Avansadu italianu marka golu vitória Liverpool nian hasoru Tottenham.
Foto: PETER POWELL / EPA
Balotelli marka golu vitória.
Ohin dadeer Liverpool manán Tottenham 3-2, iha jogu Premier League ne’ebé hala’o iha Anfield. Mario Balotelli maka sai erói hosi "reds", hodi marka golu vitória nian iha minutu 83.
Ekipa uma nain maka hahú marka golu iha minutu 15 hosi intermédiu eis-benfikista Markovic, ne’ebé remata ho ain-karuk iha Hugo Lloris. Iha minutu 26', Harry Kane halo empata ho pasa hosi Lamela.
2-1 hosi intermédiu Steven Gerrard, hafoin marka penalidade, molok Dembelé halo empata fali ba "spurs" iha minutu 61'.
Golu vitória ne’ebé akontese iha minutu 83', ho erói improvável: Mario Balotelli, maka tama iha minutu 74' ba Sturridge nia fatin, hodi xuta tama ba baliza laran hafoin halo kruzamentu di’ak ida hosi Lallana no fó vitória ne’ebé "reds" nia heian hela.
Ho vitória ida ne’e, Liverpool mantén ninia pozisaun da-7, agora ho ponutu 42, maibé besik Tottenham, ne’ebé iha pontu 43.
Iha jogu sira seluk ne’ebé hala’o iha loron-Tersa, Arsenal manán Leicester 2-1, Hull City halakon Aston Villa 2-0 no QPR ba Sunderland nia kampo hodi manán 2-0.
Jogu ba 25 hosi Premier League remata iha loron-Kuarta, sai hanesan destake jogu Chelsea-Everton, Stoke City-Manchester CIty no Manchester United-Burnley.
Sporting no Benfica empata ho bola ida-ida iha Alvalade, iha jogu kualifikasaun ba dala 20 hosi I Liga.
Adeptu Benfica/Foto Lusa
Bruno de Carvalho halo ona asaun ba insidente iha dérbi entre Sporting no Benfica. Iha parte finál hosi jodu polísia tenke intervene hamutuk adeptu Benfica nian ne’ebé halo harahun petardu balun no soe objetu sira ne’ebé kontra adeptu Sporting nian.
Iha ninia pájina rede sosiál Facebook, líder leonino dehan hein kastigu ida ne’ebé todan atu halo hosi parte FPF no Liga.
"Iha jogu finál, Klake benfikista soe toxa no artefatus pirotékniku ba sportinguista barak nia leten, ne’ebé iha Superior Norte, maibé laiha konsekuénsia ne’ebé boot tanba haree ba intervensaun hosi polísia. Ha’u la fiar katak delegadu no responsável sira ladauk foti nota no prosedimentu punisaun ne’ebé ho lalais no ezemplár. Ami labele hakarak desportu ida ne’ebé kredível liu no halo ema bele respeitu no hosik atu halo buat ruma ba epizódiu ne’ebé lamentável tebes hanesan buat hirak ne’e", hakerek prezidente Sporting.
Ba Bruno de Carvalho, hahalok sira ne’ebé hosi adeptu Benfica "halo moe la’ós de’it desportu, maibé Portugal tomak".
"Klake benfikista dehan ´very light 96` halo aluzaun ba asasinatu adeptu sportinguista ida hosi adeptu benfikista ida. Epizódiu ida ne’e rasik grave ba nia aan rasik, maibé konsege sai pior liu ema haree tanba realiza pavillaun bainhira sai prezidente klube refere", konklui Bruno de Carvalho
Formasaun "che" manán ho golu sira hosi Piatti no Parejo.
Valência, ne’ebé orienta hosi treinadór portugés Nuno Espírito Santo, konsege sa’e ba kuartu lugar iha domingu ida ne’e hosi Liga espanhola de futebol, hodi manán Espanyol 2-1, iha jogu klasifikasaun 22.
Arjentinu Pablo Piatti, iha minutu 62, no Daniel Parejo, iha minutu 85, ho livre ida, ho ajuda hosi guarda-redes Pau nia kotuk, hodi manán hamutuk ho ‘ché’, enkuantu Sergio Garcia marka golu anfitriaun nian, iha minutu 89.
André Gomes tama iha interval iha forasteiru, troka arjentinu nomós eis-benfikista Enzo Perez, enkuantu Ruben Vezo la sai hosi banku suplente nian.
Ho vitória ida ne’e, Valência hetan pontu 44, liu pontu rua duke Sevilha, ne’ebé monu ho 2-1 bainhira dezloka ba Getafe no tun ba kintu postu, iha embate ida ne’ebé Diogo Figueiras komesa tur iha banku hosi vizitante sira no tama iha minutu 16.
Suplente Pedro León, tama iha minutu 78, desidi ona enkontru, iha minutu 85, hafoin polaco Grzegorz Krychowiak anula tiha, iha minutu 66, inaugura fatin sira, ne’ebé aponta hosi Álvaro Vázquez, ho penálti, iha minutu 29.
