Saltar para: Posts [1], Pesquisa [2]

SAPO Desportu TL

Seg | 07.12.15

FBI halo investigasaun ba Blatter

SAPO TL

Tuir BBC, Blatter hatene kona-bá subornu ho folin euro millaun 92 ne'ebé selu ba membru antigu sira hosi organizmu ne'e.




 


Autoridade norte-amerikanu sira investiga indísiu sira ne'ebé hatudu katak prezidente FIFA nian, Joseph Blatter, ne'ebé agora daudaun hetan suspensu, hatene kona-bá subornu ho folin besik dolár millaun 100 ne'ebé selu ba membru antigu sira hosi organizmu ne'e, fó sai hosi BBC.


 


Tuir investigasaun hosi BBC, ne'ebé fó sai iha loron-domingu, empreza hosi "marketing" desportivu ISL karik selu osan ho totál dolár millaun 100 ba membru sira hosi organizmu máximo hosi futeból mundiál nian, inklui ba eis-prezidente FIFA nian João Havelange no ba antigu ezekutivu Ricardo Teixeira, ne'ebé hodi hetan troka ba direitu televizivu sira no hosi "marketing" durante tinan 1990.


 


Blatter garanti nafatin katak nia la hatene kona-bá pagamentu sira, maibé emisora adianta katak iha asesu ba karta ida ne'ebé FBI hetan katak iha dúvida kona-bá nia negasaun ne'e.


 


Karta ne'e refere ba pagamentu sira hosi ISL no karik hakerek hosi Havelange, ne'ebé nota katak Blatter iha "koñesimentu maka'as hosi atividade sira ne'e" no nia "simu nafatin informasaun" hosi sira.


 


Blatter sai hanesan "númeru daruak" hosi Havelange antes kaer nia fatin nu'udar prezidente FIFA nian iha tinan 1998. Tuir emisora BBC, Blatter lakohi hatán ba nia alegasaun sira.


 


Blatter, ne'ebé hetan suspensu iha fulan-Outubru ba loron 90 hosi komité étika FIFA nian, tenki husik nia kargu iha fulan-Fevereiru oinmai.


 


Aleinde investigasaun hosi parte Estadus Unidus ne'e, Blatter mós hetan investigasaun kriminál hosi Suisa tanba suspeitu liuliu ba jestaun ne'ebé ladi'ak iha organizmu máximo futeból mundiál nian no ba pagamentu dolár millaun rua, ne'ebé halo iha 2011, ba nia eventuál susesór, prezidente ne'ebé suspensu hosi UEFA, Michel Platini.


 


Investigasaun suisu halo organizmu hosi étika FIFA nian lansa inkéritu ida iha futuru.


 


Investigadór sira hosi FIFA hakotu ona nia investigasaun iha fulan-Novembru, entrega ona prova sira ba juís hosi komisaun étika nian, ne'ebé sei fó sai verediktu iha fulan ne'e.


 


Platini implikadu iha investigasaun hanesan, investigadór sira sei espalla iha instánsia futebolístiku sira, seidauk hatene kastigu ne'ebé husu hasoru Blatter.


 


Antigu internasionál fransés, ho tinan 60, hetan suspensu hosi atividade tomak ne'ebé iha ligasaun ho futeból to'o loron 05 Janeiru 2016 no nia prosesu kandidatura ba prezidénsia FIFA nian, ne'ebé nia eleisaun halo iha 26 Fevereiru, hetan mós suspensu.


 


FIFA sai abaladu hosi eskándalu ida korupsaun nian iha fulan-Maiu, loron rua liutiha hafoin reeleisaun hosi Joseph Blatter nian nu'udar prezidente hosi organizmu máximo futeból mundiál nian, iha prosesu ida ne'ebé loke hosi justisa Estadus Unidus nian no halo ona akuzasaun ba dirijente no eis-dirijente sira na'in 14.


