Saltar para: Post [1], Pesquisa e Arquivos [2]

SAPO Desportu TL

Ter | 25.07.17

Cristiano Ronaldo sei kontinua iha Real Madrid

SAPO TL

Avansadu portugés ko'alia ba jornal españól ida, ne'ebé nia konfirma ona katak sei kontinua iha klube "merengue" iha temporada oinmai. 


 



 


Karik novela veraun nian besik hotu ona. Cristiano Ronaldo konfirma ona katak sei kontinua iha Real Madrid iha temporada oinmai.


 


Jogador portugés ko'alia espesialmente ba jornal españól Marca ne'ebé fó sai katak sei hatais nafatin "blanco" iha temporada oinmai.


 


"Manán troféu importante sira ho ha'u nia klube iha tinan liubá hanesan extraordináriu, hanesan mós troféu individual sira, no sei di'ak liután bainhira ha'u halo fila fali", jogador hatete ba jornal españól.


 


Hanesan ba dala uluk maka jogador ne'e ko'alia kona-ba nia kontinuasaun no kona-ba vontade hodi manán títulu sira ho Real Madrid, hafoin kazu hosi fraude fiskal ne'ebé maka nia hetan no karik hamosu ona notísia oioin katak nia ladún haksolok no kona-ba atu sai hosi klube españól.


 


"Ó tenki serbisu maka'as, tinan ba tinan. Ha'u sei halo nafatin. Futebol maka hanesan ha'u nia moris. Hanesan ha'u nia paixaun", Ronaldo hatutan.


 


Fonte: SAPO Desporto