Saltar para: Posts [1], Pesquisa [2]

SAPO Desportu TL

Ter | 26.05.15

Eventu desportivu hosi SportImpact halibur labarik atus iha Gleno

SAPO TL

Atu selebra “Desportu ba Moris”, SportImpact iha loron-Tersa 19 maiu organiza, eventu multi-desportu iha Campo de Futebol de Gleno.




Labarik no joven atus tolu resin no adultu sanulu resin, bele koko ho gratuita ba desportu sia ne’ebé lahanesan: atletizmu, badminton, basketeból, futeból, karaté, taekwondo, ténis iha rai-henek, ténis meza no voleiból.


 




Hatudu katak ho boa-vontade, kolaborasaun no determinasaun nune’e bele hala’o buat hotu, eventu organiza hamutuk ho organizasaun lokál oioin sira: Centro de Juventude de Gleno, Confederação do Desporto de Timor-Leste e Associação de Taekwondo de Gleno.



SportImpact mós organiza, kursu ida ho durasaun loron hitu, Centro de Juventude de Gleno dias kona-ba “Guia ba Organizasaun Eventu Desportivu sira”, ho partisipasaun reprezentante lokál 22 hosi Centro de Juventude, Associação de Atletismo, Futebol, Basquetebol, Karaté e Taekwondo de Gleno, no seluk tan. Partisipante sira iha kursu ko-organiza eventu iha Tersa liuba, pratika saida maka sira aprende ihao workshop no planea oinsa atu bele responde eventu iha futuru.


 



 


Tuir SportImpact, orsamentu ne’ebé disponível ba projetu ida ne’e maka limitadu tebes. SportImpact agradese liu liu ba apoiu hosi AICEP Portugal Global – Ajénsia ba Investimentu no Komérsiu Externu Portugal, liuhosi estajiáriu idao, ba Confederação de Deporto de Timor-Leste hodi providensia transporte no ba One World Play Project, ne’ebé oferese bola futeból ‘indestrutível’ liuhosi ChildFund.



Ba eventu ne’e rasik SportImpact agradese liu liu ba apoiu hosi ko-organizadór no voluntáriu sira hotu, sai hanesan destake espesiál ba Centro de Juventude de Gleno.



Kona-ba eventu “Desportu ba Moris”



Eventu sira “Desportu ba Moris hanesan ko-organizadu hosi SportImpact ho númeru ne’ebé hosi grupu no organizasaun lokál sira, hodi oferese ba komunidade oportunidade atu koko variedade desportu sira iha fatin ida de’i (bainbain hala’o iha kampo futeból lokál ida ka estádiu disponível).  Ba eventu sira ne’e, SportImpact konvida eskola hotuhotu hosi rejiaun hodi lori sira ninia labarik no joven.  Objetivu maka atu hatudu katak lapresiza halo infraestrutura boot hodi hala’o duni no insentiva grupu no asosiasaun lokál sira atu organiza mesak ho ami iha futuru.



Eventu ne’e mós inkluiu elementu sira hosi edukasaun no saúde. To’o agora: kombate ba tabagismo iha fatin ne’e rasik no halo promosaun komportamentu sira ne’ebé iha relasaun ba lixo. SportImpact buka parseiru sira ne’ebé bele haree eventu sira hanesan kanál di’ak ida no atu hariku ho sira ninia konteúdu rasik.



Iha fulan sira oin mai, SportImpact sei lori projetu ne’e ba munisípiu ne’e seluk:



§   Manatuto: workshop 22-26/Jun, eventu 27/Jun
§   Lospalos: workshop 27-31/Jul, eventu 1/Ago
§   Oekuse: workshop 17-21/Ago, eventu 22/Ago
§   Aileu: workshop 14-18/Set, eventu 19/Set
§   Maliana: workshop 19-23/Out, eventu 24/Out
§   Baucau: workshop 16-20/Nov, eventu 21/Nov



Kona-ba SportImpact



SportImpact hanesan negósiu sosiál ida ho misaun atu promove dezenvolvimentu umanu liuhosi desportu. Fundadór sira maka espesialista sira iha jestaun desportu, empreendedorizmu sosiál no jestaun konflitu, ho esperiénsia internasionál oioin ne’ebé dezenvolve desportu iha nasaun sira maka hanesan Timor-Leste, Afeganistão, Brasil, Portugal no Singapura.



