Saltar para: Posts [1], Pesquisa [2]

SAPO Desportu TL

Ter | 08.03.16

Sharapova sei hetan suspensu komesa iha 12 fulan-marsu

SAPO TL

Tenista russa hetan kontrolu antidoping pozitivu.





Foto: MOHD FYROL / AFP


 


Russa Maria Sharapova sei hetan  suspensu preventivu iha loron 12 fulan-marsu, hafoin hetan  kontrolu antidoping pozitivo durante Open iha Austrália, anunsia iha hosi Federasaun Internasionál Ténis (ITF).


 


Antigu númeru mundiál, tinan 28, ne’ebé fó sai iha ohin katak hetan kontrolu pozitivu ho meldonium, substánsia ida ne’ebé nia hemu konsume 2006, maibé foin bandu iha tinan ida ne’e, hodi hatete katak nia laharee lista atualizadu iha  produtu ne’ebé hetan bandu.


 


Tuir  ITF, russa ne’e hetan kontrolu iha loron 26 fulan- janeiru iha Open Austrália, teste hatudu ona prezensa hosi produtu proibidu sira, ne’ebé deskobre iha duni substánsia ne’e.


 


Ho nune’e, tuir  ITF, tamba substánsia ne’ebé hetan entre sasan bandu hosi Ajénsia Mundiál Antidopagem no hosi programa antidoping rasik, Maria Sharapova sei hetan suspensu preventivu iha  loron 12 fulan- marsu, to’o iha kazu ne’e rezolvidu.


 


Russa, tinan 28 no manán torneiu ‘Grand Slam’, ba dalalimane’e  hetan  eliminasaun iha  kuartus finál hosi Open Austrália, ne’ebé hala’o iha finál janeiru nian.


 


SAPO TL ho SAPO Desportu

Seg | 07.03.16

Manchester United lakon ho West Bromwich no dook hosi Europa

SAPO TL

Iha lideransa Liga Ingleza okupa hosi surpreendente Leicester, ne’eb’e iha sábadu manán iha Watford (1-0) no reforsa nia lideransa.





Foto: Nigel Roddis / EPA


 


Manchester United  ohin  sofre tan derorta ida iha futeból Liga Ingleza nian badala ualu iha époka  ne’e iha uma West Bromwich Albion nian(1-0), no  hakotu a jornada 29.ª iha pozisaun neen, zona ikus europeiu nian.

Ho ‘mítiKu’ sira hanesan  Alex Ferguson no Bobby Charlton iha bankada  sorin estádiu The Hawthorns nian, iha West Bromwich, ekipa Louis van Gaal dala ida tan hetan sofrimentu, agrava  senáriu ne’e ho espulsaun ba Juan Mata, iha minutu 26.

Médiu españól, ne’ebé oferese vitória iha semana ne’e  hasoru  Watford (1-0), hetan kedas  Kartaun kinur iha minutu haat, iha minutu  23 no  26, husik ‘red devils’ ne’ebé  menus  unidade ida ne’ebé halo atake iha oin.

Golu West Bromwich nian mosu iha segunda metade, ho bola ‘simu’ iha zona penalidade no venezuelanu Salomón Rondón aproveita  hodi halakon De Gea, iha  minutu  67, estabelese diferensa ne’ebé  mantein to’o  finál.

Uluk liu , golu ida hosi  belga Benteke, hosi penalidade iha  minutu ikus minute rekuperasaun nian, halo Liverpool hetan vitória iha uma Crystal Palace nian ho (2-1).

Iha  lideransa Liga Ingleza nian sei okupa hosi  surpreendente Leicester, ne’ebé iha  sábadu halakon Watford (1-0) hodi reforsa nia lideransa, liu hosi empate ne’ebé entre Tottenham no  Arsenal (2-2), iha segundu no terseiru klassifikadu.


 


SAPO TL  h SAPO Desportu

Sex | 04.03.16

Laiha Rayo ne’ebé bele harahun Barcelona

SAPO TL

Golu hosi formasaun Madrid apontadu hosi angolanu Manucho.





Foto: Lusa


 


Aumenta  tan jogu ida  Barcelona nian, iha tan golu. Formasaun catalã ba to’o  arredór  Madrid  nian halo golu ba  Rayo Vallecano ho  5-1, iha  jogu ba jornada 27ª Liga Española.  "Culés" aumenta  tan ninia vantajen ba iha segundu lugar, agora, Atlético ho pontu ualu ba lideransa nian.

Rayo, ho Bebé sai  titulár,  hahú ho kedas tarefa difísil iha minutu 22 bainhira guarda-redes Juan Carlos deside oferese brinde ba adversáriu. Aproveita kedas hosi  Rakitic atu muda skor ba  1-0, golu badala ualu iha époka ne’e.

Ba 2-0 ne’e obra Messi nian, iha  minutu  23, hafoin halo Kombinasaun ho Neymar. Golu ba 300 hosi Barcelona Luis Enrique nian. Antes tama ba intervalu Rayo menus tiha ida, hafoin  Diego Llorente  hetan espulsaun vermellu diretu.

IHa segundu tempu  Messi halo tan golu rua, iha  52 no minutu  72, antes Arda Turan taka ho golu iha minutu  86. Iha klaran, Suárez despersa penalidade ida, ne’ebé  rezulta espulssaun  foun ida iha  formasaun Vallecas. Iturra  hetan tan  vermellu diretu. Golu formasaun  Madrid nian apontadu hosi angolanu Manucho.

Ho  hat-trick ne’e, Messi halo ona golu  19 iha  Liga Española, hanesan moos  Benzema, no hela deit haat hosi  Ronaldo no neen hosi nia  kolega Suárez, markadór di’ak liu iha  prova ne’e.


