Saltar para: Post [1], Pesquisa e Arquivos [2]

SAPO Desportu TL

Sex | 02.11.18

Usain Bolt husik klube futebol australianu, Central Coast Mariners

SAPO TL

Jamaikanu Usain Bolt, oktokampeaun olímpiku, hotu ninian periodu esperiénsia iha australianu Central Coast Mariners, iha loron-sesta ne'e, anunsia klube futebol ne'e iha komunikadu.

Bolt.png


"Central Coast Mariners sira no reprezentante Usain Bolt Ricky Simms anunsia iha loron-sesta katak periodu esperiénsia Usain Bolt nian iha klube, ba tempu inderteminadu, hotu iha loron-sesta ne'e, ho efeitu imediatu ida", leé iha nota ne'ebé divulga hosi klube ne'e.

Hafoin husik pista sira ne'e, jamaikanu hatudu ninian interese hodi tuir kareira iha futebol, ne'ebé maka halo nia ba treinu ho Borussia Dortmun no joga ba esperiénsia nian iha australianu iha Central Coast Mariners.

Usain Bolt, ne'ebé maka hanesan rekordista mundial ba metru 100 iha atletismu, ho segundus 9,58, manan, mós premiu sira seluk, 'ouru' iha Jogus Olímpiku sira iha Pequim2008, Londres2012 no Rio2016, iha kategoria sira metru 100 no 200, no mós 4x100 iha Rio de Janeiro no iha Londres.

Fonte: Ajénsia Lusa