Saltar para: Posts [1], Pesquisa [2]

SAPO Desportu TL

Sex | 18.03.16

Liverpool empata iha Old Trafford no hakat ba 'kuartu'finál

SAPO TL

Philippe Coutinho marka golu  empate nian molok intervalu.





Foto: EPA/Peter Powell 


 


Liverpool tama ba kuartu-de-finál Liga Europa nian hafoin empata iha kinta-feira ne’e iha Old Trafford hasoru Manchester United ho 1-1.


 


'Reds' sira ba iha Manchester hodi  kumpre  jogu ba segunda mão 'oitavu' finál nian ho vantajen 2-0 ne’ebé hetan iha jogu primeira mão iha Anfield Road, no konsege tama ba 'kuartu' finál kompetisaun ne’e ho empate ne’ebé hetan iha primeiru tempu.


 


Iha Old Trafford, ekipa Louis van Gaal marka uluk golu iha minutu 32 liuhosi markasaun penalidade ho susesu hosi Martial. Manchester United konsege reduz desvantajen iha eliminatória ne’e, no hela deit golu ida atu halo empate.


 


Maibé, molok   intervalu ekipa Jurgen Klopp halo empate hosi intermédiu Philippe Coutinho no  koloka fila fali vantajen ba nia ekipa iha eliminatóriu ne’e.


 


Louis van Gaal hatama tan Antonio Valencia iha segunda parte, Darmian no Schweinsteiger, maibé jogu nafatin  empata ho 1-1. Ho rezultadu ne’e, Manchester United tenki sai hosi Liga Europa, enkuantu Liverpool hakat ba kuartu finál kompetisaun ne’e hosi  nia 'rivál' inglés.


 


SAPO TL  ho SAPO Desportu

Qui | 17.03.16

Wenger: "Barcelona iha jogadór ne’ebé transforma normál sai ba arte"

SAPO TL

Barcelona manán Arsenal ho 3-1 iha jogu ba segunda mão dos oitavos de final Liga Campeões nian.





Foto: ANDY RAIN / EPA


 


Treinadór Arsenal, Arsène Wenger, lamenta tebes ho afastamentu 'gunners' nian hosi Liga dos Campeões, no hatete katak  falta efikásia iha nia ekipa rasik hafoin derrota hasoru Barcelona ho 3-1.


 


"Ami iha ipóteze, maibé ami lakonsege. Ho  kualkér forma, ami tenki fó  parabéns ba Barcelona, tamba iha jogadór nain rua, tolu  ne’ebé bele transforma buat  normal sai ba arte",  reasaun tékniku fransés ne’e hafoin eliminasaun Arsenal nian iha Camp Nou.


 


"Ami hala’o jogu ida ho kualidade, bainhira ami halo 1-1 ami lahanoin katak sira atu halo golu, maibé tridente Barcelona marka fila fali. Jeralmente bele hatete katak ami lakon kontra ekipa ida ne’ebé iha jogadór di’ak liu maka ha’u haree tiha ona ", hatutan tékniku Arsenal ne’e.


 


SAPO TL ho SAPO Desportu

Qua | 16.03.16

Manchester City halo istória maski joga ladi’ak

SAPO TL

Ekipa Pellegrini nian konfirma tama ba quartos final 'Champions' ba dahuluk iha nia  istória rasik.



Foto: EPA/Peter Powell


 


Manchester City kualifika iha tersa-feira ne’e ba Quartos-de-finál Liga dos Campeões nian ne’ebé  elimina Dínamo Kiev iha prova ba oitavu finál ho empate 0-0 iha Inglaterra hafoin manán iha Ukránia ho 3-1.


 


Iha jogu ne’ebé hala’o hasoruformasaun ukraniana ne’e, ekipa Manuel Pellegrini nunka halo istória iha apuramentu ba quartos-de-final Liga dos Campeões nian manán hasoru Dínamo Kiev.


 


Jogu ne’ebé hala’o nakloke tebes hosi ekipa rua, Dínamo Kiev tenta atu  halo golu uluk hodi loke dalan ba  apuramentu, hatene katak iha istória ekipa ukraniana nunka sai hosi Inglaterra ho vitória.


 


Maski  Manchester City sai favoritismu, ekipa ne’ebé komanda hosi Serhiy Rebrov larende no kria lanse barak ne’ebé perigu ba iha baliza Hart. Maibé  Manchester City domina fila fali no hamosu tentava barak atu hetan golu hafoin intervalu.


 


Maibé, tamba falta efikásia hosi ukranianu  no  falta pontaria hosi  'citizens' iha  segundu tempu  termina ho 'cinzento' 0-0 iha  segunda mão oitavos final Liga dos Campeões nian.


 


Ho  rezultadu ne’e, Manchester City badahuluk tama ba quartos de final Liga dos Campeões, liuhosi vitória ne’ebé hetan iha  Ukránia ho 3-1 iha primeira mão eliminatória nian.


