Saltar para: Post [1], Pesquisa e Arquivos [2]

SAPO Desportu TL

Qua | 10.10.18

Timor-Leste konkista medalla dahuluk iha Asian Para Games

SAPO TL

Atleta timoroan Pascoela dos Santos Pereira konkista medalla dahuluk ba Timor-Leste (bronze), iha ténis meza nian, iha Asian Para Games, ne'ebé maka edisaun ba dal tolu halao iha Jakarta, kapital Indonezia nian.

Asian Para Games.jpg

Pascoela Pereira derota tiha koreana Lee Kunwoo ho parsial sira 11-6, 11-3 e 11-9, konkista medalla bronze iha klase tenis meza WS TT6 nian.

 

Timoroan na'in rua, Abílio de Araújo e Paulo da Silva Neves, sei kompete iha loron-kuarta ne'e iha kuartu-final par iha klase TT4-5, sei iha mós atleta na'in tolu Timor-Leste nian ne'ebé kompete iha prova nani nian.

Pascoela Pereira, funcionária organizasaun ida iha Timor-Leste ne'ebé ho moras lepra, ho mobilidade reduzida iha ain tanba efeitu poliomielite nian.

Modalidade tenis meza ne'e integra iha paralímpikus dezde 1960, desportu datoluk konabá partisipantes nian, ho estimativa atleta millaun 40 ne'ebé kompete iha mundu.

Edisaun ba dala tolu Asian Para Games ne'e halao iha Indonezia, reuné atleta sira 2.800 resin hosi nasaun 43 (inklui delegasaun unifikada Koreia nian) ne'ebé maka entre loron 06 no 13 Outubru kompete iha eventu 512 ne'ebé fahe ba modalidade 18.

Fonte: Ajénsia Lusa