Atu hatene liutan informasaun: SportImpact /www.facebook.com/sportimpact.org



Haree foto barak liu tan klika iha ne’e no ne’e


 


SAPO TL ho SportImpact

Ter | 26.05.15

Roma sei marka prezensa iha faze grupu Champions

SAPO TL

AS Roma manán Lazio 2-1 iha dérbi hosi kapitál romana.


 



 


Foto: EPA/MAURIZIO BRAMBATTI


Jogadór Roma selebra vitória bainhira hasoru Lazio


 


AS Roma horisehik hametin ninia pozisaun ba segundu lugár hosi Liga italiana futeból, hodi garante tama ba faze grupu Liga Kampeaun, hodi manán dérbi hasoru Lazio 2-1.


 


Iha jogu 37.ª no penúltima jornada prova, ekipa romana bele prepara aan ona sai segundu lugár ho vitória ida no haree katak atu tama ona ba minutu 74, bainhira arjentinu Juan Manuel Iturbe koloka ninia ekipa hasoru markadór.


 


Reasaun hosi Lazio halo kedas no mosu golu empata ninian iha minutu 81, liuhosi sérvio Filip Djordjevic, maibé Roma ikus mai manán, ho defeza-sentrál fransés Mapou Yanga-Mbiwa, iha minutu 85.


 


Enkuantu vitória ne’e lori kedas apuramentu diretu Roma hodi faze grupu, Lazio adia ba semana ida tan ba eventuál prezensa iha liga ‘milionária’ – apuramentu ba ‘play-off’-, foin lalais na última ronda desloka ba Nápoles nia kampo, ekipa ne’ebé sai kuartu lugár ho pontu tolu no, manán tiha, ‘rouba’ terseiru lugár ba ekipa romana.


 


SAPO TL ho SAPO Desporto


 

Seg | 25.05.15

Cristiano Ronaldo iha akompañamentu di'ak iha Mónako

SAPO TL

Jogadór portugés asisti Monaco Grand Prix ho kompañia hosi Cara Delevingne, modelu hosi Londres.


 





Portugés Cristiano Ronaldo hakarak ba to'o Mónako hodi asisti Monaco Grand Prix nebe hala'o iha fatin ne'e.

Jogadór hosi Real Madrid akompaña hosi Cara Delevingne, modelu ingleza ho tinan 22, nebe moris iha Londres.

Ronaldo ho Delevingne hamutuk mós ho pilotu sira Fernando Alonso no Jenson Button iha stand McLaren Honda nian.

Haree foto sira iha-ne'e:


Seg | 25.05.15

Maradona kritika Blatter: "Ita iha ditadór ida ba moris tomak"

SAPO TL

Ali Bin Al Hussein maka hanesan alternativu úniku hasoru Blatter iha eleisaun iha loron-sesta, hafoin Luis Figo, David Ginola, Michael van Praag ho Jérôme Champagne husik tiha kandidatura.


 




Diego Maradona kritika fali Joseph Blatter.

Tuir arjentinu, prezidente FIFA nian, no kandidatu ba mandatu foun, hanesan responsável prinsipál ba ema sira hodi hadook aan hosi futeból, liuliu tanba klima deskonfiansa nebe mosu hahú hosi nia kargu iha tinan 1998.

"Futeból muda ona iha dékada ikus ne'e no la la'ó ba di'ak. Iha tempu uluk hanesan modalidade ida nebe ita hotu iha orgullu, nebe halo uniaun ba Mundu, maibé FIFA ho nia administrasaun, transforma iha rekreiu ba ema koruptu sira", Maradona hatete iha artigu ida opiniaun nian nebe publika iha jornál britániku "The Telegraph".

