Saltar para: Posts [1], Pesquisa [2]

SAPO Desportu TL

Sex | 16.10.15

Timor: Sporting lança Academia/Escola em Díli

SAPO TL

Luís Bernardo, coordenador da comunicação e relações públicas do Sporting esteve na capital timorense onde lançou o projeto.





 


A academia/escola será um aproveitamento e requalificação das instalações do Sporting Clube de Timor, filial 85 do clube de Alvalade.


Será ainda criado um novo pólo multiusos para a formação verde e branca.


 


Luís Bernardo, teve oportunidade de se reunir com Jaime Santos, presidente do Sporting de Timor e com Zacarias Costa, ex- ministro dos negócios estrangeiros timorense e atual presidente da mesa da assembleia geral dos sportinguistas de Timor.


 


@jornaldoLuxemburgo

Sex | 16.10.15

Raúl fó sai kona-ba fin hosi kareira

SAPO TL

Jogadór ho tinan 38 sei “rai ona xuteras” iha fulan Novembru, bainhira nia hakotu temporada ba iha serbisu New York Cosmos.





 


Avansadu Raúl González, hanesan símbolu bot ida mos hosi futeból españól no Real Madrid nian, horisehik fó sai katak iha fulan Novembru sei termina ona ninia kareira hanesan futebolista.


 


Iha tinan 38, Raúl sei hakotu temporada ba iha serbisu New York Cosmos hanesan emblema hosi eskalaun daruak norte-amerikanu nian ne’ebé nia reprezenta desde outubru 2014.


 


“Bainhira ha’u asina kontratu iha fulan dezembru, dehan katak sei avalia ha’u-nia situasaun iha finál tinan ne’e. Desidi ona atu hasa’i ha’u iha temporada ikus ne’e, no iha fulan hirak tuir maim aka ha’u sei desidi pasu foun. Joga bola halo parte ona iha ha’u-nia moris durante tempu barak, no hasa’i hauI la’os desizaun fasil, maibé ha’u fi’ar katak to’o ona ninia tempu. Ha’u agrades ba ema hotu ne’ebé apoia ha’u durante ha’u-nia kareira no ha’u hakarak atu joga ona iha jogu ikus ba Cosmos”, esplika Raúl Gonzaléz.


 


Raúl hahú sai hanesan jogadór ida iha 1987, hamutuk ho joven modestu San Cristóbal. Tama ba Atlétiku Madrid no ba fali Real Madrid iha 1992, no durante tinan sanulu resin-ualu hamutuk ho ekipa “meregues”.


 


Sai hanesan markadór di’ak hosi istória klube nian – hodi ultrapasa Cristiano Ronaldo – no iha 2010 asina kontratu ho Schalke. Ba tan iha Al Sadd molok ba iha New York Cosmos, hanesan klube ikus hosi ninia kareira.


 


SAPO TL ho SAPO Desportu

Qui | 15.10.15

Ali bin Al Hussein ofisializa kandidatura ba FIFA

SAPO TL

Prazu hodi entrega kandidatura sira hodi troka Blatter hotu iha loron 26 fulan ne'e.




EPA@ Patrick B. Kraemer


 


Prínsipe jordanu Ali bin Al Hussein aprezenta ofisiál nia kandidatura ba prezidénsia FIFa, hodi troka suisu Joseph Blatter, fó sai hosi nia ekipa iha komunikadu nebe divulga iha loron-kinta ne'e.


 


"Iha loron-kinta dadeer prínsipe Ali bin Hussein entrega ona formalmente nia kandidatura ba prezidénsia FIFA nian, tuir regra eleitorál sira no estatutu sira hosi FIFA nebe hala'o daudaun", hakerek iha komunidade maibé la hatete naran hosi federasaun lima nebe apoia prínsipe ne'e.


 


"Ho respeitu ba federasaun nasionál sira nebe apoia nia kandidatura, nia husik sira atu desidi bainhira no oinsá hatudu nia apoiu ba públiku", hatete hosi nota nebe haktuir hosi ajénsia notísia franseza AFP.


 


Prínsipe Ali hanesan kandidatu daruak nebe formaliza kandidatura, hafoin Michel Platini, líder hosi UEFA, nebe halo iha loron 08 liubá, minutu balun antes hetan suspensu durante loron 90 hosi Komité Étika hosi organizmu nebe kaer futeból mundiál nian.


