Avansadu portugés halo 'hat-trick' ida no lori Real Madrid ba iha meias-finais Liga Campeões.
Foto: JAVIER SORIANO / AFP
Portugés Cristiano Ronaldo sai autór hosi golu tolu ne’ebé halo Real Madrid halakon no elimina Wolfsburgo iha tersa-feira ohin, aleinde ne’e moos, halo tan rekorde foun rua iha kompetisaun ne’e.
Ho golu tolu ne’e, avansadu portugés tinan 31 halo ona 'hat-tricks' dala tolu iha prova ba edisaun ida agora nian, buat ne’ebé seidauk akontese to’o agora.
Aléinde ne’e, Ronaldo agora moos sai hanesan úniku jogadór ne’ebé marka ona golu 15 ka liu iha edisaun dala rua Liga dos Campeões nian.
Real Madrid halakon Wolfsburgo ho 3-0 no garante ona fatin ida iha meias-finais 'Champions'nian.
Jogadór portugés rejista ona iha 2015 aumentu ida iha nia rendimentu, to'o euro millaun 67,4.
Foto: Alejandro Garcia / EPA
Iha tinan 2015 portugés Cristiano Ronaldo rejista ona aumentu maka'as iha nia rendimentu, to'o euro millaun 67,4, folin ne'ebé mantén futebolista iha pozisaun daruak ba futebolista ne'ebé ema selu di'ak liu, fatin dahuluk okupa hosi Lionel Messi hosi FC Barcelona.
Iha lista ne'ebé sei fó sai iha loron-tersa hosi revista France Football no adianta iha loron-segunda ne'e hosi AFP, jogadór Real Madrid hetan kresimentu ida ho euro millaun 13,4, hakbesik ba líder, Messi, ho euro millaun 74, ne'ebé nia reseita aumenta ona ba euro millaun sia.
"Top-3" mantén nafatin ba époka tolu konsekutivu, ho brazileiru Neymar (FC Barcelona) aumenta hosi euro millaun 36,5 ba millaun 43,5, no iha fatin treinadór sira, José Mourinho kontinua iha pozisaun dahuluk ho euro millaun 24, tuir iha pozisaun daruak españól Pep Guardiola (Bayern Munique) no italianu Fabio Capello ne'ebé agora daudaun la treinu iha klube ida hafoin husi tiha selesaun rusu.
Avaliasaun komprende remunerasaun bruto sira (antes impostu no taxa sosiál sira), prémiu sira hosi jogu no asinatura no kontratu sira publisidade nian, marka iha époka ne'e hosi domíniu fransés ida ho futebolista na'in 14 maka tama iha "top-20".
Paris Saint-Germain "kontribui" maka'as ba lista, ho arjentinu Ángel Di María tama kedas ba lideransa iha Fransa, ho euro millaun 24, liu millaun ida duké sueku Zlatan Ibrahimovic no brazileiru Thiago Silva.
Tottenham manán Manchester United iha ohin ho 3-0, jogu ba jornada 33.ª futeból liga ingleza nian, mantein ho desvantajen pontu hitu hosi líder Leicester, maibé aumenta nia distánsia ho Arsenal, iha pozisaun datoluk.
Ekipa orientadu hosi argentino Mauricio Pochettino só halo golu iha minutu 20 ikus, hosi intermédiu Dele Ali, iha minutu 70, ho Toby Alderweireld (74) no Erik Lamela (76) maka estabelese rezultadu finál.
Formasaun londrina agora iha pontu 65, menus hitu ho líder no liu ne’e duké Arsenal, iha terseiru, ne’ebé iha sábadu empata golu tolu ho West Ham.
Manchester United ne’ebé lakon, tuir iha klassifikasaun lima, ho pontu 53, garante ona ba Leicester nia prezensa iha Liga dos Campeões edisaun oin mai, kompetisaun ida ne’ebé liga ingleza iha vaga haat (direta tolu no ida ba‘play-off’).
