Saltar para: Post [1], Pesquisa e Arquivos [2]

SAPO Desportu TL

Ter | 07.08.18

Usain Bolt sei ba treinu ho Central Coast Mariners iha liga futebol australiana nian

SAPO TL

Jamaikanu Usain Bolt, oktokampeaun olímpiku, sei ba treinu ho periudu indeterminadu ida ho ekipa Central Coast Mariners, konfirma loron-tersa ne'e hosi klube liga futebol australiana nian.

UsainBolt.jpg

"Ha'u nian mehi maka joga futebol profesional, ha'u hatene katak ida ne'e ezije serbisu makas no treinu hodi atinji nível ida ne'ebé presiza hodi halo impaktu iha liga australiana ne'e", afirma Bolt, iha komunikadu ida ne'ebé divulga hosi klube ne'e.

Central Coast Mariners mós esklarese katak akordu ho jamaikanu, ho tinan 31 ne'e, sei la garante kontratu profisional ida.

Sahun Mielekamp, diretor klube ne'e, garante katak otimista ho oportunidade ne'e, hatete no hein katak velosista ne'e bele ajuda ekipa ne'e.

"Importante maka ita labele hakfodak ho entuziasmu ne'e. Ami iha responsabilidade ida hodi konstrui ekipa mana-nain no ami mós iha esperansa katak Bolt bele ajuda ami iha misaun ida ne'e", afirma tan.

Kampeaun olímpiku iha metru 100, 200 no 4x100 ne'e, ne'ebé maka asume nia mehi sai jogador futebol profisional ida, liu-liu, iha Manchester United, treina ona iha fulan-Juñu ne'e ho norueguez sira Stromsgodset nian no iha fulan-Marsu ho alemaun sira Borussia Dortmund nian.

Usain Bolt, rekordista mundial metru 100 nian iha atletismu, ho segundu 9,58, manan, mós prémiu sira seluk, 'osan-mean' iha Jogo Olímpiku sira Pequim2008 nian, Londres2012 nian no Rio2016 nian, iha kategoria sira metru 100 no 200 nian, no 4x100 iha Riu-Janeiru no iha Londres.

Fonte: Ajénsia Lusa