PSG manán no hakat ba finál
Paris Saint-Germain manán Bordéus no tama ba final Taça Liga francesa nian.
Foto: JEFF PACHOUD / AFP
Paris Saint-Germain (PSG) iha ohin kualifika ba finál Taça Liga França, hafoin manán Bordéus ekipa lokál ho 4-1, liuhosi destake Di Maria no Cavani, autór ba golu haat ne’e.
Eis-jogadór Benfika loke no taka markadór, ho golu rua, dahuluk iha minutu 19, liuhosi ezekusaun livre diretu ida ho metru 30 hosi baliza, halo bola kona iha parte kraik barra nian no tama ba baliza, no daruak, iha 81, liuhosi remate sein preparasaun, ho distánsia dook, maibé rasteiru, ne’ebé surpreende guarda-rede Bordéus Jerome Prior.
Bordéus konsege trava deit PSG tempu dahuluk, ne’ebé tama ba finál ho empata ba ekipa rua, hafoin médiu uruguaiu Diego Rolan halo 1-1, iha minutu 32, maka dudu bola ba rede iha area kiik baliza nian, kona hosi ninia kolega ekipa, gineense François Kamano.
Iha tempu daruak, PSG justifika apuramentu ne’e ho tan golu tolu, rua hosi internasionál uruguaiu Edinson Cavani, iha minutu 60 no 74, primeiru ho remate ida bainhira guarda-rede Bordéus sai, hafoin hetan assisténsia hosi Lucas, no tuir mai hetan antesipa hosi defeza adversáriu, kona iha área kiik baliza nian ba liu fundu rede molok desviu ho ulun hosi Adrien Rabiot, iha sekuénsia kantu ida.
Ho fatin garantidu iha finál, PSG agora hein desfexu enkontru iha kuarta-feira ne’e entre Mónaco no Nancy, hala’o iha Principado, hodi hatene ninia aniveráriu ba finál .
SAPO TL ho SAPO Desportu