Saltar para: Post [1], Pesquisa e Arquivos [2]

SAPO Desportu TL

Seg | 08.10.18

Cristiano Ronaldo iha lista. France Footbal hahú divulga kandidatu sira ba Bola de Ouro, Bola de Ouro ba Feto nian no Prémiu Kopa

SAPO TL

Lista hahú divulga ona.

Bola de Ouro.jpg

 

Revista franseza 'France Football' hahú ona divulga lista ba nomeadu sira ba Bola de Ouro nian ba tinan 2018. Aleinde jogador na'in 30 ne'ebé maka nomeadu ba prémiu ne'ebé maka konkoridu liu iha publikasaun franseza ne'e, sei hatene tan jogador na'in 15 nomeadu ba Bola de Ouro ba Feto no mós jogador na'in 10 ne'ebé konkore ba Prémio Kopa, ne'ebé maka premeia mellor jogador joven kiik hosi tinan 21.

Entre nomeadu sira iha mós Cristiano Ronaldo. Portugués ne'e maka atual manan-nain ba troféu no nomeadu fila fali ona, hafoin lakon tiha premiu The Best FIFA Men's Player iha époka ne'e nian iha premiu sira The Best nian ho Luka Modric.

Aleinde kapitaun selesaun portugueza nian, nomeia ona mós arjentinu Sergio Aguero, galés Gareth Bale, brazileiros Alisson Becker no Roberto Firmino, o fransés Karim Benzema, uruguaios Edinson Cavani no Diego Godin no belgas Thibaut Courtois no Kevin de Bruyne.

Cristian Ronaldo ne'ebé maka lakon iha tinan ne'e premiu The Beste FIFA nian ba kroata Luka Modric, manan ona Bola de Ouro dala lima, iha tinan 2008, 2013, 2014, 2016 no 2017.

Entre tinan 1956 no 1994, Bola de Ouro ne'e atribui de'it ba jogador europeus sira ne'ebé maka reprezenta klube europeus sira, maibé hosi tinan 1995, distinsaun publikasaun franseza loke mós ba futebolista sira ne'ebé maka joga iha Europa, dezde tinan 2007, pasa ba mundial, la iha restrisau ida.

Iha tinan 2010, France Football no FIFA hamutuk hodi kria Bola de Ouro FIFA, ne'ebé maka atribui hamutuk entre tinan 2010 no 2015, altura ne'ebé maka premiu ne'e iha fila fali ba defeza revista franseza nian de'it.

Fonte: Sapo Desporto