"Ha'u haree katak laiha ema apoia Blatter ho dalan abertu. Tansá? Hanoin ida ba mandatu dalima hanesan absurdu iha tinan 2015 - la'ós hanesan buat nebe bele aseita iha nasaun demokrátiku sira iha mundu. La'ós iha ONU ka iha organizasaun internasionál sira iha ohin loron. Maibé karik ba FIFA buat hotu di'ak hela. Ita iha ditadór ida ba moris", antigu jogadór ne'e hatutan.

Maradona hanesan apoiante ba Ali Bin Al Hussein, alterantivu úniku ida hasoru Blatter iha loron 29 oinmai, hafoin Luís Figo, David Ginola, Michael van Praag ho Jérôme Champagne husik tiha kandidatura.

ho Renascença

Seg | 25.05.15

Maradona critica Blatter: "Temos um ditador para a vida"

SAPO TL

Ali Bin Al Hussein é a única alternativa a Blatter nas eleições de sexta-feira, depois dos abandonos de Luís Figo, David Ginola, Michael van Praag e Jérôme Champagne.


 




Diego Maradona volta a criticar Joseph Blatter.

Segundo o argentino, o presidente da FIFA, e candidato a novo mandato, é o principal responsável pelo afastamento das pessoas do futebol, sobretudo devido ao clima de desconfiança que se instalou desde que ao cargo em 1998.

"O futebol mudou nas últimas décadas e não foi para melhor. No passado era uma modalidade da qual todos tínhamos orgulho, que unia o Mundo, mas a FIFA, com a sua administração, transformo-a num recreio para os corruptos", diz Maradona, num artigo de opinião publicado no jornal britânico "The Telegraph".

"Vejo que quase ninguém apoia Blatter de forma aberta. Porquê? A noção de um quinto mandato é um absurdo em 2015 – não é algo aceitável em países democráticos em qualquer parte do Mundo. Nem na ONU, ou outras organizações internacionais nos dias que correrm. Mas parece que para a FIFA está tudo bem. Temos um ditador para a vida", acrescenta o antigo jogador.

Maradona é apoiante de Ali Bin Al Hussein, a única alternativa a Blatter no dia 29, depois dos abandonos de Luís Figo, David Ginola, Michael van Praag e Jérôme Champagne.

com Renascença

Seg | 25.05.15

Chelsea hosi Mourinho tinan ne’e taka jogu ho vitória

SAPO TL

Jogu ne’ebé sai hanesan despedida hosi Didier Drogba.


 



 


Foto: FACUNDO ARRIZABALAGA / EPA


Drogba despede hosi Chelsea


 


Chelsea manán Sunderland 3-1 iha Domingu ne’e,, iha jogu ikus ninia hosi Liga Inglesa.


 


Golu hosi kamizola kór-azul maka marka hosi Diego Costa (37’) no Loic Remy (70’ no 88’). Ba Sunderland marka Fletcher (26’).


 


Chelsea, sai kampeaun, nune’e maka taka Premier League ho pontu 87, manán dala 26, empata dala sia no lakon dala tolu.


 


Iha jogu ne’e, Hull City hamutuk ho desprovidu Burnley no Queens Park Rangers.


 


Sira ne’ebé tama ba europeu, Chelsea, Manchester City, Arsenal no Manchester United ba Liga dos Campeões, Tottenham no Liverpool ba Liga Europa.



Rezultadu 38.ª jornada Liga ingleza:




Arsenal 4-1 WBA
Aston Villa 0-1 Burnley
Chelsea 3-1 Sunderland
Crystal Palace 1-0 Swansea
Everton 0-1 Tottenham
Hull City 0-0 Manchester United
Leicester 5-1 QPR
Manchester City 2-0 Southampton
Newcastle 2-0 West Ham
Stoke City 6-1 Liverpool


 


SAPO TL  ho SAPO Desporto

Sex | 22.05.15

Hazard ho Mourinho maka di'ak liu iha Inglaterra

SAPO TL

Treinadór portugés mana'an prémiu ne'e ba dala tolu.





