Saltar para: Posts [1], Pesquisa [2]

SAPO Desportu TL

Qua | 23.12.15

"Mourinho iha United? Ita seidauk hatene iha futuru"

SAPO TL

Treinadór portugés demite iha kinta-feira liubá hosi komandu Chelsea nian.





 


Foto : PATRICIA DE MELO MOREIRA/ AFP


 


Jorge Mendes lakohi halo  espekulasaun konabá akordu ruma entre José Mourinho no  Manchester United.


 


Iha deklarasaun ne’ebé sita hosi site Globoesporte, emprezáriu hosi eis-tékniku  Chelsea ne’e hato’o katak  nia seidauk simu  proposta ruma hosi rivál Old Trafford nian. "seidauk iha buat ida. Ladauk  hatene saida maka sei akontese  iha futuru, maibé ba agora dadaun, seidauk iha akordu ruma. Nein proposta ofisiál ida", nia afirma.


 


Imprenza ingleza fó sai ona konabá demisaun  Louis Van Gaal hosi komandu  'red devils', maski  saída ba treinadór holandés ne’e seidauk publika ofisialialmente hosi klube.


 


SAPO TL ho SAPO Desportu

Ter | 22.12.15

Belenenses manán bainhira Julio Velázquez foin joga ba dala uluk

SAPO TL

Tékniku españól konkista pontu tolu dahuluk tanba golu hosi Filipe Ferreira.





 


Belenenses hasoru no manán Boavista ohin ho golu 1-0, iha jogu 14.ª jornada hosi I Liga futeból mak hala’o iha Lisboa.


 


Golu ida hosi Filipe Ferreira, iha minutu tolu de’it, natoon ba 'azúl' Restelo sira konkista vitória hasoru 'axadrezadu sira'.


 


Ho vitória ne’e, Belenenses sa’e ba fatin 12 ho pontu 16, no Boavista iha fatin 16 no antepenúltimu ho 10.


 


SAPO TL ho SAPO Desportu


 

Seg | 21.12.15

Herrera: "Golu tama 'top' golu ida kapás tebes iha ha’u nia moris"

SAPO TL

Médiu mexikanu aponta golu ida iha vitória hasoru  Akadémika, ho 3-1.





Foto : MIGUEL RIOPA/ AFP


 


Mexikanu Héctor Herrera, autor hosi golu ida hosi kalkaña iha vitória hasoru Akadémika, ho 3-1, halo analiza hosi triunfu ne’ebé   'dragões' hetan hodi sai  lideransa izolada iha Primeira Liga.


 


"Ekipa tama ho di’ak tebes. Ami hatene katak tenki dependente duni  rezultadu hosi Sporting, maibé ami hanoin deit ami nia-an rasik", dehan médiu ne’e ba TV Sport hafoin remata enkontru.


 


"Ami hatene tiha ona saida maka la’o ona iha [ Madeira], maski ami hatene katak jogu ne’e la’os fásil. Maski nune’e, ami hahú ho di’ak no bele verifika hosi nia rezultadu. Hakotu ona tinan ida ne’e iha lideransa ne’ebé permite  ami tama ba époka natalísia ho forma ida hakmatek hodi fila ho dia’k", nia hatutan.


 


"Ha’u rekupera fila fali haú nia konfiansa no senti di’ak tebes. Laimporta  sé maka marka, maibé bainhira FC Porto manán. Fó  ánimu ba ekipa. Golu ida ne’e di’ak tebes iha ha’u nia vida futeból nian, maski ha’u lamarka hela deit ", admite jogadór mexikanu ne’e.


 


"Ami sei nafatin mantein ho kalma, sei lahatun ami nia ulun no kontinua  servisu nafatin hodi bele hetan tan oportunidade  seluk ", refere mexikanu ne’e.


 


SAPO TL ho SAPO Desportu

Sab | 19.12.15

Terry ba Mourinho: "Ha’u sei sente saudades, mister"

SAPO TL

Sentrál Chelsea nian fó reasaun bainhira tékniku portugés ne’e sai.





 


Foto: Anita Maric/EPA


 


John Terry tama iha Instagram hodi divulga mensajen ida ba José Mourinho, ne’ebé husik komandu tékniku Chelsea nian.


 


"'Obrigadu' karik la to’o. Loron ne’ebé, triste no triste tebes. Ha’u sei sente saudades, mister. Ida ne’ebé di’ak liu mak ha’u servisu hamutuk, inkrível memória hamutuk", hakerek sentrál ne’e.