Iha jogu matinal, Córdoba, ho Bebé iha minutu 90, manán Almeria, ho tentu ida hosi arjentinu Federico Cartabia, iha minutu 10, maibé halakon 2-1, tanba kulpa hosi ‘bis’ ida hosi defeza brazileiru Michel (minutu 61 no 66).
Jogu ba dala 22 hosi Liga española marka hosi goleada uma nain nian ne’ebé imposta hosi kampeaun Atlético de Madrid ba líder Real Madrid, iha sábadu: rezultadu ne’ebé remata ho 4-0, ho portugés Tiago marka golu dahuluk, iha minutu 14.
Borussia Dortmund lakon horisehik hafoin simu tiha Augsburgo, 1-0, no kontinua sai últimu lugar hosi Bundesliga laho salvasaun.
Bobadilla, iha minutu 50, aponta úniku mesak ida hosi jogu ne’e. Ekipa vensedora sei joga tán iha minutu 25 hodi reduz tiha elementu sanulu, tanba duni sai tiha Janker, maibé ekipa Jurgen Klopp la konsege marka golu.
Dortmund ho de’it pontu 16 iha tinan ida ne’e hosi Liga alemã.
Iha jogu ne’ebé jogadór na’in toltu sai tanba hetan lezaun, madrilène sira kontrola jogu tomak no jogu ne’e sai di’ak.
Jogadór sira hosi Real Madrid festeja golu
Real Madrid simu no manán (2-1) Sevilha ohin dader iha Santiago Bernabéu, iha enkontru ne’ebé atraza hosi kualifikasaun 16 Liga BBVA. James Rodríguez (12’), Jesé (27’) sira maka marka golu hosi turma uma nain no Aspas maka marka golu vizitante sira.
Kampeaun españól sira aprezenta aan ho James Rodríguez iha jogu hahú ho sanulu resin-ida (ida sai iha minutu 27’), maibé laho Cristiano Ronaldo iha jogu, ne’ebé kumpre segunda partida hosi kastigu ne’ebé nia halo. Hosi Sevilha, Emery aposta iha Beto (sai tanba hetan lezaun iha minutu 35’ hafoin xike hasoru Benzema), Daniel Carriço no Diogo Figueiras, defeza ne’ebé hamosu forma maka’as hodi marka golu rua iha jogu ikus ne’e.
"Merengues" komesa hahú jogu ho azar, Sérgio Ramos sai tanba hetan lezaun iha miniutu 9’. Eis-portista James loke markadór iha minutu 12’. Kruzamentu milimétriku hosi Marcelo parte lima karuk no kolombianu dezvia tiha ho ulun ba segundu poste.
Jesé, ne’ebé tama hodi troka James, marka golu daruak no deskansa ba “afición” iha minutu 37’. Hafoin pasa ladi’ak hosi Iborra, Real Madrid sai halo kontra-atake ho lalais, ho golu españól mosu ba segundo poste hodi remata kruzadu ida ba rede laran. Hafoin golu, sei iha remata ida ba poste Iborra.
Andaluz sira sai perduláriu ba iha minutu 45’ falla oportunidade di’ak balun, kontráriu hosi ema kapital española ne’ebé sai efikaz tebes. Iha faze komplementa, grupuAncelotti jere jogu, maski Sevilha mantiven kombatividade ne’ebé nia karakterístika.
Iha minutu 53’, Bale hetan oportunidade di’ak ida maibé, iha konversaun bola livre ida, haruka bola ba baliza Sevilha nia sorin. Iha minutu 79’, Daniel Carriço sei hetan tan oportunidade ida hodi reduz, iha área ki’ik nian, maibé falta efikásia mante aan nafatin. Situasaun ne’e la repete iha jogu tuir mai, Iago Aspas hodi enkosta ba baliza Casillas, hafoin hetan jogu individuál hosi Vitolo.
Hanoin katak ho inserteza sei toma konta hosi minutu ikus ninian, maibé laiha tan oportunidade lolos ne’ebé perigu. Merengues agora ho pontu haat tan liu segunda klasifikadu, Barcelona.
Transferénsia hosi avansadu brazileiru kontinua sai problema ba justisa española nian tanba suspeita sira hosi fraude fiskál.
Brazileiru Neymar maka sai hanesan foku prosesu ne’ebé envolve Sandro Rosell no klube katalaun
Ministériu Públilku españól husu ba juiz Pablo Ruz ne’ebé lori julgamentu FC Barcelona no ninia antigu prezidente Sandro Rosell, iha ámbitu prosesu kona-ba transferénsia futebolista internasionál brazileiru Neymar.
Iha despaxu, Prokuradór konsidera katak Rosell maka responsável ba krime tolu, rua kona-ba fraude fiskál no ida seluk kona-ba ekonómiku, maibé klube katalaun maka akuza de’it delitu fraude fiskál rua.
Ministériu Públiku husu mós katak atu investiga prezidente Barcelona atuál, Josep María Bartomeu, tanba halo krime fraude fiskál iha 2014, maibé iha prosesu ida ba parte ida ne’e, nune’e atu labele atraza saida maka Rosell envolve.
