Saltar para: Post [1], Pesquisa e Arquivos [2]

SAPO Desportu TL

Qui | 07.03.19

LeBron James hatete katak Michael Jordan hanesan "inspirasaun ida"

SAPO TL

LeBron James afirma ona katak Michael Jordan sai ona hanesan "inspirasaun ida" iha basketbolista nia kareira, hafoin iha loron-kuarta ne'e halakon ona lendáriu eis-jogador hanesan markador dahaat di'ak liu hosi Liga Norte-amerikanu Basket nian (NBA).

lebron_NBA.jpg

“M. J. [Michael Jordan] sai ona hanesan inspirasaun ida, ha'u uluk hakarak sai hanesan nia. Imi la hatene saida maka nia reprezenta mai ha'u", afirma hosi LeBron, ne'ebé, ho pontu 31 aponta lakon hosi Los Angeles Lakers hasoru Denver Nuggets, ho 115-99, hetan ona marka hosi pontu 32.293 iha NBA, halakon Jordan (32.292).

LeBron agora hasoru de'it Kobe Bryant (33.643), Karl Malone (36.928) ho Kareem Abdul-Jabbar, ida ne'ebé di'ak liu, ho pontu 38.387 ne'ebé maka hetan iha kareira.

"Ha'u halo ona buat barak iha ha'u nia kareira, ne'e hanesan ida tan", LeBron James hatete hodi hatutan katak: "Ha'u uluk hanesan labarik ida hosi Akron, iha Ohio, ne'ebé presiza inspirasaun ida, hosi influénsia pozitivu ida. M.J. maka sai hanesan inspirasaun ba ha'u".

Iha kalan bainhira nia halakon ona Jordan iha lista hosi markador di'ak liu iha NBA, LeBron James halo ona homenajen ba jogador lendáriu hosi Chicago Bulls, hodi hakerek iha nia sapatilla: "Obrigadu M. J., 23", hodi refere mós ba númeru ne'ebé maka uluk uza hosi antigu jogador ne'e.

Hahú hosi estreia iha NBA, iha 2003, LeBron marka ona médiu ida pontu 27,1 tuir jogu ida.

Fonte: Ajénsia Lusa