 


Iha semana liubá, Departamentu Justisa norte-amerikanu nian fó sai ezisténsia hosi akuzadu foun na'in 16 relasionadu ho eskándalu korupsaun nian, na'in ualu admiti ona sira nia implikasaun iha kazu.


 


@SAPO Desporto

Seg | 07.12.15

Matic: "Momentu ne’e difísil no sei la fásil atu fó volta"

SAPO TL

Chelsea okupa pozisaun 14 iha Premier League, ho pontu 15 iha jogu 15, rezultadu hosi vitória haat, empate tolu no derrota ualu.





Foto: Lusa


 


Matic rekoñese katak sei sai difísil tebes atu Chelsea fó volta ba krize ne’ebé klube hasoru. Iha sábadu ne’e "blues" hetan derrota ba dala ualu iha jornada 15 iha Premier League, bainhira lakon 1-0 ho Bournemouth iha Stamford Bridge.

"Ami la merese lakon, maibé baihira la marka mós la merese manán. Ami iha momentu ne’ebé difísil no sei la fasíl atu fó volta. Ami tenke servisu hodi hetan solusaun ida", tenik médiu sérviu ne’e ba televizaun klube londrinu nian.

Chelsea okupa pozisaun 14 iha Premier League, ho pontu 15 iha jogu 15, rezultadu hosi vitória haat, empate tolu no derrota ualu.


 


Iha loron-kuarta oin mai ekipa José Mourinho nian hasoru FC Porto, iha jornada ikus hosi faze grupu sira Liga dos Campeões nian. Hetan empate natoon ba Chelsea hodi kontinua bá oin maibé bele mós eliminadu karik lakon no Dinamo Kiev manán Maccabi Telavive.


 


SAPO TL ho SAPO Desportu


 

Sex | 04.12.15

Barcelona iha forsa maka'as ba Mundiál Klube sira nian

SAPO TL

Barcelona buka troféu datoluk, ne'ebé nia mana'an ona iha tinan 2009 no 2011, ho Messi hetan eleitu nu'udar Jogadór Di'ak Liu iha okaziaun rua ne'e.




 


Luis Enrique hili ona jogadór na'in 23 ne'ebé nia sei lori ba Mundiál Klube sira nian. Treinadór hosi Barcelona konvoka ona jogadór koñesidu prinsipál sira hosi ekipa no iha mós fatin ba "kanteranu" balun hanesan Sergi Samper, Gerard Gumbau, Munir no Sandro Ramírez.


 


Mundiál ba Klube sira sei hala'o iha Japaun, iha loron sira 10 to'o 20 Dezembru. Katalaun sira sei hasoru Club America ka Guangzhou Evergrande iha semi-final, iha loron 17 Dezembru. Bainhira mana'an, Barcelona sei hasoru malu iha finál ho River Plate, iha loron 20 Dezembru, iha Yokohama.


 


Barcelona buka troféu datoluk, ne'ebé nia mana'an ona iha tinan 2009 no 2011, ho Messi hetan eleitu nu'udar Jogadór Di'ak Liu iha okaziaun rua ne'e.


 


Lista hosi konvokadu na'in 23:


 


Guarda-rede: Marc-Andre Ter Stegen, Claudio Bravo e Jordi Masip;


Defeza sira: Jordi Alba, Douglas, Gerard Pique, Javier Mascherano, Marc Bartra, Dani Alves, Adriano, Thomas Vermaelen e Jeremy Mathieu;


Médiu sira: Ivan Rakitic, Sergio Busquets, Andres Iniesta, Sergi Roberto, Sergi Samper e Gerard Gumbau;


Avansadu sira: Luis Suarez, Neymar, Lionel Messi, Munir e Sandro Ramirez.


 


@SAPO Desporto

Qui | 03.12.15

Portugal tuun pozisaun tolu iha "ranking" FIFA nian

SAPO TL

Selesaun portugeza agora okupa postu dahitu.




