Foto: MOHD RASFAN / AFP Ramon De Lima Saro selebra golu ida hosi Timor Leste
Iha atualizasaun mensal ranking FIFA, Iha tabela Timor tun pozisaun 19. Ho keda ida ne’e, selesaun Timór agora okupa ba pozisaun 165. Kona-ba "Top Ten", destake ba asensaun hosi Arjentina (finalista Kopa Amérika) ba primeiru lugár ranking hodi troka ho Alemaña. Portugal mantén sétimu lugár.
Iha mós destake ba España no Uruguai. Selesaun hosi Vicent Del Bosque tuun hosi pozisaun dasia ba pozisaun 12 no formasaun hosi súl-amerikanu tun ba pozisaun 13.
Danilo, jogadór hosi Real Madrid ne’ebé maihosi FC Porto, ba ona iha kapitál española, tun iha loron-Tersa hodi hahú treina ba orden Rafael Benítez nian.
Brazileiru to’o ba hodi asegura katak nia "di’ak" iha parte fizika no nia "sente kontente tebes ". Internasionál brazileiru, ne’ebé falla ona ba Kopa Amérika tanba hetan lezaun ida iha ai-tuban, hodi afirma katak nia "rekupera ona".
Avansadu hosi Barcelona senti triste tebes bainhira Arjentina lakon iha finál Kopa Amérika nian no karik bele hadook aan hosi alviseleste.
AFP@ Juan Mabromata
Lionel Messi senti triste tebes iha finál Kopa Amérika, hasoru Xile, no ho krítika sira hosi adeptu arjentinu sira, haktuir hosi jornál Olé iha loron-tersa ne'e. Nune'e avansadu hosi Barcelona hanoin agora atu hadook aan temporáriu hosi selesaun Arjentina nian.
Tuir diáriu desportivu prinsipál arjentinu nian, Messi hanoin atu la halo parte iha konvokatóriu ba enkontru partikulár ho Méxiku, nebe marka ona ba fulan-Setembru, no mós ba enkontru dahuluk kualifikasaun ba Mundial2018, iha fulan-Outubru.
Maski iha ona títulu oioin nebe hetan ho Barcelona, Messi seidauk bele konkista troféu ruma ho Arjentina.
Avansadu sueku sai hanesan tema konversa entre prezidente Real Madrid no proprietáriu sira hosi PSG.
Ibrahimovic karik bele husik PSG.
Florentino Pérez prepara ona kontratasaun boot oin mai hosi Real Madrid no, tuir Sport, Zlatan Ibrahimovic karik bele eskolla. Avansadu sueku hosi PSG sai hanesan tema konversa, iha Qatar, entre prezidente Real Madrid no proprietáriu sira hosi PSG.
Klube nain sira hosi fransés fó lesensa atu manán avansadu hodi alivia surat salariál nian, hodi permiti atake ida ne’ebé maka’as liu ba merkadu veraun nian.
Real Madrid hakarak 'Ibra' ba hamutuk ho Cristiano Ronaldo no Gareth Bale iha atake, hodi fó fatin atu Karim Benzema sai ba Manchester United.
Jogadór arjentinu karik bele husik hela Zenit no ba troka Sergio Ramos iha defeza sentru nian.
Foto: PATRICIA DE MELO MOREIRA Garay halo asaun hasoru Benfica.
Ezequiel Garay, antigu sentrál Benfica, bele fila fali ba Real Madrid, ne’ebé nia joga iha 2009 no 2011. Mudansa defeza ba 'merengues' sei dependente hosi saída españól Sergio Ramos.
Tuir jornál españól AS, dezempeñu arjentinu ba servisu hosi ninia selesaun iha Kopa Amérika hanoin hela indiferente dirijente sira iha Real Madrid ne’ebé aposta iha jogadór hanesan planu B, karik konfirma ona saída defeza españól.
Garay ho tinan 28 no transfere iha 2014 hosi klube Luz ba Real Madrid. Iha ninia pasajen hosi emblema kapitál española, hala’o ona jogu ofisiál 31.
Barcelona fó sai iha loron-segunda ne'e kontratasaun ba internasionál turku Arda Turan hosi Atlético Madrid liuhosi rede sosiál sira.
Tuir imprensa katalã sira, "Barça" garanti ona pase ba estremu turku ho tinan 27 ho osan ida euro millaun 34 resin, liu millaun hitu hosi kláuzula sira hosi objetivu sira.
Klube hatete iha komunikadu katak Arda Turam bele sosa to'o loron 20 fulan-Jullu bainhira prezidente Barcelona foun, nebe sei eleitu iha loron 18 fulan ne'e, lakohi internasionál turku.
Tuir imprensa españól, Arda Turam sai hanesan pedidu ida hosi tékniku Luis Enrique ba atuál diresaun "Barça" nian.
Avansadu turku ho tinan 18 asina kontratu ba tinan haat.
Foto: MCFC
Unal ne’ebé konfirma ona hanesan reforsu 'citizens'.
Manchester City fó sai iha loron-Segunda horisehik kona-ba kontratasaun avansadu turku Enes Unal. Eis-jogadór Bursapor asina kontratu tinan haat ho 'citizens'.
Maski foin maka ho tinan 18, Unal tama ona iha selesaun prinsipál hosi Turkia.
Internasionál turku sei reforsa 'katalaun sira' iha tinan oin mai.
Arda Turan bele mai iha Barcelona ho folin euro millaun 41
FC Barcelona ohin konfirma ona kontratasaun futebolista turku Arda Turan, ne’ebé joga hosi Atlético de Madrid ho verba fiksu euro millaun 34 ho tan variável hitu.
“FC Barcelona no Atlético de Mdrid halo ona akordu hodi halo transferensia hosi futebolista Arda Turan”, bele lee iha site ofisiál klube katalaun.
Hafoin liu tiha tinan haat servi ekipa ‘colchonera’, ne’ebé halo ona jogu 178, marka golu 22 no konkista títulu lima ( liga espanhola, Taça do Rei, supertaça de Espanha, Liga Europa no supertaça europeia) no sai finalista edisaun 2014 hosi Liga Kampeaun, jogadór médiu turku, ho tinan 28, asina kontratu ida ho ‘blaugranas’ ba tinan lima oin mai.
“Ha’u hasoru momentu sira ne’ebé espesiál iha Atlético. Ha’u sei lahaluha ha’u-nia maun-alin sira, adeptu no ema hotu hosi klube. Obrigadu ba imi hotu. Atlético sempre iha ha’u nia fuan”, bele leeiha komunikadu site ofisiál Atlético de Madrid.
Turan hanesan kontratasaun ofisiál atuál daruak hosi kampeaun españól no europeu, hafoin fó sai ona médiu españól Aleix Vidal ne’ebé to’o ona, mai hosi Sevilha.
