Saltar para: Post [1], Pesquisa e Arquivos [2]

SAPO Desportu TL

Sex | 21.09.18

Aguero renova ho Manchester City too tinan 2021

SAPO TL

Jogador arjentinu kumpri temporada ba dala ualu iha kampeaun inglés.

Aguero.jfif

Internasional arjentinu Sergio Aguero, rekordista ba golu sira Manchester City nian, ho 204, renova kontratu ho kampeaun inglés futebol nian too tinan 2021, anunsia iha loron-sesta ne'e.

Iha komunikadu, emblema Manchester nian ne'e koali konabá nian renovasaun ho 'Kun' Aguero, ne'ebé maka too iha klube ne'e mai hosi Atlétiku Madrid iha tinan 2011 no, se nia kumpri kontratu foun ne'e too fin, nia sei kumpri 'serbisu' tinan 10 nian.

"Ha'u senti kontente tanba renova tan ba tinan ida. Ha'u sempre iha ideia atu iha ne'e too tinan 10. ha'u kumpri ona tinan hitu, no sei tinan 10 iha fin ba kontratu ne'e, no ha'u hein katak ida ne'e bele akontese", hatete jogador ne'e, iha deklarasaun ba site 'online' 'citizens' nian.

Ho golu hamutuk 204 iha jogu 299, avansadu arjentinu ne'e rekordista golu nian iha klube ne'e, no marka ona golu lima iha temporada ne'e, ho ekipa Pep Guardiola, ho portugués Bernardo Silva, tenta hela renova fali titulu Liga ingleza nian.

Fonte: Ajénsia Lusa