 


Prazu hodi entrega kandidatura sira ba prezidénsia FIFA nian, nebe eleisaun sira sei hala'o iha loron 29 fulan-Fevereiru 2016, hotu iha loron 26 fulan ne'e.


Blatter ho Platini hetan suspensu tanba implikasaun iha eskándalu korupsaun nebe atinji instituisaun ne'e.


 


@SAPO Desporto

Qui | 15.10.15

Cristiano Ronaldo: "Ha’u-nia mehi maka hakotu kareira iha Real Madrid"

SAPO TL

Krake portugés halo ona kontratu ho merengues sira to’o tinan 33.





 


Cristiano Ronaldo dehan ba jornál Marca kona-ba ninia kompromisu ho Real Madrid, hafoin manan tan Bota de Ouro ba dahaat hosi ninia kareira iha Madrid.


 


"Ha’u hakarak manan tan, ha’u sente diak, ha’u sente katak hau sei joven. Ha’u ho ona tinan 30 no ha’u hakarak joga tan ba tinan lima ka neen, no ho idade ne’e, ha’u hakarak halo buat hotu ho di’ak no buka atu mantén nível hosi temporada ikus. Ha’u sente katak sei lafasil, maibé iha ha’u ulun hanoin katak bele. Ha’u hakarak manan, no ha’u halo parte iha klube ne’ebé di’ak liu iha mundu. Lojikamente, ha’u halo ona kontratu ho klube refere to’o tinan 33, no hanesan dala barak ha’u dehan katak, ha’u-nia mehi maka hakotu iha Real Madrid. Ha’u sente di’ak iha ne’e, ha’u sente importante no ha’u hakarak kontinua”, dehan Cristiano.


 


Cristiano Ronaldo preokupa ho idade ne’ebé sempre aumenta, tanba oras ne’e ho ona idade 30, maski nune’e Ronaldo sente ninia-an hanesan “joven” ida. Oras ne’e daudaun, ha’u lasente diferensa ho tinan 25. Ema barak dehan katak hahú tinan 30, kualidade hahú menus, maibé ha’u lasente ida ne’e. Karik ó kuidadu-aan, terinu no halo buat hirak ne’ebé di’ak maka buta hotu sei lamuda….Moris hanesan futebolista ida, hanesan ne’e uitoan. Karik ó kuidadu no halo buat hotu di’ak, ó sei bele to’o tinan 40. Ha’u iha dezeju no motivasaun atu kontinua nafatin", hatutan.


 


SAPO TL ho SAPO Desportu

Qua | 14.10.15

Guiné-Bissau sai hosi apuramentu ba Mundiál 2018

SAPO TL

Ekipa afrikana lakon iha Libéria ninia kampu.





 


Foto: D.R.


 


Horisehik, Guiné-Bissau sai ona hosi apuramentu ba Mundiál futeból 2018, tanba lakon ho Libéria 3-1, durante jogu segunda maun hosi pré-eliminatória hodi hakat ba gaze grupu kualifikasaun nian.


 


Golu ne’ebé marka hosi ekipa rua iha Estádiu Nasionál 24-Setembru, iha Bissau akontese sedu de’it, tanba iha minute 13 Libéria marka ona 2. Golu hosi Guiné-Bissau, treinada hosi portugés Paulo Torres, marka hosi Mamadu Cassamá, iha minutu 41.


 


Iha períudu kompensasaun hosi parte daruak (90+6), William Jebor, ne’ebé iha époka uluk reprezenta Rio Ave, halo 'hat-trick' ida no fó rezultadu ikus, hodi konfirma apuramentu Libéria nian, hafoin empata 1-1 ba jogu primeira maun, iha Monrovia.


 


Iha jogu ninia rohan ne’ebé asisti hosi ema besik rihun 20, polísia tenke halo seguransa maka’as tanba ema hirak ne’ebé ba asisti jogu refere halo asaun kontra ekipa arbitrajen Nijéria nian, hodi duun katak nia maka prejudika selesaun guineense.


 


Prezidente hosi Federasaun futeból Guiné-Bissau, Manuel Nascimento Lopes mos kritika atuasaun hosi ekipa arbitrajen.


