Saltar para: Posts [1], Pesquisa [2]

SAPO Desportu TL

Ter | 15.12.15

Zyryanov: "Iha Benfica sira sei tenke tanis…"

SAPO TL

Jogadór Zenit konkorda ho rezultadu sorteiu hosi 'oitavos' Liga dos Campeões.




Foto : NATALIA KOLESNIKOVA/AFP


 


Rusu Konstantin Zyryanov, jogadór hosi Zenit, konkorda ho rezultadu hosi sorteiu oitavu finál Liga dos Campeões.


 


"Iha Benfica sira hotu tenke tanis bainhira hatene rezultadu sorteiu nian, tanba sei joga tan kontra Zenit", dehan Zyryanov, no sita hosi klube rusu.


"Ha’u sente di’ak ba ami. PSV sei bele hanesan. Ha’u sente ami sei bele liu", tuir ninia analiza.


 


SAPO TL ho SAPO Desportu

Seg | 14.12.15

Hatene jogu sira hosi oitavu finál sira nian

SAPO TL

Jogu boot ualu iha Champions League. Benfica hasoru rusu sira hosi Zenit.




 


Hatene ona jogu boot ualu iha Champions League, hafoin hala'o ona sorteiu hosi oitavu finál ba prova ne'ebé hala'o iha loron-segunda dadeer iha Nyon, iha Suisa.


 


"Klube importante sira" sei joga ba dala uluk iha loron 16/17 ka 23/24 fulan-Fevereiru, hafoin ne'e sei joga ba dala rua iha loron 8/9 ka 15/16 fulan-Marsu.


 


Jogu sira ne'e maka tuirmai ne'e:


 


Gent - Wolfsburgo


AS Roma - Real Madrid


PSG - Chelsea


Arsenal - Barcelona


Juventus - Bayern de Munique


PSV Eindhoven - Atlético de Madrid


Benfica - Zenit


Dínamo de Kiev - Manchester City


 


@SAPO Desporto

Seg | 14.12.15

Arsenál asume lideransa provizóriu iha” Premier League”

SAPO TL

Arsenál  manán  Aston Villa, ho golu hosi Giroud no Ramsey.




 


Foto : LINDSEY PARNABY/EPA


 


 Arsenál aproveita ohin  inserteza ne’ebé  atu kontinua nafatin okupa iha oin hodi hadau lideransa futeból  liga ingleza nian , hafoin manán Aston Villa, ho golu ne’ebé marka hosi  Giroud no Ramsey (2-0).


 


Aproveita sala Manchester United nian  iha sábadu, hosi Bournemouth ho (2-1), ajuda  ‘dada’  ‘gunner’  sa’e ba lideransa, maski iha posibilidade Leicester, ne’ebé sei halo jogu iha segunda-feira ho Chelsea, bele lidera fila fali.


 


Ohin, iha Villa Park, Birmingham, hasoru Aston Villa ne’ebé nafatin  'mout' ba últimu lugar iha tabela (manán dala ida durante  jornada 16) maski hanesan ekipa ida ne’ebé investe liu ( milaun euru 66 ), maibé  lakomplika liu Arsenál.


 


Giroud marka penalidade ho 1-0, hafoin minutu ualu, no Aaron Ramsey, hetan asisténsia hosi Ozil ne’ebé muda skor ba 2-0, hodi fó hakmatek ba Arsenál antes intervalu, hafoin iha semana ida  manán Olympiakos no tama kedas ba oitavu  finál  ‘Liga kampeaun’.


 


Arsenál agora iha pontu 33, liu pontu ida hosi Manchester City, ne’ebé iha sábadu manán Swansea ho (2-1), no Leicester, maka ekipa ne’ebé sei simu‘blues’, José Mourinho nian, iha jogu ba  iha enseramentu  jornada 16.ª.


 


 Manchester United iha kuartu klasifikadu ho pontu 29, maibé ohin Tottenham bele hetan pontu hanesan, bainhira simu Newcastle.