AFP Photo@ Miguel Riopa


 


Iha loron-kinta ne'e selesaun portugeza futeból nian "tuun" pozisaun tolu ba postu dahitu iha "rangking" FIFA nian ne'ebé lidera nafatin hosi Béljika, tuir Arjentina no España iha fatin daruak no datoluk.


 


"Ekipa kina" nian, ne'ebé iha partikulár sira iha fulan-Novembru lakon iha Rúsia (1-0) no mana'an iha Luxemburgu (2-0), agora iha España nia kotuk, ne'ebé sa'e hosi pozisaun daneen ba pozisaun darual, Xile mantén iha pozisaun dalima no Brazil sa'e hosi pozisaun ualu ba pozisaun neen.


 


Béljika iha pozisaun dahuluk hosi hierarkia, Arjentina iha fatin daruak, España fila fali ba dala uluk dezde Mundial2014 iha fatin datoluk, no Alemaña ne'ebé hanesan kampeaun mundu nian agora tama iha fatin dahaat hafoin "tuun" tiha fatin rua.


 


Kolómbia, Inglatera no Áustria tama iha "top-10" hosi lista ida ne'ebé Iraun, treinadu hosi Carlos Queiroz, tuun fatin rua, ba iha postu 45, bainhira Gabaun ne'ebé treina hosi Jorge Costa tuun ba fatin 76.


 


Entre nasaun luzófonu sira, Cabo Verde kontinua di'ak nafatin, maski tuun pozisaun hitu, ba fatin 39, Angola tuun ba fatin 105 no Mosambike sa'e ba fatin 111.


 


Agora daudaun Guiné-Bissau okupa postu 146, São Tomé & Prínsipe iha pozisaun 156 no Timor-Leste iha pozisaun 170.


 


"Ranking" hosi FIFA, iha loron 03 Dezembru:


 


1. (1) Béljika, 1.494.
2. (3) Arjentina, 1.455.
3. (6) España, 1.370.
4. (2) Alemaña, 1.347.
5. (5) Xile, 1.273.
6. (8) Brazil, 1.251.
7. (4) Portugal, 1.219.
8. (7) Kolómbia, 1.211.
9. (9) Inglatera, 1.106.
10. (10) Áustria, 1.091.
(...)
39. (32) Cabo Verde, 745.
45. (43) Iraun, 653.
76. (73) Gabaun, 468.
105. (98) Angola, 330.
111. (125) Mosambike, 317.
146. (141) Guiné-Bissau, 207.
156. (157) São Tomé & Príncipe, 170.
170. (162) Timor-Leste, 127.


 


@SAPO Desporto

Qui | 03.12.15

Carissa Moore konkista títulu mundiál surf ba dala 3

SAPO TL

Iha tinan 23 , Moore iha ona títulu tolu  kampeaun mundu nian, tuir kedas australiana  Stephanie Gilmore ne’ebé iha títulu neen.


 


Foto : EPA


Havaiana Carissa Moore asegura tiha ona iha ohin nia konkista títulu mundiál surf ba dala tolu, ho eliminasaun  norte-amerikana Courtney Conlogue iha ronda haat ho Target Maui Pro, iha 10.ª no etapa ikus iha sirkuitu.



Conlogue, vensedora iha Cascais Women's Pro, to’o iha  Havai ho ponto 900 kompara ho Moore no nia haka’as-an   atu tama  iha pozisaun di’ak doké líder 'ranking' hodi evitar nia atu hetan tan títulu ne’e, maka havaiana manan tiha ona iha 2011 no 2013.

Maibé , norte-amerikana ne’e lakon hosi havaiana Coco Ho, iha kuarta eliminatória,  rekupera, bainhira Moore asegura tiha ona nia prezensa iha kuartu  finál, ne’ebé manan nia kolega Malia Manuel no Tatiana Weston-Webb iha ronda datoluk.