 


Barcelona lidera Liga Española ho pontu  69, Atlético Madrid iha 61 no Real Madrid 57.


 


SAPO TL  SAPO Desportu

Qui | 03.03.16

Real manán, Ronaldo marka no besik halo rekorde ida tan

SAPO TL

Ho vitória ida ne’e Real Madrid kontinua mantein  pontu sia hosi líder Barcelona ( ne’ebé sei  menus jogu ida) no menus haat ho Atlético Madrid.


 Foto: CURTO DE LA TORRE / AFP


 


Real Madrid hetan fial fali  vitória iha Liga Espanhola, ne’ebé manán Levante ho  3-1, iha jogu ba iha prova  jornada 27ª.

Cristiano Ronaldo fiall fali halo golu no aponta 1-0 iha  minute 34, iha  transformasaun ba penalidade. Hanesan  golu ba-dala 52º Ronaldo nian dezde nia marka metru 11, hela deit haat hodi hanesan Hugo Sanchéz hosi  golu ne’ebé ho  penálte iha Real Madrid.

Ho 2-0 Real Madrid nian ne’e  obra Diego Marino nian, ne’eb’e  marka rasik ba nia  baliza iha  38. eis-Belenenses Deyverson reduz iha  39 ba iha Levante maibé Isco hakoti jogu ne’e iha minutu 90+2.

Ho vitória ida ne’e Real Madrid kontinua mantein  pontu sia hosi líder Barcelona ( ne’ebé sei  menus jogu ida) no menus haat ho Atlético Madrid.


 


SAPO TL ho SAPO Desportu

Qui | 03.03.16

Kamani marka autogolu iha tinan ne’e no ajuda Valéncia “dada iis di’ak”

SAPO TL

Ho vitória ne’e permite ba Valéncia (ho André Gomes ne’ebé inklui no Rúben Vezo iha banko) hakat ba  okupa 9º  iha tabela.





Foto: EPA/Jorge Zapata


 


Valéncia manán iha uma  Málaga nian ho  2-1, iha jogu ba jornada 27ª Liga Espanhola.



Enkontru hetan  markasaun ho lanse karikatu ida  ne’ebé  rezulta, iha altura, ba 1-1, hafoin  1-0 apontadu hosi  Duje Cop, iha minutu 14.

Iha minutu  41, hafoin  sentru iha direita, guarda-rede kamaronés ne’e fó baku dala ida iha bola maibé tama fali ba nia baliza, ba iha  1-1. Kameni halo  protestu, dehan  katak  nia taka hosi Cheryshev maibé iha imajen bele haree katak ne’e sala boot ida hosi guarda-rede rasik.

Iha tentativa ba vitória ekipa 0Garry Neville rasik determina hosi Cheryshev, jogadór ne’ebé  empresta hosi Real Madrid.

Ricardo Horta tama iha  Málaga minutu 23 troka Cop ne’ebé hetan lesionadu.

Ho vitória ne’e permite ba Valéncia (ho André Gomes ne’ebé inklui no Rúben Vezo iha banku) hakat ba  okupa  9º iha tabela.


 


SAPO TL ho SAPO Desportu

Qua | 02.03.16

Neymar "foun" apontadu ba Benfica

SAPO TL

Durante  iha jogu  ofisiál 42 ne’ebé hala’o ho "Verdão", Gabriel Jesus kontribui ho markasaun golu sia.





Foto: DR


 


Ho naran Gabriel Jesus, joga iha Palmeiras bele haree iha Brazil hanesan  Neymar" foun ".

Joven avansadu ho  17, ne’ebé joga iha  Palmeiras ho tinan 17, tuir ona dalan ba Europa no Benfica maka iha tebes  interesse atu halo kontratasaun.

Pelumenus ne’e maka fó sai hosi jornál inglés "The Sun".

Tuir  jornál ne’e moos katak, Benfica tenki halo konkorrénsia forte ho sira seluk hanesan AS Roma no Juventus, alénde Arsenal. "gunners"  oferese  ona kontratu ba adolesente ne’e iha dezembru maibé  Palmeiras maka lakohi.

Iha jogu ofisiál 42 ne’ebé halo ho  "Verdão", Gabriel Jesus kontribui ho markasaun golu sia.


 


SAPO TL  ho SAPO Desportu

Ter | 01.03.16

UEFA sei hili susesór Infantino iha sesta-feira ne’e

SAPO TL

Gregu Theodore Theodoridis sai favoritu atu asume  kargu hanesan  sekretáriu-jerál UEFA nian.




Foto: DR


 


Komité Ezekutivu UEFA sei  reune iha sesta-feira ne’e atu deside sé maka sai sekretáriu-jerál foun no susesór Gianni Infantino, ne’ebé eleitu ona iha semana kotuk ba  prezidente FIFA, informa  fonte organizmu ne’e ba ajénsia AFP.

Tuir  imprensa lokál, gregu Theodore Theodoridis sai hanesan favoritu atu asume kargu ne’e, buat ne’ebé tenki halo duni hanesan interino to’o  rezolve situasaun prezidente Michel Platini nian.

Dirijente fransés hetan suspensu durante tinan neen tamba simu  ilegalmente millaun euro 1,8 hosi Joseph Blatter, antigu prezidente FIFA, iha 2011, hetan alegasaun iha trabalu konsultadoria realiza iha 2002.

Theodoridis ligasaun ho UEFA iha kedas 2008 no agora okupa kargu hanesan diretór federasaun nasionál. Antes tama  ba organizmu ne’e nia  kaer  ona futeból europeu, hanesan dirijente iha Federasaun Futeból Gregu nian (HFF).


 


SAPO TL ho SAPO Desportu

Pág. 3/3