 


SAPO TL ho SAPO Desportu

Sex | 11.12.15

Mate ona Dolph Schayes, kampeaun hosi NBA iha 1955

SAPO TL

Schayes uluk hanesan figura koñesidu ida hosi hiladelphia 76ers.




Foto: Paulo Cunha


 


Antigu jogadór basket Dolph Schayes, hanesan figura koñesidu ida hosi Philadelphia 76ers, hosi Liga norte-amerikanu Basket nian (NBA), iha dékada 1950, mate ona iha loron-sesta ne'e ho tinan 87.


 


Tuir antigu extremu/poste hosi Sixers nia oan-mane, Danny Schayes, eis-jogadór basket ne'e mate tanba infesaun jeneralizadu ida ne'ebé nia hetan iha loron hirak ikus ne'e.


 


Dolph Schayes moris iha Bronx, iha loron 19 Maiu 1928, nia joga de'it ho kamizola hosi Philadelphia 76ers, formasaun ida ne'ebé nia hahú bolu Syracuse Nationals, sai kampeaun hosi NBA iha tinan 1955.


 


Schayes uluk hanesan jogadór profisionál entre tinan 1948 no 1964. Iha tinan rua ikus ne'e nia akumula funsaun sira nu'udar treinadór.


 


Hafoin husik Sixers, iha tinan 1966, Doplh Schayes fó treinu ba Buffalo Braves, ne'ebé agora naran Angeles Clippers, entre tinan 1970 no 1972.


 


Iha rejistu istóriku sira hosi kompetisaun basket mundiál ne'ebé importante, Schayes, membru hosi "Hall of Fame" no eleitu dala 12 ba "All Star", sai hanesan jogadór dahuluk ne'ebé maka konsege hetan pontu 15.000 iha NBA no iha "fatin kativu" iha lista hosi jogadór na'in 50 di'ak liu iha kampeonatu.


 


Nia oan-mane, Danny Schayes, tuir nia aman nia dalan no joga ona iha NBA entre tinan 1981 no 1999, liuhosi klube sira hanesan Utah Jazz, Denver Nuggets, Milwaukee Bucks, Los Angeles Lakers, Phoenix Suns, Miami Heat ho Orlando Magic.


 


@SAPO Desporto

Sex | 11.12.15

Sporting vence Besiktas e está nos 16 avos de final da Liga Europa

SAPO TL

O Sporting qualificou-se hoje para os 16 avos de final da Liga Europa de futebol, ao derrotar em casa o Besiktas, por 3-1, em jogo da sexta e última jornada do Grupo H.





 


No Estádio José Alvalade, em Lisboa, o alemão Mario Gómez inaugurou o marcador a favor da equipa turca, aos 58 minutos, mas o Sporting deu a volta com golos do argelino Slimani, aos 67, do costa-riquenho Bryan Ruiz, aos 72, e do colombiano Teo Gutiérrez, aos 77, atirando o Besiktas para fora da competição.


 


Finalista da Taça UEFA em 2005 e semifinalista da Liga Europa em 2012, o Sporting terminou no segundo lugar do grupo, com 10 pontos, menos um do que o Lokomotiv Moscovo, que venceu no terreno do Skenderbeu, por 3-0, enquanto o Besiktas ficou em terceiro, com nove. Nos 16 avos de final, a equipa 'leonina' junta-se ao Sporting de Braga, vencedor do Grupo F, e ao FC Porto, relegado da Liga dos Campeões.


 


@Lusa

Sex | 11.12.15

Sporting manán Besiktas no tama ba 16 finál Liga Europa

SAPO TL

Sporting kualifika iha ohin ba 16  finál  futeból Liga Europa, ne’ebé halakon  Besiktas iha uma rasik , ho 3-1, iha  jogu badala neen  no jornada ikus Grupu H nian.





 


Iha Estádiu José Alvalade, Lisboa,  alemaun Mario Gómez  marka uluk golu ida hodi fó vantajen ba  ekipa turku, iha minutu 58, maibé Sporting  fó kedas resposta hodi fila nia rezuladu hosi golu  arjelinu Slimani,  minutu 67, no Kosta-rikeñu Bryan Ruiz, iha 72, no moos  kolombianu Teo Gutiérrez, iha minutu 77, hodi tebe sai Besiktas hosi kompetisaun ida ne’e.


