Saltar para: Post [1], Pesquisa e Arquivos [2]

SAPO Desportu TL

Ter | 29.08.17

Neymar akonsella Coutinho hodi la asina ho Barcelona

SAPO TL

Jogador brazileiru defende katak kompatriota tenki hela iha Inglatera. 


 



 


Neymar karik hatete ba Phillipe Coutinho hodi la troka futebol inglés ho Barcelona. Tuir imprensa brazileiru, jogadór na'in rua ko'alia durante treinu selesaun "kanariña" nian ho reforsu PSG nian fó konsellu balun ba médiu Liverpool nian.


 


Tuir jornal brazileiru Estadão, Neymar sujere ona atu jogador hakmatek iha Inglatera ba nia kareira di'ak no aviza ona kolega hosi selesaun katak sei arepende desizaun hodi ba Barcelona.


 


Coutinho hetan asosiasaun beibeik ba klube katalaun hanesan potensial susesor Neymar nian. Maibé, formasaun española aprezenta Ousmane Dembélé iha loron-segunda ne'e hanesan reforsu ba ekipa prinsipal iha transferénsia ida ne'ebé kusta euro millaun 105. Estremu fransés hetan ona kamizola númeru 11 ne'ebé uluk hanesan Neymar nian.


 


Agora daudaun, Coutinho iha ligasaun ho Liverpool maski seidauk uza iha okaziaun ruma. "Red" sira afirma katak jogador iha lezaun, maibé médiu ne'e tama iha konvokasaun ba selesaun Brazil nian no halo treinu lahó kestaun fíziku sira.


 


Fonte: SAPO Desporto