio 2020 ki'ik liu dolar biliaun 18 (euro billiaun 17).


 


"Ami determina ona atu hamenus folin sira", afirma hosi Toshiro Muto, responsável hosi komité organizador Tókio2020, bainhira hakotu reuniaun ida ho organizador sira hosi Jogu Olímpiku sira Rio2016.


 


Brazil halo ona diminuisaun orsamentu ne'ebé antes previstu ba Jogu sira tanba krizi ekonómiku ne'ebé maka nasaun hasoru hafoin simu tiha organizasaun ba kompetisaun iha tinan 2009.


 


Japaun mós hasoru daudaun folin maka'as ho konstrusaun ba infraestrutura sira ne'ebé sai inflasionadu hahú hosi tinan 2013 bainhira nasaun kandidata hodi simu Jogu sira ne'e.


 


Governu Tókio nian kalkula ona katak, bainhira la halo diminuisaun maka'as, folin sira hosi Jogu sira ne'e bele ultrapasa dolar biliaun 30 (euro biliaun 28,2).


 


@SAPO Desporto

Qua | 30.11.16

Valência ´hamenus` krize ho vitória iha Taça do Rei

SAPO TL

Iha jogu seluk ba dahuluk  16 avus final ohin loron nian, Alcórcon hetan empata golu ida hasoru Espanyol no Sporting Gijón lakon iha uma-rasik hasoru Eibar ho 2-1.





Foto: DR


 


Valência iha ohin manán hasoru Leganés ho 3-1, iha jogu dahuluk 16 avus finál Taça España, enkuantu jogu seluk  entre ekipa sira I Liga nian, Bétis halakon Deportivo ho 1-0.


 


Ho  internasionál portugés Nani hanesan titular, Valência hahú kedan ho vantajen, halo inaugurasaun  ba markadór iha minutu tolu, hosi avansadu Munir El Haddadi, to’o , iha minuteu25, ukun ona ho 2-0, ho golu daruak ne’ebé autoria hosi médiu Alvaro Medram.


 


Tama ba parte daruak, Leganés konsege deit hamenus iha  minutu 59,  liuhosi médiu venezuelanu Darwin Machis, maibé Valência konsege rezolve kestaun ne’e iha 90+1, bainhira Zakaria Bakkali, ne’ebé tama iha minutu 84 subtitui Nani, halo golu datoluk ba ninia ekipa.


 


Internasionál portugés seluk Valência nian, João Cancelo, lakonsege sai hosi  ‘banku’.


 


Iha jogu seluk  ba dahuluk 16 avus finál ohin loron nian, Alcórcon, hosi eskalaun daruak, empata golu ida hasoru Espanyol no Sporting Gijón lakon iha uma-rasik hasoru  Eibar ho 2-1.


 


SAPO TL ho SAPO Desportu

Ter | 29.11.16

Final hosi Tasa Súl-Amerikanu Futebol nian suspensu hafoin aviaun ne'ebé lori ekipa brazileiru monu

SAPO TL

Konfederasaun Súl-Amerikanu Futebol nian desidi iha loron-tersa ne'e suspende jogu sira ne'ebé sira kaer hafoin aviaun ne'ebé tula ekipa brazileiru Chapecoense, ne'ebé atu joga iha final Tasa Súl-amerikanu, monu iha Kolómbia. 


 



 


Autoridade aas futebol súl-amerikanu nian hatete, liuhosi komunikadu ida, katak "to'o avizu foun" sei suspende atividade tomak no prezidente konfederasaun nian, Alejandro Domínguez, sei ba Medellín, sidade ne'ebé diriji aviaun, hodi akompaña situasaun.


 


Ekipa brazileiru sei halo jogu, iha loron-kuarta, ho kolombianu sira hosi Atlético Nacional iha jogu dahuluk hosi final Tasa Súl-Amerikanu futebol nian.


 


Aviaun lori ema na'in 81 no iha pelumenus ema na'in neen maka moris, haktuir hosi autoridade kolombianu sira.


 


Ajénsia no´tisia EFE verifika ona iha ospitál ida iha fatin La Ceja, ne'ebé lori daudaun ema sira ne'ebé kanek, katak sobrevivente ida maka futebolista brazileiru Alan Ruschel, lateral liman-karuk ho tinan 27.


 


Klube Atlético Nacional lamenta ona asidente liuhosi twitter: "Nacional lamenta tebes no solidariza ho @chapecoensereal".


 


Aviaun monu bainhira halo viajen ba Medellín "iha Cerro El Gordo, iha besik munisípiu La Union, Antiokia", iha zona foho nian, ho tripulante na'in sia no pasajeiru na'in 72 iha aviaun laran, haktuir hosi autoridade sira aviaun sivil Kolómbia nian.


