Saltar para: Post [1], Pesquisa e Arquivos [2]

SAPO Desportu TL

Sex | 06.09.19

Futebolista internasional rusu sira Kokorin ho Mamayev sei sai hosi kadeia

SAPO TL

Futebolista internasional rusu sira, Alexander Kokorin ho Pavel Mamayev, ne'ebé hetan kaer dezde Outubru tinan 2018 tanba agresaun sira, no kondena ona iha fulan-Maiu ba kadeia tinan ida ho balun, sei hetan liberdade.

futebol_russia.jpg

Iha tinan ida liubá, Pavel Mamayev, hosi Krasnodar, ho kompañeiru selesaun nian Alexander Kokorin, hosi Zenit, hetan kaer hafoin ataka tiha mane ida, responsável ida hosi governu, iha estasionamentu ida hosi hotel ida iha Moskovo, no mane ida seluk iha kafé ida.

 

Kokorin, joga iha internasional dala 48, hetan kondenasaun ba kadeia tinan ida ho balun, no Mamayev iha kastigu ida ba fulan 17, desizaun ne'ebé fó iha fulan-Maiu no hamenus ona tempu kumpridu antes sentensa nian.

 

Tribunal hosi rejiaun Belgorod agora entende katak "ba propózitu hosi koresaun, la presiza kumpri kastigu tomak" no sei hetan liberdade iha loron 17 Setembru, bainhira laiha rekursu hosi ministériu públiku.

"Desizaun judisial sei hahú hala'o iha loron 10 nia laran, bainhira laiha rekursu", hatete hosi porta-vós hosi tribunal Belgorod, Irina Sazonova, ba ajénsia Interfax.

 

Fonte: Ajénsia Lusa