Valência lakon no 5.º lugar ho pontu 41, Málaga hetan 35.
Nuno lakon no monu ba 5.º
Valência lakon ho Málaga 1-0 iha La Rosaleda no tun ba pozisaun dalima hosi Liga Espanhola.
Ho João Cancelo, André Gomes, Otamendi, Enzo Pérez no Rodrigo sai titulu, ekipa ne’ebé orienta hosi portugés Nuno Espírito Santo sente iha difikuldade barak hodi hasoru Málaga. Hosi sorin seluk malaguenhos, ho de’it Ricardo Horta joga, nia maka tama iha segunda parte.
Marka golu úniku hosi jogu ne’ebé marka hosi Samuel Castillejo iha minutu 25.
Iha Valência, destake hosi negativa ba João Cancelo. Joven laterál parte liman-los portugés ne’e duni sai tiha, tanba hetan kartaun kinur rua.
Ho Valência lakon ba 5.º lugar ho pontu 41, Málaga hetan 35. Real Madrid lidera ho pontu 51 (sei hela jogu ida), tuir Barcelona ho pontu 50 no Atlético Madrid ho pontu 47. Sevilha maka agora hetan kuartu, ho pontu 42.
Katalaun sira tenki hasai kosar hodi halo liu 'Submarino Amarelo'.
FC Barcelona ohin manten ho pontu ida hosi líder Real Madrid, hodi simu hasoru jogu no manán Villarreal, 3-2, iha jogu kualifikasaun 21 hosi kampeonatu españól futeból ne’ebé dala rua hetan desvantajen.
Iha Nou Camp, `submarino amarelo´ halo komplikasaun maka’as ba FC Barcelona, maibé golu ida hosi arjentino Lionel Messi, iha minutu 55, hodi konfirma katalaun nian vitória, hafoin hahú fali jogu segunda parte nian atu sai `bulak´.
Iha luta ida hodi hetan fatin iha kompetisaun europeia,rusu Cheryshev (jogadór empresta hosi Real Madrid) halo Villarreal hetan vantajen iha minutu 30, maibé, molok intervalu, brazileiru Neymar halo golu empata. Bainhira fila hikas ba balneáriu, arjentinu Vietto fó vantajen ba forasteiru, iha minutu 51, maibé ho lalais de’it FC Barcelona protagoniza reviravolta iha jogu ne’e, liuhosi Rafinha, iha minutu 53, no hafoin Messi.
Ho rezultadu ida ne’e, formasaun Luis Enrique manten iha pozisaun daruak ba pontu ida hosi Real Madrid, ne’ebé sei hela tan jogu ida – iha loron-Kuarta agora sei joga hasoru Sevilha - no foin iha Sábadu ne’e halakon Real Sociedad (4-1), no ho vantaje tolu kampeaun Atlético Madrid, terseiru.
Lateral portugés, ne’ebé marka ona durante semana kotuk hodi ba Taça do Rei, halo primeiru golu hosi Sevilha, iha minutu 26, halo hikas fali iha altura empata iha markadór, hafoin uruguaiu Stuani fó vantajen ba katalaun sira, iha minutu 15, ho penalidade boot. Iha minutu 35, Vitolo kompleta reviravolta ba Sevilha no buat hotu sai difísil liu tan ba Espanyol bainhira guarda-redes Casilla fó kedas kartaun kinur, iha minutu 40.
Maski nune’e, no hafoin Sevilha lakon oportunidade barak, forasteiru to’o hodi halo hanesan, hosi Sanchez, iha minutu 77, maibé, iha minutu 89, Aspas garante vitória ba formasaun Andaluzia, ne’ebé hamutuk ho guarda-rede Beto (saiu ba intervalu) no mós ho Daniel Carriço sai titulu.
Ho rezultadu ida ne’e, Sevilha fila hikas ba kuartu lugár hosi kampeonatu, ho pontu ida tan duke Valência, ne’ebé, iha loron-Segunda, hasoru Málaga, iha jogu ne’ebé remata ona ronda.
Almeria alkansa ho vitória bainhira simu Getafe, ho 1-0, no sai hosi fatin despromosaun, enkuantu Levante maka ikus liu, hafoin lakon ho Athletic Bilbau iha nia kampo, 2-0, ho `golu rua´ hosi Aduriz.
Austrália konkista horisehik Taça Asiática de futebol ba dala uluk, ho halakona Coreia do Sul, ho 2-1, hafoin prolongamentu, iha finál maka disputa iha Sydney.
Massimo Luongo inaugura markadór sei iha parte dahuluk, iha minutu 45, maibé Son Heung-Min haforsa prolongamentu iha períodu kompensasaun, empata iha 90+1, no suplente James Troisi maka hatama golu manan nian, iha minutu 105.
Selesaun uma na’in, halakon hosi Japaun iha finál edisaun kotuk, iha tinan 2011, alkansa títulu iha nia partisipasaun ba dala tolu, hafoin transitadu hosi zona Oceânia ba zona Ásia iha tinan sia.