 


Autoridade kolombianu sira hatete katak pelumenus iha sobrevivente na'in neen.


 


Aeroportu Medellín, iha komunikadu, refere ona katak aviaun, ho matríkula Bolívia nian, "deklara ona iha emerjénsia" iha tuku 22:00 (oras lokal) "tanba falla tékniku sira", tuir ne'ebé transmiti hosi tore kontrolu.


 


"Polísia iha ona fatin asidente, ne'ebé bele asede de'it liuhosi terestre", "ladún haree di'ak" tanba kondisaun meteorolójiku sira, hatete hosi nota hanesan.


Aviaun sai hosi aeroportu Viru Viru, hosi Santa Cruz de la Sierra, iha Bolívia, ne'ebé karik halo eskala tékniku ida.


 


@SAPO Desporto

Ter | 29.11.16

Suspensa final da Taça Sul-Americana de Futebol após queda de avião com equipa brasileira

SAPO TL

A Confederação Sul-Americana de Futebol decidiu hoje suspender todos jogos que tutela depois da queda, na Colômbia, do avião em que viajava a equipa brasileira Chapecoense, que ia disputar a final da Taça Sul-Americana. 


 



 


A autoridade máxima do futebol sul-americano indicou, num comunicado, que "até novo aviso" ficam suspensas todas as suas atividades e que o presidente da confederação, Alejandro Domínguez, está a caminho de Medellin, cidade para onde se dirigia o avião, para acompanhar a situação.


 


A equipa brasileira ia disputar, na quarta-feira, com os colombianos do Atlético Nacional a primeira mão da final da Taça Sul-Americana de futebol.


 


O avião levava 81 pessoas a bordo e há pelo menos seis sobreviventes, segundo as autoridades colombianas.


 


A agência de notícias EFE constatou num hospital da localidade de La Ceja, para onde estão a ser transportados os feridos, que um dos sobreviventes é o futebolista brasileiro Alan Ruschel, lateral esquerdo de 27 anos.


 


O clube Atlético Nacional já lamentou o acidente, através do twitter: "O Nacional lamenta profundamente e solidariza-se com o @chapecoensereal".


 


O avião despenhou-se quando se dirigia para Madellin "em Cerro El Gordo, nas proximidades do município de La Unión, Antioquia", numa zona montanhosa, com nove tripulantes e 72 passageiros a bordo, segundo a autoridades da aviação civil da Colômbia.


 


As autoridades colombianas dizem que há pelo menos seis sobreviventes.


 


O aeroporto de Medellin, num comunicado, referiu que o avião, com matrícula da Bolívia, "declarou-se em emergência" às 22:00 locais "por falhas técnicas", segundo aquilo que transmitiu à torre de controlo.


 


"A polícia está já no local do acidente, ao qual apenas se pode aceder por via terrestre", havendo "baixa visibilidade" por causa das condições meteorológicas, diz a mesma nota.


 


O avião tinha saído do aeroporto Viru Viru, de Santa Cruz de la Sierra, na Bolívia, onde aparentemente tinha feito uma escala técnica.


 


@SAPO Desporto

Ter | 29.11.16

Ema na'in 76 mate iha asidente aviaun ne'ebé lori Chapecoense

SAPO TL

Guarda-rede Marcelo Boeck la halo parte entre jogador sira ne'ebé halo viajen ne'e. 


 



Foto@ Luis Eduardo Noriega/EPA


 


Aviaun ida hosi kompañia Lamia ne'ebé lori ema na'in 72 no tripulante na'in sira, inklui ekipa brazileiru Chapecoense monu iha loron-tersa madrugada ne'e besik iha aeroportu internasional Medellín, Kolómbia.


 


Xefe Polísia hosi rejiaun Antiokia, Kolómbia, Jose Acevedo Ossa, konfirma ona ema na'in 76 mate, iha deklarasaun sira ba Rádio Caraco. Elementu polísia ne'e refere mós katak hetan ona ema na'in neen, maibé na'in ida mate bainhira iha dalan ba ospital. Entre sobrevivente sira iha jogadór na'in tolu hosi Chapecoense: Danilo, Jackson Follman ho Alan Ruschel.


 


"Ami serbisu mós hosi hasai mate-isin sira hodi entrega ba sira nia família. Ami konsege hasai ema na'in lima ne'ebé moris hela. Bainhira lorosa'e, ami sei hasai mate-isin sira no hahú prosesu hodi haruka ba sira nia nasaun orijen", nia afirma.


 


Tuir informasaun sira ne'ebé fó hosi aeroportu José Maria Córdova, aviaun lakon kontaktu ho tore kontrolu iha tuku 21h33 (oras lokal) no karik monu iha tuku 22:15 (oras lokal).


 


Chapecoense halo viajen ba Medellín hodi joga hasoru Atlético Nacional, iha jogu dahuluk hosi final Súl-amerikanu nian.