Carissa Moore, ne’ebé  manan Target Maui Pro iha 2014, asegura tiha ona  ni fatin  iha meias-finais  kampeonatu ne’e, faze ida ne’ebé maka nia sei hasoru nia kolega Alessa Quizon. Iha  semifinalista seluk sei hasoru malu entre australiana rua Nikki Van Dijk no Sally Fitzgibbons no tuir kedas Coco sul-afrikana no Bianca Buitendag.


 


Iha  tinan 23, Moore iha ona títulu tolu  kampeaun mundu nian, tuir kedas australiana Stephanie Gilmore, tinan 27, iha kampeaun neen, , ne’ebé maka  falla iha kampeonatu ba dala lima iha tinan ida ne’e tamba sofre lezaun iha ain-tuur.


 


SAPO TL ho SAPO Desportu

Qua | 02.12.15

Portugál lakon ho España iha apuramentu ba Europeu

SAPO TL

Rezultadu  define deit iha primeira parte, ne’ebé marka liu hosi española Losada, iha minutu ualu, no Sonia, iha minutu  25.




Foto : Francisco Leong


 


Selesaun portugués futeból feto nian lakon ohin iha uma rasik ho selesaun futeból feto española ho 2-0, iha  jogu grupu 2 ba faze kualifikasaun  kampeonatu  Europa nian.

Rezultadu define de'it iha primeira parte, ne’ebé marka liu hosi española Losada, iha minutu ualu, no Sonia, iha 25.

Ho vitória ida ne’e,  España hemetin liutan ninia lideransa, lidera grupu ne’e ho pontu sia, liu pontu tolu ho Finlándia, ne’ebé okupa iha fatin daruak, enkuantu Portugál iha kuartu pozisaun ho deit pontu tolu.


 


SAPO TL ho SAPO Desportu

Ter | 01.12.15

Casillas sente "tauk" sai hosi baliza

SAPO TL

Guarda-rede  FC Porto nian promove  sesaun  pergunta  no resposta  iha Facebook.





 FOTO :MIGUEL RIOPA/ AFP


 


Iker Casillas promove iha Facebook  sesaun ida kona-bá  pergunta no resposta  ne’ebé  admite  katak nia ladun sente konfortável atu sai hosi baliza hanesan aspetu seluk hosi funsaun  guarda-rede nian, ne’ebé nia hala’o dadauk iha baliza FC Porto.


 


 Pergunta "karik halo ezame maka sai guarda-rede, ezersísiu saida maka sente tauk liu?", Casillas responde: "sai hosi baliza!".


 


Iha sorin seluk,  guarda-rede español ne’e sente orgullo tebes ho nia kualidade ba defeza  iha penalidade, lahaluhan moos servisu hosi elementu hosi klube nian: "ami iha ema iha  klube ne’ebé halo analiza ba jogadór sira ho nia movimentu  iha kampu. Penálti sira sai  ona parte hosi futeból no klaru katak tenki hatene di’ak rivál sira …No hafoin maka koñesimentu, intuisaun…".

Casillas koalia moos kona- bá nia futuru, ne’ebé maka sei lataka dalan atu  reprezenta klube seluk antes  tara nia luvas, maski iha ona tinan 34  no iha kontratu tinan tolu ho FC Porto.  Estadus Unidus,  sempre  sai hanesan  hipóteze ida. "hau  iha kompañeiru barak maka joga no joga iha MLS. Hato’o moos katak di’ak no sente satisfeitu. Joga iha ne’ebá? Tamba sa maka la’e?", nia hatutan.

Guardiaun ne’e  kestiona moos kona-bá  kolega sira iha  ekipa mexikanu, ne’ebé maka moos hetan elojiu barak. " Ema mesak di’ak deit. Sempre koalia mai ha’u buat di’ak hotu kona-bá  sira nia nasaun, no sei sai jogadór  di’ak  iha futuru .


Layún ema esperiente ida, enkuantu Herrera,  Gudiño no Corona mesak  foin sa’e  maibé asume tiha ona todan iha sira nia ekipa".


 


SAPO TL ho SAPO Desportu

Pág. 4/4