 


Mourinho despede ho Chelsea iha loron-kinta, ba dala rua iha nia karreira.


 


SAPO TL ho SAPO Desportu


 

Sex | 18.12.15

Liafuan ikus hosi Mourinho: "haú hakarak hela"

SAPO TL

Treinadór portugés despede ona hosi komandu tékniku  blues nian.





Foto : GLYN GIRK


 


Iha segunda-feira liubá, Chelsea lakon ho Leicester ho 2-1, soma hamotuk nia derrota iha kampeonatu ba dalasia ona, no hela deit pontu ida ba zona despromosaun nian.


 


Buat ida ne’ebé  halo treinadór portugés  ne’e labele kontinua tan nia misaun iha klube londrinu. Iha  konferénsia  imprensa ikus ba públiku, José Mourinho hatete katak nia lata’uk dezafiu sira no, sei lata’uk, no  refere tan katak" haú hakarak hela".


 


SAPO TL  ho SAPO Desportu

Qui | 17.12.15

"Mourinho nunka presiza atu ema ida defende nia, nia maka di'ak liu iha mundu"

SAPO TL

Emprezáriu portugés fó hanoin fali trajetu admirável hosi Mourinho hodi fó hanoin razaun tansá maka nia hanesan 'Special One'.




Foto: Jorge Monteiro/Lusa




José Mourinho sai hosi komandu tékniku Chelsea nian ba dala rua iha nia kareira la hasai "naroman" ba nia kareira naruk nu'udar treinadór futeból nian, konsidera hosi Jorge Mendes, 'Special One' nia emprezáriu, iha loron-kinta ne'e, ne'ebé bainhira halo deklarasaun ba diário "A Bola" hatete katak Mourinho sai nafatin hanesan "treinadór di'ak liu iha mundu" maski sai ona hosi Chelsea.


 


José Mourinho kontinua nafatin hanesan nia aan rasik no sai nafatin hanesan treinadór di'ak liu iha mundu maski sai ona hosi Chelsea", Jorge Mendes hahú hatete.


 


"Bainhira José Mourinho husik Chelsea ba dala uluk, nia hatán ona ba dezafiu boot ida no halo ona buat ida ne'ebé iha mundu futeból laiha ema ida maka fiar atu halo, nia lori Inter Milaun mana'an Champions League, kampeonatu italianu no Tasa Itália nian, akontesimentu ida admiradu tebes; hafoin ne'e nia ba Real Madrid husik konkista istóriku ida hosi Liga Española, halakon rekord sira hasoru Barcelona, no mós Tasa Rei nian", hatutan hosi emprezáriu portugés ne'ebé iha relasaun metin tebes ho treinadór hosi Setúbal ne'e.


 


"Ohin, José Mourinho hanesan treinadór kampeaun inglés nian iha títulu no tanba ne'e sei la presiza ema ida hodi defende nia tanba, ha'u repete, nia iha kareira maravilla ida ne'ebé ema sei ko'alia nafatin", hatutan hosi Jorge Mendes.


 


@SAPO Desporto

Qui | 17.12.15

Mourinho nia despedimentu hanesan ofisiál

SAPO TL

Chelsea okupa fatin 16 iha Liga Ingleza.






Klube londrinu ofisializa ona iha loron-kinta ne'e despedimentu hosi Mourinha. Chelsea avansa katak parte rua ne'e hetan ona akordu hodi hakotu kontratu ne'ebé liga sira to'o 2019.


 


Iha komunikadu, Chelsea husik klaru katak treinadór sai ho di'ak, no hanesan akordu hosi parte rua maka to'o konkluzaun ba akordu katak di'ak liu ba klube hodi tuir dalan diferente.


 


Blues refere mós katak José Mourinho sei mantén nu'udar "figura importante tebes ida hosi Chelsea", la haluha katak nia sei kontinua hanesan "treinadór ida ho susesu maka'as iha istória durante tinan 110 nia laran".


 


"Chelsea agradese ba José ba nia kontribuisaun maka'as dezde nia fila hanesan treinadór iha veraun 2013".


 


Nia títulu tolu kampeaun, Tasa Inglatera nian, Supertasa no Tasa tolu hosi Liga hafoin pasajen rua halo nia hanesan treinadór ne'ebé iha susesu maka'as iha tinan 110 hosi ami nia istória. Maibé diresaun no José konkorda ona katak laiha rezultadu di'ak sira no nune'e, iha interese hosi parte rua ne'e di'ak liu mosu separasaun ne'e.


