Saltar para: Post [1], Pesquisa e Arquivos [2]

SAPO Desportu TL

Seg | 10.07.17

Cristiano Ronaldo sei kontinua iha Real Madrid, ho ezijénsia balun

SAPO TL

Internasional portugés hakarak revizaun salarial entre ezijénsia sira seluk. 


 



AFP Photo@ Jorge Guerrero 




Cristiano Ronaldo sei kontinua joga iha Real Madrid iha époka hirak tuirmai ne'e, maibé ho ezijénsia balun ne'ebé hato'o hosi kapitaun Selesaun portugeza nian.


 


Tuir jornal españól AS, internasional portugés husu ona kondisaun balun hodi kontinua joga iha Real Madrid, liuliu marka prezensa iha reuniaun ho Florentino Pérez no tenki iha liafuan ruma hodi hato'o iha desizaun sira ne'ebé foti hosi emblema "merengue".


 


Cristiano Ronaldo mós sei sai hanesan kapitaun datoluk hosi klube nian, lakon de'it ho Sergio Ramos no Marcelo iha hierarkia hosi balneáriu Real Madrid nian hafoin saída hosi Pepe.


 


Ezijénsia seluk hosi Cristiano Ronaldo iha mós relasaun ho nia vensimentu iha Real Madrid. Númeru 7 hosi "merengue" sira hakarak revizaun salarial ida hafoin lakon tiha "estatutu" hosi jogador ne'ebé karun liu iha mundu ho Lionel Messi, ne'ebé foin lalais renova ona kontratu ho Barcelona no agora simu euro millaun 95 tuir époka ida.


 


@SAPO Desporto