Liverpool manán iha uma rasik hasoru Stoke City, ho 4-1, ho‘bis’ Divock Origi ida, iha minutu 50 no 65, iha momentu ida ne’ebé ekipa ukun hela ho 2-1. Formasaun ne’ebé orientadu hosi alemaun Jürgen Klopp hetan primeiru golu iha minutu ualu, hosi Alberto Moreno, maibé Bojan halo empata iha minutu 22. Daniel Sturridge koloka fila fali Liverpool ba vantajen, iha minutu 32. Rezultadu ne’e permite ba ‘reds’, ne’ebé iha jogu atrazu rua, sa’e ba okupa iha pozisaun ualu liga ingleza nian, ho pontu 48, hodi troka pozisaun adversáriu nian iha ohin, ne’ebé agora okupa iha klasifikasaun sia, ho 47.
Molok nain rua hasoru malu, Leicester manán Sunderland ho 2-0 iha ohin, rezultadu ida ne’ebé husik ekipa orientadu hosi Claudio Ranieri hetan vitória ba dala- tolu hodi konsege inéditu títulu ida kampeaun inglés nian.
Tékniku ne’e koa’lia kona-ba ninia fila ba iha estádiu ida ne’ebé uluk halo nia kontente.
Foto: KIRILL KUDRYAVTSEV / AFP
Jurgen Klopp analisa empate Liverpool nian hasoru Dortmund (1-1), iha 1ª maun kuartu finál Liga Europa nian. Tékniku ne’e aproveita halo komentáriu ninia fila ba uma ne’ebé maka uluk moos ninian.
Komportamentu ekipa nian
"Kontra ekipa ida hanesan Dortmund ami tenki ka’er bola barak no defende tuir buat ne’ebé ami iha no ne’e maka ami halo".
Origi, autór iha golu reds nian
"Origi joga di’ak tebes iha jogu ne’e, konsege segura bola ho di’ak tuir ninia fízikune’ebé di’ak".
Rezultadu
"Ema barak hanoin katak ami bele lakon ho ho golu tolu ka haat ".
Simu?
"Kapás tebes, ema barak espekula oinsa akontese, maibé ne’e maka bele akontese duni".
Timor-Leste iha pozisaun 175 no selesaun portugeza okupa fatin daualuk.
EPA@ STR
Kolómbia halakon selesaun portugeza futeból nian no tuun ba pozisaun daualuk hosi "ranking" FIFA nian ne'ebé fó sai iha loron-kinta ne'e, Arjentina fila fali ba pozisaun dahuluk.
Hahú hosi atualizasaun ba hierarkia iha loron 03 Marsu, ekipa "quinas" lakon hasoru Bulgária (1-0) no mana'an Béljika (2-1), iha jogu partikular sira, justifika mós lakon pozisaun ida.
Tanba ne'e mós, selesaun belga, ne'ebé hahú fulan-Novembru 2015 lidera "ranking" lakon hasoru visi-kampeaun mundu nian Arjentina, ne'ebé fila fali ba lideransa ne'ebé nia okupa iha fulan-Outubru.
Xile, ne'ebé sa'e hosi pozisaun dalima ba pozisaun datoluk, no Kolómbia, sa'e hosi pozisaun daualuk ba dahaat, halakon Alemaña ne'ebé hanesan kampeaun mundu nian, no España ne'ebé hanesan kampeaun Europa nian no sira asumi protagonizmu hosi atualizasaun foun hosi lista ne'ebé rejista mós Uruguai ne'ebé tama fali iha top "top-10", ho troka ho Áustria, adversáriu Portugal nian iha Euro2016 mosu iha pozisaun 11.
Selesaun adversáriu sira hosi selesaun luzu nian iha Grupu F iha Euro2016, hanesan Hungria no Islándia, sa'e ba pozisaun 18 no 35.
Entre nasaun sira ho lian ofisial portugés, Cabo Verde kontinua nafatin hanesan ekipa ho klasifikasaun di'ak liu, iha pozisaun 47, maski lakon pozisaun 16, lakn de'it ho selesaun iranianu, iha pozisaun 42, ne'ebé treina hosi portugés Carlos Queiroz.
Hosi nasaun sira ne'e, Guiné-Bissau maka sa'e liu, hosi pozisaun 147 ba pozisaun 102, tuir São Tomé & Prínsipe hosi pozisaun 174 ba 150, Angola tuun hosi pozisaun 109 ba 121 no Mosambike tuun de'it pozisaun ida ba fatin 101.
Timor-Leste tuun fatin lima ba pozisaun 175 no Burkina Faso ho Gabaun, ne'ebé iha treinadór portugés sira Paulo Duarte ho Jorge Costa, mantén iha postu 100 dahuluk klasifikadu sira, maka pozisaun 75 no 88.