 


Klube hakarak husik klaru katak José husik nia knaar ho di'ak no sei mantén akariñadu, respeitadu no hanesan figura importante tebes ida hosi Chelsea nian. Nia legadu iha Stamford Bridge no iha Inglatera sei rekorda nafatin no sei simu nafatin nia iha Stamford Brigde", hakerek iha komunikadu.


 


@SAPO Desporto

Qua | 16.12.15

Zidane hetan forsa hodi troka Rafa Benitez

SAPO TL

Antigu jogadór koñesidu fransés agora daudaun kaer ekipa hosi rezerva merengue sira nian.




AFP Photo@ Pedro Armestre


 


Fransés Zinedine Zidane hahú hetan forsa iha Real Madrid nia laran ba posibilidade ida hodi troka Rafa Benitez iha komando merengue sira nian.


 


Iha krizi ekipa nia laran ne'ebé lidera hosi treinadór españól, ne'ebé halo adeptu sira triste beibeik no ladún hatudu animasaun duké tinan liubá ho Carlo Ancelotti, diresaun hosi Real hanoin ona atu hasai Benitez.


 


Nune'e, tékniku atuál hosi Castilla, formasaun rezerva sira merengue nian, maka sai hanesan naran konsensuál no kualidade nian hodi kaer komando hosi ekipa ne'e no lalika presiza períudu naruk ba adaptasaun iha klube no ba presaun ne'ebé signifika katak komanda Real Madrid.


 


@SAPO Desporto

Qua | 16.12.15

União da Madeira interrompe Vitória sériu hosi Benfika

SAPO TL

Zero iha markasaun husik Benfika ho pontu hitu  hosi Sporting no lima hosi FC Porto.





Foto: HOMEM DE GOUVEIA/ LUSA


 


Benfika la’ós deit halo empate 0-0 ho União da Madeira iha jogu  atrazu sétima jornada nian ne’ebé hala’o iha tersa-feira ne’e, maibé lakon oportunidade atu hamenus ba  pontu lima diferensa  ho líder Sporting.


 


Iha  vizita ba Estádiu Madeira, Rui Vitória tau fila fali Fejsa iha meiu kampu Benfika  nian no akompaña  hosi Renato Sanches. Iha  linã atake , hatun Jonas no Mitroglou ho iha intensaun atu marka golu, enkuantu  Pizzi no Gonçalo Guedes halai iha ninin rua.


 


Maski 'enkarnadu' maka domina, União da Madeira konsege mantein nafatin sira baliza ho zero.


 


Iha segundu tempu, Rui Vitória hatun tan Carcela, Talisca no Jiménez maibé Benfika lakonsege marka golu.


 


Ho rezultadu ida ne’e,  Benfika hela nafatin iha terseiru klasifikadu ho pontu hitu hosi Sporting no pontu lima hosi FC Porto. Ba  União da Madeira, ne’ebé lakon tiha ona badala lima iha uma rasik  ho Benfika, okupa iha pozisaun 15.ª, ho pontu 11.


 


SAPO TL SAPO Desportu

Ter | 15.12.15

Eis-prezidente kámara Pekin nian nomeadu hodi lidera organizasaun ba Jogu sira 2022 nian

SAPO TL

Guo Jinlong prezidi ona kámara Pekin nian entre tinan 2008 no 2012, husik prezidénsia hodi kaer knaar nu'udar reprezentante hosi Partidu Komunista iha kapitál xineza.




 


Governu xinés nomeia ona iha loron-tersa ne'e Guo Jinlong, prezidente kámara Pekin nian durante Jogu Olímpiku sira tinan 2008 nian, ne'ebé halo ona iha kapitál xineza, hodi lidera komité organizadór ba Jogu sira Invernu tinan 2022 nian.


 


Eleitu iha fulan-Jullu hosi Komité Olímpiku Internasionál (COI), Pekin sei sai hanesan sidade dahuluk hosi istória maka simu Jogu sira Veraun (iha tinan 2008) no Jogu sira Invernu nian (iha tinan 2022).


 


Iha tinan 2008, nia kaer mós prezidénsia hosi komité organizadu sira ba Jogu sira Pekin 2008 nian, maski preparativu sira barak liu, entre tinan 2003 no 2007, kaer hosi Wang Qishan, líder atuál hosi komisaun anti korupsaun hosi Partidu Komunista xinés nian.


 


@SAPO Desporto