 


SAPO TL ho SAPO Desportu

Ter | 13.10.15

Ronaldo: "Hanesan momentu espesiál ida"

SAPO TL

Jogadór portugés hosi Real Madrid repete nia hakarak hodi mana'an Botas Osan-Mean sira seluk iha kareira.




AFP Photo@ Javier Soriano


 


Iha loron-tersa ne'e Cristiano Ronaldo simu ona Botas Osan-Mean dahaat iha nia kareira, nebe halo nia sai hanesan rekordista ba prémiu ne'e, maibé nia husik mensajen katak nia lakohi para iha-ne'e bainhira hanesan markadór di'ak liu hosi kampeonatu europeu sira.


 



 


"Ha'u hakarak agradese ba imi hotu nebe iha-ne'e hamutuk ho ha'u. Hanesan momentu furak ida. Simu Botas Osan-Mean ba dala haat hanesan onra ida no priviléjiu boot ida. Troféu ne'e hanesan importante tebes ba ha'u, maibé lahó ha'u nia belun sira ha'u sei laiha oportunidade hodi mana'an", nia hatete.


 


"Loos duni, hanesan momentu espesiál ida. Hanesan prezidente hatete, ha'u la senti satisfeitu. Ha'u hakarak liután. Ha'u hatene katak laiha ema ida maka iha Botas Osan-Mean haat, maibé ha'u hakarak iha lima, neen,... Ha'u hatene katak tenki mana'an títulu koletivu sira ho Real Madrid. Ha'u hein atu hasoru fali imi iha tinan oinmai", jogadór portugés ne'e hatutan.


 


Ronaldo hetan prémiu ne'e ba golu 48 nebe nia halo iha époka ikus ne'e iha Real Madrid iha Liga Españól.


 


@SAPO Desporto

Ter | 13.10.15

Timor-Leste lakon ho Malázia no tuun ba fatin ikus iha grupu aziátiku nian

SAPO TL

Iha loron-tersa ne'e Timor-Leste lakon ho Malázia ho 1-0, iha jogu nebe halo iha Timor-Leste ba kualifikasaun Mundial2018 nian, nune'e Timor-Leste tuun ba fatin ikus iha Grupu A nian hosi kualifikasaun aziátiku, ho pontu rua de'it iha jogu lima.




 


Mohd Amri, avansadu hosi klube malaiu Johor Darul Ta'zim, hahú marka iha minutu sia, ho golu kabesa nian, hafoin atake ida hosi Malázia, nebe tama iha jogu ne'e ho krítika maka'as hafoin troka tiha treinadór tanba rezultadu sira nebe ladi'ak.


 


Timor-Leste nebe tinan ne'e uza jogadór sira ho naturalidade brazileiru la konsege halakon ekipa nebe, to'o agora, hanesan selesaun fraku liu hosi nia grupu no nebe sofre liu golu barak.


 


Maski ho presaun hosi parte rua, parte dahuluk hosi jogu hotu lahó okaziaun sira golu nian, maibé ho saldu disiplinár ida nebe "todan liu" ba Timor-Leste: kartaun amarelu rua, inklui ida ba Adé, tanba halo falta hasoru guarda-rede malaiu, kontra amarelu ida ba malaiu Mohd Safee.


 


Iha parte daruak, Timor-Leste tama ho presaun maka'as, ho atake oioin no situasaun balun nebe perigu iha baliza Khairul Fahmi nian, maibé la konsege hatama golu ruma.


 


Selesaun timoroan to'o iha enkontru ne'e ho lakon rua no empate rua - ida maka hasoru Malázia - bainhira selesaun malaiu akumula empate ida no lakon dala tolu, ida maka akontese ho Emiradu Árabe Unidu ho 10-0.


 


Timor-Leste agora iha fatin ikus grupu nian, ho pontu rua, iha Malázia nia kotuk nebe hetan pontu haat, ekipa rua ne'e sei iha jogu dala ida tan.


 


Grupu ne'e lidera hosi Arábia Saudita, ho pontu 12, tuir Emiradu Árabe Unidu ho pontu hitu no Palestina ho pontu lima, sira hotu ho jogu haat.


