Saltar para: Posts [1], Pesquisa [2]

SAPO Desportu TL

Ter | 21.07.15

Pelé sai ona hosi ospitál

SAPO TL

Ex-futebolista ne’ebé hala’o tiha operasaun hodi hadi’a kompresaun ida iha ninia uat parte koluna vertebrál nian.


 




Pelé opera ona ba koluna iha São Paulo



Eis-futebolista Pelé ohin alta ona, hafoin hala’o tiha operasaun hodi hadi’a kompresaun ida hiha ninia uat parte koluna vertebrál nian, fó sai ospitál São Paulo nian hanesan fatin ne’ebé hodi hala’o sirurjia.



Iha komunikadu, Ospitál Albert Einstein haktuir katak eis jogadór “alta ona [iha loron-segunda] lorokraik], sem fó sai informasaun klaru.



Pelé, ho tinan 74, tama ba ospitál dezde loron-Tersa no halo nafatin observasaun to’o ohin, maski iha ninia kondisaun saúde laiha buat ida grave.



Iha fulan-Maiu, eis-futebolista tama iha ospitál hodi halo operasaun ba próstata, maski iha finál 2014 tama iha ospitál semana rua resin, tanba hetan infesaun urinária.



SAPO TL ho SAPO Desporto

Seg | 20.07.15

España sai kampeaun Europa sub-19

SAPO TL

Iha faze kualifikasaun grupu, Rúsia só manán España dala ida de’it iha prova, 3-1.


 




Foto: Lusa
Espanha



España ohin sai kampeaun hosi Europa futeból sub-19, hafoin halakon Rússia 2-0 iha finál, iha Atenas, no sai hanesan sétimu títulu iha edisaun prova 14.



Borja Mayoral (39) no Matías Nahuel (78) materialize supremasia lolos hosi España, tanba hamutuk ho Luis de la Furente maka sai di’ak liu iha aspetu jogu hothotu, nune’e maka halo rival guarda-redes Anton Mitryushkin forte iha baliza.



SAPO TL ho SAPO Desporto

Sex | 17.07.15

Mate ona Alcides Ghiggia, "señór Maracanazo"

SAPO TL

Antigu internasionál hosi Uruguai nebe sai kampeaun Mundu nian iha tinan 1950 mate ona ho tinan 88 tanba krizi ida fuan nian.


 



Alcides Ghiggia. EPA@ António Lacerda



Alcides Ghiggia, ema uruguai nebe marka ona golu ida nebe fó títulu mundiál ba Uruguai iha Maracanã iha tinan 1950, mate ona iha loron-sesta ne'e, ho tinan 88, fó sai hosi nia feen Beatriz.

"Iha de'it ema na'in tolu maka halo Maracanã tanis, Frank Sinatra, papa ho ha'u", Ghiggia hatete ba kanál televizaun brazileiru Globo iha tina 1960.

Iha tempu ida nebe Brazil ho Uruguai empata ho 1-1, durante finál ida nebe ohin halo ona tinan 65, uruguaiu ne'e hatama golu nebe halo tanis ema 200.000 resin nebe asisti ona jogu ne'e, bainhira hela de'it minutu 11 hodi jogu remata.

Nune'e, mana'an ne'e hetan naran "Maracanazo", muda joven ida ho tinan 23 nia moris ba herói nasionál ida.

Moris iha tinan 22 fulan-Dezembru 1926, hahú nia kareira iha Penarol, ekipa ida importante iha Uruguai, sai kampeaun nasionál iha tinan 1949 no 1951.

Tanba golu ne'e, kampeaun mundu iha tinan 1950 sai hanesan jogadór súl-amerikanu ida nebe iha tempu ne'ebá atravesa Atlántiku hodi tenta sorte iha Europa, tanba nia hetan transferénsia ba italianu sira AS Roma nian.

Hafoin ne'e, nia ba AC Milan, klune nebe sai kampeaun europeu iha tinan 1962/63, iha finál ida nebe transalpinu sira halakon bikampeaun europeu Benfica ho 2-1.

Nia performance sira permiti ba nia hetan nasionalidade italianu no, ikusmai, tama iha selesaun transalpinu. Fila ba Uruguai ho tinan 37, hodi joga iha Danubio, no hakotu ho tinan 42.

Antigu internasionál uruguaiu mate tanba vítima hosi krizi ida fuan nian, haktuir hosi nia feen Beatriz ba AFP, no nia hanesan mós sobrevivente ikus hosi selesaun rua nebe hasoru malu iha tinan 1950.

@SAPO Desporto

Qui | 16.07.15

Ronaldo ho Messi nomeadu ba Jogadór Di'ak liu hosi UEFA

SAPO TL

Eskolla ikus sei fó sai durante sorteiu ba faze grupu sira nian hosi "Champions" iha loron 28 fulan-Agostu.