 


Iha rekursu dahuluk, ekipa buka halo viajen diretu ba sidade kolombianu iha aviaun ida ne'ebé sira aluga, maibé la hetan autorizasaun hosi aviasaun brazileiru. Nune'e, formasaun hosi súl Brazil nian tenki semo to'o São Paulo hodi semo ho aviaun Lamia ho destinu ba Medellín.


 


Marcelo Boeck, guarda-rede ne'ebé Sporting empresta ba Chapecoense, la hetan konvokasaun ba enkontru ne'e no nune'e la halo viajen iha aviaun.


 


@SAPO Desporto

Ter | 29.11.16

Fiorentina Paulo Sousa nian lakon ho Inter João Mário no monu liu ba 9.º

SAPO TL

Fiorentina monu iha ohin  ba pozisaun dasia iha futeból liga italiana, hafoin  lakon hasoru  Inter Milão ho 4-2, iha jogu ba jornada 14.ᵃ 'Serie A'nian.



Foto: Lusa


 


 Fiorentina, ne’ebé komanda hosi Paulo Sousa, monu iha ohin ba klasifikasaun dasia futeból liga italiana, hafoin lakon hasoru Inter Milão ho 4-2, iha  jogu ba jornada 14.ᵃ 'Serie A'.


 


Seidauk konta ho  João Mário iha kampu, ekipa uma na’in to’o iha minutu  19 asegura ona rezultadu konfortável 3-0 (golu hosi Marcelo Brozovic, iha minutu tolu, António Candreva, iha minutu sia, no Mauro Icardi, iha 19).


 


Molok  ekipa rekolle  balneáriu sira, Nikola Kalinic hamenus ba vizitante, iha minutu 37.


 


Maski joga ho menus ida(arjentinu Gonzalo Rodriguez hetan kartaun mean direta iha 45+1), ekipa ne’ebé komanda hosi Paulo Sousa tenta halo reasaun ida, hamenus desvantajen mínimu  iha minutu 62, hosi  intermédiu eslovenu Josip Ilicic.


 


Maibé, iha  90+1, dala ida tan  Mauro Icardi, Inter Milão 'fixa' rezultadu finál, ne’ebé interrompe série ho jogu lima lalakon hosi Fiorentina iha liga italiana.


 


SAPO TL ho SAPO Desportu

Seg | 28.11.16

Griezmann: "Hanesan susar manán Bola Osan-Mean hasoru Ronaldo ho Messi"

SAPO TL

Internasional fransés konsidera katak CR7 hanesan prinsipal favoritu hodi manán Bola Osan-Mean. 


 



Foto@ Etienne Laurent / EPA


 


Antoine Griezmann rekoñese ona katak hanesan susar tebes manán Bola Osan-Mean, tanba haree ba konkorénsia entre Lionel Messi ho Cristiano Ronaldo.


 


"Sim, Bola Osan-Mean hanesan objetivu ida maibé sei komplikadu bainhira Ronaldo ho Messi halo parte iha lista. Ronaldo sei sai hanesan lenda ida iha desportu ne'e iha tinan 10 oinmai ne'e. Ha'u tenki kontinua serbisu hodi to'o iha nível Ronaldo nian", afirma hosi fransés ne'e ba kanal Telefoot.


 


Atakante ne'e hatete katak CR7 hanesan kandidatu prinsipal hodi manán troféu iha tinan ne'e.


 


"Ronaldo halo ona époka di'ak ida, manán Champions League no Euro 2016. Merese atu manán. Maibé tenki konsidera mós Messi. Tinan-tinan iha nível ida aas no hanesan kandidatu ida ne'ebé bele manán Bola Osan-Mean".


 


@SAPO Desporto

Sex | 25.11.16

Kuwait bele la halo parte iha Tasa Ázia 2019 nian

SAPO TL

Selesaun Kuwait bele la halo parte hosi kompetisaun bainhira hetan nafatin suspensaun hosi FIFA. 


 



AFP Photo@ Yasser Al-Zayyat


 


Selesaun Kuwait nian bele la halo parte hosi Tasa Ázia 2019 bainhira iha loron 18 Dezembru sei iha nafatin suspensaun hosi FIFA tanba introdusaun governamental nian iha entidade desportivu nian.


 


Konfederasaun Áziatiku Futebol nian estabelese ona prazu ida semana tolu ba Kuwait hodi rezolve lei ida ne'ebé governu halo ne'ebé afeta independénsia hosi órgaun desportivu sira nian.


 


Kuwait bele sai hosi kompetisaun internasional sira bainhira governu kontinua ho lejislasaun foun ne'ebé FIFA konsidera hanesan intervensaun hosi governu iha entidade desportivu sira nian.