 


Finalista iha Tasa UEFA  2005 no semifinalista  Liga Europa iha 2012,  Sporting termina iha segundu lugar  grupu, ho pontu 10, menus pontu ida duké Lokomotiv Moskovu, ne’ebé manán iha terrenu Skenderbeu nian, ho 3-0, enkuantu  Besiktas hela iha terseiru, ho pontu sia. Iha  16 finál, ekipa 'leonina' hamotuk ho Sporting  Braga, vensedór iha Grupu F, no FC Porto, relegadu iha Liga Kampeaun.


 


SAPO TL ho Lusa

Qui | 10.12.15

TAS fó sai iha loron-sesta desizaun kona-bá rekursu hosi Platini

SAPO TL

TAS rona ona iha loron-tersa advogadu sira hosi eis-futebolista internasionál fransés no hosi FIFA nian.






Tribunál Arbitrál hosi Desportu (TAS) fó sai ohin katak sei fó sai iha loron-sesta desizaun kona-bá rekursu ne'ebé aprezenta hosi Michel Platini hosi suspensaun loron 90 ne'ebé Komité Étika FIFA nian fó ba nia.


 


"TAS karik sei fó sai desizaun iha tuku 10:00 (oras lokál) iha loron-sesta. Desizaun sei fó sai iha "site" ofisiál TAS nian no sei komunika ba imprensa", refere hosi nota ne'ebé fahe iha loron-kinta ne'e hosi organizmu ne'e.


 


Iha loron 08 Outubru, Michel Platini hetan suspensu ba loron 90 hosi Komité Étika FIFA nian ne'ebé investiga osan ne'ebé nia simu ho folin euro millaun 1,8 iha 2011 hosi Joseph Blatter hodi selu serbisu ida akonsellamentu ne'ebé halo iha 2002.


 


Platini apela ona ba suspensaun ne'ebé hadook nia hosi prezidénsia UEFA nian no mantén suspensu ba prosesu kandidatura ba eleisaun sira ba prezidénsia FIFA nian ne'ebé marka ona ba loron 26 Janeiru.


 


TAS rona ona iha loron-tersa advogadu sira hosi eis-futebolista internasionál fransés no hosi FIFA nian.


 


Aleinde Michel Platini, Komité Étika nia suspende mós iha loron 08 Outubru, tanba implikasaun iha eskándalu korupsaun nian ne'ebé akontese iha instituisaun, Joseph Blatter no sekretáriu-jerál FIFA nian fransés Jérôme Valcke.


 


@ SAPO Desporto

Qui | 10.12.15

Maicon: "lakonsege atinje ami nia objetivu, agora haree ba oin"

SAPO TL

FC Porto lakon iha Londres no tun ba Liga Europa. Maicon desvaloriza derrota ne’ebé hetan hasoru Chelsea no agora hanoin deit saida maka  iha atu bele manán.



Foto: BENSTANSALL/AFP




Kapitaun FC Porto defende nia grupu hafoin lakon iha  Londres hasoru Chelsea ho 2-0, nia garante  katak FC Porto agora tama ba Liga Europa hanesan kompetisaun ida ne’ebé  atu  manán.


 


"Ami hasoru adversáriu ida difísil, infelizmente lakonsege ona ami nia objetivu, agora hanoin ba oin. Ami sei konsentra iha Liga Europa  no kampeonatu. Ami tenta halo buat hotu, maibé lakonsege", hatete Maicon iha flash interview Sport TV.


 


" FC Porto joga hakarak manan, hanesan iha alterasaun sira. Iha tiha ona ami nia kakutak . hahú ho di’ak, iha personalidade,kria oportunidade barak, maibé infelizmente ami lakonsege to’o objetivu", hatutan defeza sentrál  hosi FC Porto ne’ebé desvaloriza  kestaun sira iha eskema tátiku inisiál ekipa portista nian.