 




Cristiano Ronaldo ho Messi sai nomeadu nafatin ba prémiu jogadór di'ak liu hosi UEFA, ba tinan 2014/15. Brazileiru Neymar mós tama iha lista ba eleitu sira.

Entre nomeadu na'in 10, inklui na'in ualu nebe hanesan finalista hosi final “Champions League”  nebe halo Barcelona hasoru Bayern Munique, jogu ida nebe katalaun sira maka  mana'an ho 3-1. Ba na'in ualu ne'e iha mós jogadór na'in rua maka: Cristiano Ronaldo hosi Real Madrid ho Eden Hazard hosi Chelsea.

Iha loron 12 fulan-Agostu sei fó sai finalista na'in tolu hosi grupu ida nebe sei hili hosi votasaun jornalista sira hosi nasaun 54 membru sira UEFA nian.

Eskolla ikus sei halo iha loron 28 fulan-Agostu, iha sorteiu ba faze grupu hosi Champions League ba tinan 2015/2016.

Messi (2011), Iniesta (2012), Franck Ribéry (2013) ho Cristiano Ronaldo (2014) maka hetan ona prémiu ne'e.

@SAPO Desporto

Qui | 16.07.15

Transparénsia Internasionál husu komisaun independente iha FIFA atu nune’e bele hapara korupsaun

SAPO TL

Organizasaun la’os-governamentál Transparénsia Internasionál, horisehik hakarak atu kria “komisaun independente ida” hodi haree kona-ba “hahalok korupsaun” ne’ebé akontese iha FIFA laran, hodi hamosu problema bot.







“FIFA haree katak hatudu kartaun mean dala barak ona, maibé ladauk konsege halo reforma”, dehan Cobus de Swardt, diretór Transparénsia Internasionál, nu’udar organizasaun ne’ebé harii duni hodi luta kontra korupsaun, no organizasaun refere ninia sede iha Berlim, tuir komunikadu fó sai.


 


“Tenke iha duni komisaun reforma independente ida no tenke muda FIFA. Atu nune’e labele iha tan bosok, problema ka eskándalu, no laiha tan seguransa maka hala’o operasaun durante madrugada. FIFA debe hela adeptu no jogadór sira, tanba ne’e presija halo mudansa agora”.


 


Apela kona-ba “reforma independente ida ne’e” fó sai hamutuk ho organizasaun la’os-governamentál Avaaz, Konfederasaun Internasionál Sindikatu no grupu “New FIFA now" ("FIFA Foun Agora")” iha relatóriu ne’ebé hakerek ho títulu "Give Back the Game - How to Fix FIFA" ("Hala’o hikas Jogu ba ami – Hodi hadiaka koriji FIFA").


 


Papel hosi komisaun ne’e maka atu “haree hikas, dezenvolve no aplika FIFA ninia konstituisaun, ninia estatutu ho ninia regra nomós akordu governansa foun no adezaun (…) no hala’o eleisaun foun”, tuir nota Transferénsia Internasionál fó sai, no sita hosi ajénsia AFP.


 


Ho pájina hotu, organizasaun la’os-governamentál ne’e husu atu “hapara” korupsaun iha órgaun futeból nian.


 


Alénde komisaun independente, organizasaun sira ne’e mós reklama porezemplu, halo limitasaun mandate ba prezidente nomós membru komité ezekutivu, no publikasaun kona-ba rendimentu hosi kuadru bobot nian.


 


Husu mós atu eleisaun ba prezidente hala’o ho votu sekretu, no hatutan tan kona-ba importánsia hapara uitoan “opasidade finanseira” hosi FIFA ne’ebé hala’o liu hosi informasaun ba iha “plataforma aberta”.


 


SAPO TL ho SAPO Desporto

Qui | 16.07.15

At. Madrid ofisializa Jackson Martinez

SAPO TL

Eis-avansadu FC Porto kompromete aan ba tinan haat ho 'colchoneros'.


 




Foto: ; JOSE COELHO; epa04142324
Jackson Martinez maka hanesan avansadu foun hosi ekipa Diego Simeone



Atlético de Madrid ikus mai horikalan ofisializa ona kontratasaun Jackson Martinez ba FC Porto.



Iha nota ne’ebé publika iha ninia site ofisiál, klube madrilenu haktuir katak avansadu kolombianu asina kontratu ida ba tinan haat nian, iha transasaun ida ne’ebé osan tama ba kofre FC Porto nian besik euro millaun 35.



Ho transferénsia hanesan ne’e maka fó sai ona hosi dragaun sira ba loron 30 juñu iha komunikadu ba Comissão do Mercado de Valores Mobiliários (CMVM).