 


Iha Outubru, FIFA ho Komité Olímpiku Internasional (COI) suspende ona Kuwait tanba haree katak autoridade sira hosi nasaun ne'e iha intervensaun iha organizmu desportivu sira, nune'e hanesan suspensaun daruak iha tinan lima ikus ne'e.


 


Tasa Ázia 2019 sei halo iha Emiradu Árabe Unidu.


 


@SAPO Desporto

Qui | 24.11.16

Timor-Leste tuun fatin lima no Portugal mantén iha pozisaun ualu

SAPO TL

Selesaun portugeza futebol nian mantén iha loron-kinta ne'e iha pozisaun ualu iha ‘ranking’ FIFA nian, ne'ebé kontinua lidera hosi Arjentina, maski iha "ameasa" hosi Brazil ne'ebé sa'e ba pozisaun rua. 


 



 


Iha atualizasaun ida ho alterasaun balun entre pozisaun sanulu nian, Alemaña, kampeaun mundu nian, "monu" ba pozisaun tolu, Xile lakon fatin rua hodi tama iha pozisaun haat, ne'ebé iha fulan ida liubá okupa hosi Béljika ne'ebé agora iha pozisaun dalima.


 


Rezultadu hosi "valorizasaun" Xile nian afasta Kolómbia hosi pozisaun dalima ba daneen. Fatin sira seluk entre elite ‘top-10’ okupa nafatin tuir orden ne'e Fransa, Portugal, Uruguai ho España.


 


Suisa hanesan nasaun ho klasifikasaun di'ak liu hosi adversáriu lima Portugal nian iha rupu B hosi kualifikasaun europeiu ba Mundial2018, agora iha "odamatan sira" hosi ‘top-10’, hafoin "haksoit" hosi fatin 14 ba pozisaun 11.


 


Hungria tuun pozisaun haat ba pozisaun 26, Illa Faroé sofre maka'as tanba tuun pozisaun sanulu ba fatin 84, Letónia sa'e ba pozisaun 112 no Andorra hela iha pozisaun 203.


 


Entre nasaun luzófonu sira, Guiné-Bissau sa'e hosi pozisaun 69 ba 68, Cabo Verde tuun hosi pozisaun 71 ba 80, Mosambike sai hosi ‘top-100’, hosi pozisaun 95 ba pozisaun 108, Angola mós tuun pozisaun sanuluk ba postu 144, São Tomé & Prínsipe mantén iha postu 153 no Timor-Leste lakon fatin lima hosi pozisaun 186 tuun ba pozisaun 191.


 


- ‘Ranking’ hosi FIFA, 20 Outubru:


 


1. (1) Arjentina, pontu 1.621.


2. (3) Brazil, pontu 1.410.


3. (2) Alemaña, pontu 1.465.


4. (6) Xile, pontu 1.273.


5. (4) Béljika, pontu 1.382.


6. (5) Kolómbia, pontu 1.361.


7. (7) Fransa, pontu 1.271.


8. (8) Portugal, pontu 1.231.


9. (9) Uruguai, pontu 1.175.


10. (10) España, pontu 1.168.


(...)


68. (69) Guiné-Bissau, pontu 515.


80. (71) Cabo Verde, pontu 508.


108. (95) Mosambike, pontu 359.


111. (110) Gabaun, pontu 323.


144. (134) Angola, pontu 236.


153. (153) São Tomé &Prínsipe, pontu 177.


184. (196) Makau, pontu 82.


191. (186) Timor-Leste, pontu 74.


 


@SAPO Desporto

Qui | 24.11.16

'Golu rua' hosi Messi asegura fatin dahuluk ba Barça, City empata iha Alemaña

SAPO TL

Barcelona halakon Celtic ho 2-0 no Manchester City empata  ho bola ida hasoru  Monchengladbach.





Foto: AFP


 


Barcelona joga kuarta-feira ne’e iha terrenu Celtic  manán ho 2-0, ho golu rua hosi Lionel Messi, no  garante ona prezensa iha oitavu finál Liga Campeões no okupa iha klasifikasaun dahuluk  grupu C nian.


 


Arjentinu ne’e inaugura markadór  iha minutu 24, finaliza hasoru Gordon hafoin  lanse kapás ida hosi  Neymar. Ba daruak  tentativa mosu iha 55', liuhosi  penálte ida ne’ebé ezekuta ho di’ak hosi Messi.


 


Iha minutu ikus, Suárez  kuaze haluan tan  ba 3-0, maibé kona deit baliza.


 


Iha  jogu seluk grupu C nian, Monchengladbach no Manchester City empata ho  bola ida. Raffael marka ba alemaun iha 23' no David Silva halo empata besik ba  intervalu. 'Citizens' hakat ba faze tuir mai  iha fatin daruak.


 


SAPO TL ho SAPO Desportu

Pág. 1/4