 


SAPO TL ho SAPO Desportu

Qua | 09.12.15

Xinés hosi komérsiu eletróniku koñesidu sei patrosina Mundiál Klube sira nian

SAPO TL

Kampeonatu hosi Mundiál Klube sira nian sei halibur mana'an-na'in anuál hosi tasa sira hosi konfederasaun kontinentál oioin futeból nian.






Xinés hosi komérsiu eletróniku boot Alibaba, liuhosi nia modelu automóvel Alibaba E-Auto, karreta ida ho ligasaun ba internet, ho lansamentu previstu ba 2016, sei patrosina Klube sira hosi FIFA to'o tinan 2022.


 


Tuir akordu ida ne'ebé halo ho FIFA, promosaun ofisiál hosi eventu maka "Kampeonatu Mundiál hosi Klube sira FIFA nian, aprezentadu hosi E-Auto", fó sai hosi empreza iha komunikadu.


 


Marka referidu, ne'ebé harii hosi grupu ne'ebé iha kontrolu ba 90% komérsiu eletróniku hosi Xina, dezenvolve hela hamutuk ho Korporasaun Industriál Automóvel Xangai nian (SAIC, ho sigla iha lian inglés).


 


"Iha desportu konkore área estratéjiku oioin ba Alibaba, hanesan saúde no moris di'ak, no ami hakerek akresenta folin ba konsumidór sira no setór desportivu sira", afirma ona hosi prezidente grupu ne'e, Zhang Yong.


 


Responsável hanesan hatutan katak ne'e "hanesan mós parte importante ida hosi estratéjia hosi globalizasaun grupu Alibaba nian hodi liga Xina ba fatin sira seluk iha mundu ne'e".


 


Iha fatin seluk, diretór "marketing" FIFA nian, Thierry Weil, hatete katak nia hein atu organizasaun "hetan benefísiu hosi inovasaun" grupu nian, pretende ba promosaun no difuzaun hosi eventu ne'e iha internet.


 


Akordu haree ba eleisaun hosi jogadór di'ak liu iha torneiu ne'e nune'e mós eleisaun ba ida-idak iha jogu ualu.


 


Kampeonatu Mundu nian ba Klube sira halibur mana'an-na'in anuál hosi tasa sira hosi konfederasaun kontinentál oioin futeból nian: UEFA (Europa), CONMEBOL (Amérika-Súl), CONCACAF (Amérika-Norte, Sentral no Karaíbas), CAF (Áfrika), AFC (Ázia) no OFC (Oseánia) no mana'an-na'in hosi kampeonate nasaun anfitriaun nian, o Japaun.


 


Grupu Alibaba hanesan proprietáriu hosi 50% hosi asaun sira hosi pentakampeaun xiná atuál hosi futeból nian no mana'an-na'in hosi Champions League hosi Ázia nian, Guangzhou Evergrande, ne'ebé orienta hosi antigu treinadór hosi selesaun portugés nian, brazileiru Luiz Felipe Scolari.


 


@SAPO Desporto

Qua | 09.12.15

Rezultadu no pasajen Liga Kampeaun

SAPO TL

Manchester  United  okupa deit iha terseiru lugar Grupu B nian  tama ba iha Liga Europa.





Foto : Desporto


 


Bele haree rezultadu jogu sira tersa-feira nian kona-bá sesta jornada  faze grupu iha Liga  Kampeaun.


ReZultadu:




Benfica                1-2 Atlético Madrid
Galatasaray          1-1 Astana
Wolfsburg             3-2 Manchester United
PSG                   2-0 Shakhtar Donetsk
Real Madrid        8-0 Malmo
PSV                   2-1 CSKA Moscovo
Manchester City 4-2 Borussia Monchengladbach
Sevilha              1-0 Juventus


 


Klube sira ne’ebé pasa ona iha tersa-feira ne’e maka:




Grupo A       : Real Madrid no PSG


Grupo B       : Wolfsburgo  no PSV


Grupo C       : Benfica no Atlético  Madrid


Grupo D       : Juventus  no Manchester City


 


SAPO TL ho SAPO Desportu