Jackson hela iha Portugal durante tinan tolu, halo nia sempre sai markadór di’ak liu, no agora sei hamutuk ho reforsu colchoneros rua seluk iha defezu ne’e: arjentinu Lucas Vietto no belga Ferreira-Carrasco.



SAPO TL ho SAPO Desporto

Qua | 15.07.15

Manchester City anunsia kontratasaun Sterling

SAPO TL

Estremu inglés husik Liverpool hodi ba Manchester.


 



 


Foto: PAUL ELLIS / AFP
Sterling maka sai reforsu Manchester City nian.


 


Manchester City horisehik anunsia kontratasaun hosi estremu Raheem Sterling, eis-Liverpool.


 


Hafoin iha períodu naruk hosi espekulasaun, klube Manchester ofisializa ona akizisaun jogadór inglés ho tinan 20, sei ba uza kamizola númeru 7.


 


Valór kontratasaun karik bele to’o libra millaun 49 (besik euro millaun 69), nune’e halo rekorde akizisaun hosi Manchester City. Sergio Aguero , iha 2011, hetan besik euro millaun 53.


 


SAPO TL ho SAPO Desporto

Ter | 14.07.15

Fábio Capello la'ós ona selesionadór Rúsia nian

SAPO TL

Iha kualifikasaun ba Euro2016, Rúsia okupa daudaun fatin datoluk iha GRupu G, iha pontu ualu hosi Áustria ho pontu haat hosi Suésia.


 




Federasaun Futeból Rúsia nian fó sai ona iha loron-tersa, liuhosi komunikadu, demisaun hosi italianu Fabio Capello hosi kargu selesionadór nian nebe nia okupa hahú tinan 2012.

"Federasaun Futeból Rúsia nian ho treinadór ekipa nasionál Fabio Capello desidi ona, iha akordu di'ak ida, hodi hakotu kontratu serbisu nian", hakerek iha komunikadu.

Fabio Capello to'o iha selesaun rusu iha tinan 2012, hafoin treina tiha ho Inglatera iha Europeu, lori konjuntu hosi leste ba Mundial2014, maibé sira lakon iha faze dahuluk, lahó triunfu ruma.

Iha kualifikasaun ba Euro2016, Rúsia okupa daudaun fatin datoluk iha GRupu G, iha pontu ualu hosi Áustria ho pontu haat hosi Suésia.

Nia pasajen hosi selesaun rusu ladún pasífiku, tanba iha beibeik saláriu nebe selu tarde, iha situasaun ida nebe hetan mós intervensaun hosi Governu.

Antes to'o iha selesaun Rúsia, Capello treina tiha ona Inglatera, nebe sai hanesan nia esperiénsia dahuluk nu'udar selesionadór, hafoin liuhosi AC Milan, Real Madrid, Roma ho Juventus.

@SAPO Desporto

Ter | 14.07.15

Casillas to’o ona iha Porto

SAPO TL

Guardiaun españól ne’ebé halo besik adeptu 100 hosi FC Porto maka hein.


 




Foto: JAVIER SORIANO / AFP
Casillas to’o ona iha Invicta



Iker Casillas to’o ona iha sidade Porto, hafoin tun iha inísiu kalan iha aeroportu Francisco Sá Carneiro.



Kotadu guarda-redes españól ne’ebé halo besik adeptu atus hosi FC Porto maka hein.



Ba loron ohin ninian sira marka ona hodi ba halo ezame médiku ba Casillas, ne’ebé tuir mai sei ba hala’o estájiu dragaun nian iha Horst, iha Olanda.


 


SAPO TL ho SAPO Desporto

Seg | 13.07.15

Casillas hakarak halo despedida aan mesak

SAPO TL

Guarda-rede husik ona Real Madrid hodi ba FC Porto.


 



 


Foto: Lusa


 


Casillas


 


Hafoin tinan 25 halo ligasaun ba klube merengue, Casillas horisehik despede aan iha sala imprensa Estádio Santiago Bernabéu. Guarda-rede tama mesak, hodi lee komunikadu no hafoin ne’e fila tiha de’it sem hatán pergunta.


 


Tuir jornál “Marca” tuir lolos ida ne’e ho planu atu halo ba iha inísiu semana ne’e. Casillas ne’ebé klube atu halo despedida iha Estádio Santiago Bernabéu ho odamatan nakloke no ba hamutuk ho ninia kompañeiru sira.


 


Maibé negosiasaun ho klube komplika no relasaun ho atuál diresaun merengue aat liu tan.


 


Ho nune’e, jogadór ne’e rasik despede aan mesak, hanesan nia sente iha momentu sira ikus ne’e, ho nonok de’it maka interrompe tiha aplauza jornalista sira ne’ebé desidi atu presta omenajen ba guarda-redes iha ninia despedida.


 


Jogadór asina ona kontratu ho FC Porto durante tinan rua oin mai.


 


SAPO TL ho SAPO Desporto