 


SAPO TL ho SAPO Desportu

Ter | 15.03.16

ONU suspende Sharapova hosi kargu embaixadora

SAPO TL

Maria Sharapova lakon nafatin iha publisidade no iha asaun sira solidariedade nian. 


 



 


ONU suspende ona, iha loron-tersa ne'e, ho tempu ne'ebé la determina, tenista rusu Maria Sharapova hosi kargu embaixadora tanba kazu pozitivu ba doping ne'ebé fó sai iha loron 07 Marsu.


 


Tenista envolve iha tinan sia liubá iha Programa ba Dezenvolvimentu ONU nian hodi halakon kiak no ba igualdade.


 


"Organizasaun agradese nafatin ba Maria Sharapova tanba apoia ami nia serbisu, liuliu iha rekuperasaun hosi dezastre naturál iha Chernobyl. Maibé, hafoin anúnsiu hosi Sharapova, nia sei hetan suspensaun hosi kargu embaixadora bainhira sei hala'o investigasaun", hatete hosi porta-vós ida ONU nian.


 


Maria Sharapova fó sai ona, iha semana liubá, katak iha kontrolu pozitivu ida ba meldonium, ai-moruk ida ne'ebé nia hemu hahú tinan 2006 no iha tinan ne'e sai hanesan ai-moruk bandu nian, hodi asumi katak nia la haree lista atualizadu hosi produtu bandu sira nian.


 


Tuir ITF, rusu ne'e kontroladu iha 26 Janeiru iha Open Austrália, iha teste ida ne'ebé hatudu prezensa hosi produtu bandu ne'e, no tensita rekoñese ezisténsia hosi ai-moruk ne'e. Maria Sharapova sei hetan suspensaun preventivu hahú loron 12 Marsu to'o kazu ne'e rezolve.


 


Tenista rusu, ne'ebé manán torneiu lima hosi "Grand Slam", lakon iha kuartu-finál hosi Open Austrália, ne'ebé nia joga iha fulan-Janeiru nia rohan.


 


@SAPO Desporto

Ter | 15.03.16

Rui Vitória: “Ami gosta atu ladun treinu maibé joga maka barak”

SAPO TL

Benfica manan Tondela 4-1 iha jogu ne’ebé hala’o iha Estádio da Luz.





Foto: JOSE SENA GOULAO / EPA


 


Treinadór Benfica haksolok ho vitória ne’ebé sira hetan horisehik, tanba bele hetan hikas lideransa.




Análize kona-ba jogu: “Hanesan vitória ida ne’ebé ami konsege hetan, hafoin liu tiha jornada importante rua. Nu’udar jogu ne’ebé di’ak no ho kualidade. Ami marka golu haat, maibé ami konsege marka golu ida ka rua. Bainhira marka ona golu ida, maka sei sai fasil, maibé ami tenta atu durante iha jogu tomak, ami sente seguru”.


 


Nível fíziku hosi ekipa: “Ami hakarak atu iha intensidade bot, maibé persepível. Ami marka golu sedu no buka atu kontrola bola ho di’ak. Jerlamente, ekipa sente seguru. Ami hetan pontu tolu no hetan fali lideransa”.


 


Ami sei halo preparasaun semana ida, hodi hakat ba jogu tuir mai: “Ekipa ne’e hamenus ona loron intervalu. Ami lakohi atu iha intervalu naruk, tanba ami gosta atu ladun treinu maibé halo jogu maka barak”.


 


SAPO TL ho SAPO Desporto

Seg | 14.03.16

Zidane: "Nune’e ita sei la ba oin "

SAPO TL

Iha domingu ne’e Real Madrid manán Las Palmas 1-2, Sergio Ramos no Casemiro mak hatama golu.





                                                 Zidane la satisfás ho rendimentu ekipa nian


 


Hafoin Real Madrid hatudu jogu ho di’ak no manán Las Palmas (1-2), Zinedine Zidane ko’alia buat hotu sai hosi nia laran.


 


"Ha’u preokupa ho parte daruak. Importante mak ami sai ho pontu tolu. Aban ami sei haree hikas jogu»", afima iha konferénsia imprensa.


 


Hanoin iha Champions?


"Ami la hanoin iha Champions. Jogadór sira hanoin iha sá mak iha atu sira halo. Ami lakon kuantidade alusinante iha bola. Karik ita hakarak buat ruma ba futuru, ita tenke joga di’ak. Ida ne’e klaru".


 


La satisfás ho ekipa


"Nune’e ita sei la ba oin. Joga hanesan ida ne’ebé ami halo iha parte daruak, la’e. Ha’u bele dehan de’it ida ne’e. Ha’u hakarak haree hikas jogu no ha’u fiar katak ami bele halo tipu jogu seluk".


 


SAPO TL ho SAPO Desportu

Sex | 11.03.16

Klopp: "Buat ida seidauk garante"

SAPO TL

Liverpool manán iha, kinta-feira ne’e , hasoru Manchester United ho 2-0 iha Anfield.