Foto: Lusa/EPA


 


Iha nia pasajen daruak iha Chelsea, José Mourinho eleitu ona iha loron-sesta ne'e nu'udar treinadór di'ak liu iha Liga Ingleza, konkista hamutuk ho "blues" sira títulu kampeaun hanesan faktu importante ida. Ne'e hanesan ba dala tolu maka portugés mana'an prémiu ne'e.

Tékniku substitui Tony Pulis (Crystal Palace) nebe mana'an prémiu ne'e iha épola 2013/2014.

Títulu ba jogadór di'ak liu hosi Premier League fó ba Eden Hazard. Ema belga ho tinan 24 tama iha destake iha époka nia laran tanba tama iha jogu hamutuk 51, to'o agora, no apontadu ho golu 19.

Hazard mana'an ona prémiu ne'e hosi konkorénsia maka'as: Sergio Aguero (Manchester City), John Terry (Chelsea), Fabregas (Chelsea), Matic (Chelsea), Harry Kane (Tottenham), De Gea (Manchester United) ho Alexis Sanchez (Arsenal).

@SAPO Desporto

Sex | 22.05.15

Pogba atu besik ba Barcelona

SAPO TL

Jogadór Francês ho idade 22 kumpre ninia temporada ba dala tolu iha Juventus.


 



 


Foto: MARCO BERTORELLO / AFP


Pogba hakara joga hamutuk ho Messi.


 


Tuir edisaun horisehik nian hosi jornal “Sport”, Barcelona iha ona prinsípiu ida konforme halo ona ho Juventus hodi kontrata Paul Pogba ho valór euro millaun 80.


 


Tanba bandu kona-ba imposta hosi FIFA ba blaugrana atu kontrata jogadór sira to’o Janeiru 2016, ideia maka médiu bele nafatin lai ba époka mai iha Juventus maibé sei empresta hosi Barcelona.


 


SAPO TL ho SAPO Desporto

Qui | 21.05.15

Sunderland empata ho Arsenal no pozisaun nafatin

SAPO TL

Ekipa rua empata ho zero.


 



 


Foto: FACUNDO ARRIZABALAGA / EPA


Sunderland okupa pozisaun 15, ho pontu 38.


 


Sunderland iha loron-Kuarta horisehik konsege halo manutensaun iha I Liga inglesa futebol, hodi empata 0-0 ho Arsenal, iha jogu ne’ebé atrazu hosi  33.ª jornada kompetisaun.

Ho empata ba dala tolu iha kampeonatu inglés, Sunderland konsege manten pozisaun15, ho pontu 38.

Arsenal asegura, ninia parte, hodi asesu diretu ba "Champions", hodi segura terseira pozisaun, ho pontu 72.


 


SAPO TL ho SAPO Desporto

Ter | 19.05.15

Árbitru Turkia dirije jogu Final Berlim

SAPO TL

Cuneyt Çakir sai árbitru iha temporada jogu Shakhtar-FC Porto hosi faze grupu Liga Kampeaun.


 


 


 


Foto: EPA/PETER KLAUNZER


Árbitru turku nomea ona atu sai árbitru ba final Liga Kampeaun


 


Árbitru turku Cüneyt Çakir maka sai juiz ne’ebé eskolla ona hosi UEFA hodi dirije Final Liga Kampeaun ne’ebé sei hala’o iha Berlim, entre Juventus no Barcelona.


 


Turku ho tinan 38, nu’udar árbitru internasionál dezde 2006. Lori ona nu’udar árbitru iha jogu neen iha Europa iha temporada ida ne’e, jogu haat iha Champions no jogu tolu iha Liga Europa.


 


Cüneyt Çakir sei ajuda hosi kompatriota Bahattin Duran no Tarik Ongun. Árbitru haat maka sueku Jonas Eriksson.


 


Ba finál Liga Europa ne’ebé sei  tau Dnipro ba Sevilha, UEFA dezigna inglês Martin Atkinson.


 


SAPO TL ho SAPO Desporto