 


Enkontru tuirmai Timor-Leste nian sei hala'o iha loron 12 fulan-Novembru hasoru Emiradu Árabe Unidu, tuir sei hasoru Arábia saudita iha loron 17 fulan-Novembru no, ikusmai, deslokasaun ba Palestinaa nebe previstu de'it iha fulan-Marsu 2016.


 


ho Lusa

Ter | 13.10.15

Timor-Leste perde em casa com a Malásia e cai para último lugar no grupo asiático

SAPO TL

Timor-Leste perdeu hoje em casa por 1-0 com a Malásia, em jogo de qualificação para o Mundial2018, caindo assim para o último lugar do Grupo A da qualificação asiática, com apenas dois pontos em cinco jogos.




 


Mohd Amri, avançado do clube malaio Johor Darul Ta'zim, abriu o marcador aos nove minutos, com um golo de cabeça, depois de um ataque da Malásia, que entrava no encontro sob fortes críticas depois de uma sucessão de maus resultados que levaram ao despedimento do treinador.


 


A jogar com uma maioria de jogadores de naturalidade brasileira, como tem acontecido nos encontros deste ano, Timor-Leste não conseguiu derrotar a que era, até agora, a mais fraca seleção do seu grupo e a que mais golos tinha sofrido.


 


Apesar de alguma pressão de parte a parte, a primeira metade do jogo terminou sem novas grandes ocasiões de golo, mas com um saldo disciplinar mais 'pesado' para Timor-Leste: dois cartões amarelos, incluindo um a Adé, por carga sobre o guarda-redes malaio, contra um amarelo para o malaio Mohd Safee.


 


Na segunda parte, Timor-Leste entrou a pressionar mais, com vários ataques e algumas situações de maior perigo na baliza de Khairul Fahmi, mas sem que tenha conseguido concretizar.


 


A seleção timorense chegou ao encontro com duas derrotas e dois empates - um deles contra a Malásia - enquanto a seleção malaia acumulava um empate e três derrotas, uma das quais por pesados 10-0 contra os Emiratos Árabes Unidos.


 


Timor-Leste é agora último do grupo, com dois pontos, atrás da Malásia, que soma quatro pontos, ambos com mais um jogo.


 


O grupo é liderado pela Arábia Saudita, com 12 pontos, seguindo-se os Emiratos Árabes Unidos, com sete pontos, e a Palestina, com cinco pontos, todos com quatro jogos.


 


O próximo encontro de Timor-Leste é a 12 de novembro, contra os Emiratos Árabes Unidos, seguindo a receção à Arábia Saudita a 17 de novembro e, finalmente, a deslocação à Palestina prevista apenas para março de 2016.


 


com Lusa

Ter | 13.10.15

Pelé konsidera Messi hanesan "jogadór di’ak liu iha dékada ikus"

SAPO TL

Antigu “astro” brazileiru koloka argentinu iha patamár ne’ebé aas liu Cristiano Ronaldo.





 


Foto: YASUYOSHI CHIBA / AFP


 


Antigu futebolista brazileiru Pelé afirma horisehik katak argentinu Leo Messi hanesan " jogadór di’ak liu iha dékada ikus", durante konferénsia imprensa iha sidade Calcutá, iha Índia, konvida hosi klube lokál.


 


“Ema barak kompara Messi ho Ronaldo, maibé sira diferente. Sira-na’in rua fantástiku, maibé Messi mak jogadór di’ak liu iha dékada ikus”, hatete ‘Rei’, ne’ebé konsidera kompatriota Neymar hanesan mós jogadór ida di’ak liu iha mundu.


 


Durante konferénsia ne’e, Pelé aproveita hodi esklarese katak la iha intensaun ruma atu kandidata ba prezidénsia FIFA nian.


 


“La’e, ha’u la iha intensaun ruma atu sai prezidente FIFA nian”, afirma brazileiru, ho tinan 74, kampeaun mundiál dala tolu hosi ‘canarinha’.


 


Pelé hetan konvite hodi asiste primeira partida Atlético de Calcutá iha nia estádiu, nune’e fila ba Índia iha tinan 38 hafoin joga iha ne’ebá ho kamizola Cosmos, ekipa norte-amerikana.


 


SAPO TL ho SAPO Desportu