Antigu avansadu fransés fó elojiu maka'as ba tékniku luzu.
Foto: Hannah McKay/EPA
Thierry Henry, antigu avansadu fransés, defende katak José Mourinho hanesan opsaun di'ak ida ba Manchester United ba temporada oinmai.
"Ha'u admira tebes José Mourinho no ha'u senti katak nia hanesan treinadór di'ak tebes iha istória. Nia kuaze mana'an buat hotu no halo buat ne'ebé oinseluk iha ekipa sira, hanesan iha FC Porto ho Inter. Hafoin ne'e nia to'o iha Liga Española ho Real Madrid kontra ekipa di'ak tebes iha tempu tomak, Barcelona", Henry hatete ba Diário de Notícias.
"Manchester United tenki halo fali buat boot no iha treinadór ida ho perfil vitória nian. Laiha ema ida maka bele ko'alia kona-bá saida maka Van Gaal halo iha futeból, maibé karik mensajen ne'e la to'o ba grupu. José Mourinho hanesan fantástiku no bele hanesan solusaun di'ak ida ba klube, nia siginifika vitória, maski buat balun la'o ladi'ak hanesan bainhira hahú temporada ne'e iha Chelsea", nia hatutan.
Real Madrid lakon iha kampu Wolfsburgo ho 2-0, iha primeira maun kuartu finál Liga dos Campeões nian.
Foto: Lusa
Treinadór fransés afirma katak ekipa sente triste iha derrota ho alemaun ne’e, maibé lembra katak sei iha segundu jogu ne’ebé buat hotu bele muda.
“Ami triste lakon tamba ne’e sempre sente moras, maibé ami iha oportunidade atu muda ida ne’e. Ami Real Madrid no sei bele fila rezultadu ne’e iha Bernabéu ho ajuda hosi ami nia adeptu sira”, afirma tékniku ne’e.
Zidane refere katak falta deit “mobilidade iha setór sira hotu” ekipa nian.
“Ami lahahú kedas ho intensidade ne’ebé nesessáriu iha jogu Liga dos Campeões nian. Falta deit maka mobilidade, mobilidade iha setór hotu, liliu iha inísiu”, nia afirma.
Barcelona konsege hetan vitória ida hasoru Atlético Madrid ho 2-1, iha jogu ne’ebé hala’o iha Camp Nou.
Foto: EPA/Juan Carlos Cardenas
Avansadu uruguaiu ne’e marka golu rua ba nia ekipa iha segunda parte no afirma importánsia hosi triunfu ne’e.
“Ami bele hatama tan golu, maibé importante maka ami manán no sira tenki obriga-an marka golu iha segundu jogu”, hatete lalais liu iha fatin entrevista nian.
Avansadu ne’e lamenta tebes espulssaun ba Torres iha primeira parte no hatete katak ne’e ajuda Barcelona bele hetan ekilibriu iha jogu ne’e.
“Determinante tebes. Ema hotu hatene ninia kualidade, maibé komete falta rua. Pena tebes tamba ami hakarak fila rezultadu ne’e kontra jogadór 11”, nia afirma.
Kona-ba jogu iha segunda maun, hatete katak bele hein jogu ida “hanesan ohin”, maski refere katak catalães senti “hakmatek” no lembra katak Atlético Madrid maka tenki “obriga-an atu manán”.
Komitiva enkarnada todan tebes iha Munique ba iha jogu kuartu finál Liga Campeões nian.
Foto: PAULO NOVAIS / LUSA
Prezidente Benfica, Luís Filipe Vieira, no administradór SAD enkarnadu, Rui Costa, asiste treinu adaptasaun ekipa ba kampu estádiu Allianz Arena, iha Munique.
Iha sesaun lijeira no hahú hosi dispozisaun di’ak ba minutu balun ne’ebé loke ba imprensa, Tékniku Rui Vitória fó orientasaun ikus antes tama ba jogu iha tersa-feira ne’e hasoru poderozu Bayern Munique, ba faze dahuluk kuartu finál Champions nian.
Hafoin treinu iha lorokraik ne’e, treinadór Rui Vitória no jogadór ida sei halo previzaun jogu ne’e ba jornalista sira.