Foto: KIRILL KUDRYAVTSEV / AFP


 


Kona-ba vitória ho  United (2-0), Jurgen Klopp elojiu ezibisaun hosi nia ekipa. Hatete katak só falta deit  golu atu  halo Liverpool bele deskansa iha faze eliminatóriu ne’e.


 


"Atu koalia lolos katak laós buat hotu la’o ladi’ak. Ami hahú jogu ho di’ak dezde minutu primeiru, falta deit atu halo golu tan. Antes iha jogu haú sente  satisfeitu ho vitória 2-0 ne’e, iha finál ha’u sente katak ha’u hatene oituan. Buat hotu seidauk deside, ami sei iha tan segundu jogu iha Manchester", nia hatete.


 


Tékniku ne’e sei iha tan lia-fuan ida atu hato’o ba adeptu sira ne’ebé apoiu “reds”.


 


"Ambiente ida ne’ebé inakreditável, ha’u hakarak agradese ba sira hotu ne’ebé partisipa iha kalan fantástiku ida ne’e. Ne’e maka  Liverpool ne’ebé ita koñese.", nia hakotu.


 


SAPO TL ho SAPO Desportu

Qui | 10.03.16

Pizzi: "Vitória boot ida ba ekipa tomak"

SAPO TL

Benfica manán iha kuarta-feira ne’e hasoru Zenit ho 1-2, ne’ebé marka hosi Gaitán no ida seluk  hosi Talisca.




Foto: Lusa


 


Sente atraídu ho vitória iha São Petersburgo ne’e, Pizzi fahe nia sentimentu kontente iha rede sosiál.


 


"Vitória boot ida ba ekipa tomak! Dala ida tan ha’u orgulu tebes tamba pertense ba família boot ne’e! Sempre hamutuk", hakerek sentrukampista ne’e iha rede sosiál.


 


SAPO TL ho SAPO Desportu

Qua | 09.03.16

Zidane: " hakfu’ik motiva Ronaldo"

SAPO TL

Real Madrid manán iha tersa-feira ne’e hasoru  Roma ho 2-0 iha jogu ba segunda mão kuartus-finál "Champions" nian.





Foto: Lusa


 


Hafoin  Ronaldo dala ida tan sai desizivu ba vitória Real Madrid nian ho Roma, ninia tékniku Zinedine Zidane fó nia-isin atu salva nafatin jogadór portugés ne’e.


 


Hakfu’ik  ba Ronaldo?



"Ida ne’e  motiva ha’u. Importante maka sempre iha nafatin kampu hodi tenta  halo liu tan, hakarak marka  golu no konsege", nia afirma.


 


Pozisaun Ronaldo iha kampu




"Nia Joga ho di’ak. Iha  inísiu nia pozisaun iha sentru atake maibé bele atua iha kualkér pozisaun. Bale hahú iha eskerda, James iha direita no sira  troka pozisaun. Ida ne’e hakarak. Iha  defeza, Cristiano tenki taka hosi klaran no ha’u hanoin katak  sira hotu hala’o jogu ne’ebé di’ak tebes iha atake no defensivu".


 


Tékniku fransés ne’e laiha preferénsia iha relasaun ba adversáriu sira iha kuartu finál.


 


"Ne’e  sorteiu ida, ekipa ne’ebé sai ami sei halo analizá ho didi’ak. Horisehik, objetivu maka  Roma. Ohin  Las Palmas no hafoin Sevila."


 


SAPO TL ho SAPO Desportu

Ter | 08.03.16

Selesaun feto afegaun nian ho kamizola ne'ebé integra véu islámiku

SAPO TL

Selesaun feto hosi Afeganistaun aprezenta kamizola ne'ebé integra véu islámiku. 





Foto: Hummel




Federasaun Futeból hosi Afeganistaun aprezenta iha loron-tersa ne'e, iha ámbitu Loron Internasionál Feto nian, kamizola ida hosi selesaun feto nian ne'ebé integra "hijab" ida ka véu islámiku nian.


 


Ekipamentu, ne'ebé sei lansa hamutuk ho ekipamentu mane nian, inklui "hijab" ho objetivu permiti ba feto sira prátiku desportivu, aleinde ajuda kompete iha igualdade iha palku internasionál sira, refere hosi marka responsável.


 


"Ba nasaun ida hanesan Afeganistaun, hatais kamizola selesaun nian hanesan poder ida, dalan ida hodi hametin feto nia konfiansa. Halo nia senti poderozu", hatete hosi eis-kapitã hosi selesaun feto nian Khadila Popal.


 


Antiga futebolista ne'e joga ona iha jogu 20 resin hosi Afeganistaun, nia para joga tanba lezaun ida iha ai-tuur.


 


"Hanesan onra ida sai kapitaun hosi ekipa ha'u nia nasaun nian maibé hanesan mós onra ida hodi bele sai hanesan modelu hodi ema bele tuir, inspirasaun ida ba labarik-feto no joven-feto millaun resin iha Afeganistaun", nia hatutan.


 


@SAPO Desporto