Saltar para: Posts [1], Pesquisa [2]

SAPO Desportu TL

Qua | 11.05.16

No dia 15 de Maio começa o torneio de Futebol de Peterborough

SAPO TL

A comunidade timorense em Peterborough, no Reino Unido, vai organizar um evento desportivo para celebrar o dia 20 de Maio. Depois da terminar a inscrição, a comissão organizadora do evento anunciou o resultado do sorteio das equipas participantes.


 



 


Grupo A:



  • FC Lorico

  • FC Foin Sae Timor

  • FC Beltatrez

  • FC Problem

  • FC Northford A


Grupo B :



  • FC Calma United

  • FC Geneva

  • FC Materestu 

  • FC União de Timor

  • FC Fortuna


Grupo C :



  • FC Cacusan

  • FC Crocodile

  • FC Brothers

  • FC Northford B



 


Este torneio realizará no domingo, 15 de Maio, na Embankment Sports & Athletics Arena (Bishop's Rd, Peterborough PE1 5BW, Reino Unido), entre às 09:00 - 17:30. A comunidade timoroan convida também para participar no convívio com a comunidade no salã Café Timor.


 


Veja as outras fotos aqui: Campeonato de Futebol de Peterborough


 


Fonte: Comunidade timorense de Peterborouhg, Reino Unido

Qua | 11.05.16

Torneiu Futebol iha Peterborough hahú iha 15 Maiu

SAPO TL

Komunidade timoroan iha Peterborough, Reinu Unidu, sei hala'o eventu desportivu ida hodi selebra loron 20 Maiu. Hafoin inskrisaun, komisaun organizadór hosi eventu ne'e fó sai rezultadu hosi sorteiu ba ekipa sira ne'ebé sei tuir torneiu futebol ne'e.


 




Grupu A:



  • FC Lorico

  • FC Foin Sae Timor

  • FC Beltatrez

  • FC Problem

  • FC Northford A


Grupu B:



  • FC Calma United

  • FC Geneva

  • FC Materestu 

  • FC União de Timor

  • FC Fortuna


Grupu C:



  • FC Cacusan

  • FC Crocodile

  • FC Brothers

  • FC Northford B





Torneiu ne'e sei hala'o iha loron-domingu, 15 fulan-Maiu, iha Embankment Sports & Athletics Arena (Bishop's Rd, Peterborough PE1 5BW, Reino Unido), hosi tuku 09:00 to'o tuku 17:30. Hafoin torneiu sei iha konvíviu ho komunidade timoroan sira iha salaun Café Timor.


 


Haree foto sira seluk iha ne'e: Kampeonatu Futebol iha Peterborough


 


Fonte: Komunidade timoroan iha Peterborough, Reinu Unidu

Qua | 11.05.16

Indonézia hetan akordu hodi hapara suspensaun hosi FIFA

SAPO TL

Governu ho Federasaun Futebol Indonézia nian hetan ona akordu ida. 


 



 


Ministru Desportu hosi Indonézia, Imam Nahrawi, fó sai iha loron-kuarta ne'e katak Governu hetan ona akordu ho federasaun futebol (PSSI, iha sigla ho lian indonéziu) hodi rezolve problema ne'ebé hamosu suspensaun ne'ebé maka FIFA fó.


 


Iha fulan-Maiu 2015, FIFA suspende ona futebol indonéziu hosi kompetisaun internasional tomak tanba intromisaun hosi Governu iha PSSI, konflitu ida ne'ebé bele hapara ona.


 


"Iha kalan ikus ne'e, hafoin asina tiha dokumentu ida ne'ebé hapara kastigu sira, ha'u haruka ona karta ida ba FIFA hodi nune'e organizmu ne'e hetan koñesimentu ba akordu ne'e", fó sai hosi Imam Nahrawi.


 


Akordu ne'e mos antes hahú Kongressu hosi FIFA, ne'ebé hahú iha loron-kinta, iha Sidade Méxiko, ne'ebé karik bele halakon suspensaun ba futebol indonéziu.


 


Iha fulan-Abril, autoridade indonéziu sira hasoru malu tiha ho prezidente foun FIFA nian, Gianni Infantino, no agora hetan ona akordu ho federasaun, ne'ebé kompromete ona aplika reforma sira ne'ebé Governu husu.


 


Entre motivu prinsipal sira hosi problema entre Governu ho federasaun iha saláriu sira ne'ebé simu tarde no falta planu asisténsia médiku sira ba jogadór sira, falla sira ne'ebé halo autoridade governamental sira tenki halo intervensaun.


 


"Governu fiar katak PSSI sei kordena ho autoridade sira, klube sira no FIFA kona-bá implementasaun hosi reforma total ida iha futebol indonéziu", hatutan hosi ministru.


 


Iha loron-tersa, Imam Nahrawi fó sai ona katak hala'o hela diálogu hodi tenta kontrata portugés José Mourinho hodi treina selesaun futeból hosi nasaun aziátiku ne'e.


 


Imam Nahrawi fó sai katak nia ko'alia ona ho Prezidente Indonézia nian, Joko Widodo, no líder hosi komité olímpiku nasaun nian, Erick Thohir, maski nia admiti katak "la'ós hanesan asuntu fásil ida".


 


@SAPO Desporto

Qua | 11.05.16

Van Gaal sei fiar iha fatin dahaat

SAPO TL

West Ham manán Manchester United ho 3-2 no hakat ba  sestu lugar liga ingleza nian.





Foto: Nigel Roddis / EPA


 


Manchester United lakon okaziaun soberanu ida atu hakat ba fatin dahaat kampeonatu inglés hafoin hetan  derrota iha Londres hosi West Ham ho 3-2, maibé Louis van Gaal fiar katak  sei iha  possibilidade atu ultrapassa Manchester City iha jornada ikus.


 


"Fatin dahaat sei iha possibilidade, maibé laós ona iha ami nia liman no ida ne’e  maka sai diferensa prinsipál. Ami senti triste  ho rezultadu ne’e, tamba ami bele hakat ba oin no ami husik vantajen ne’e liuhosi lanse iha bola parada", afirma treinadór Manchester United, iha deklarasaun ba BBC, hafoin derrota hasoru West Ham ho 3-2.


 


"Ita moris iha  mundu ne’e. hatene katak ne’e bele akontese, tamba ne’e ita tenki atensaun ho didi’ak. Tamba iha deit minutu 20 tama ba finál ami sei lidera hela, ne’ebé  laiha  influénsia", hatutan tékniku  olandés ne’e.


 


SAPO TL ho SAPO desportu

Ter | 10.05.16

Ministru Desportu hosi Indonézia hakarak kontrata Mourinho ba selesaun

SAPO TL

Imam Nahrawi hakarak lori tékniku portugés ba Indonézia. 


 



EPA@ Andy Rain


 


Ministru Juventude ho Desportu Indonézia nian, Imam Nahrawi, fó sai iha loron-tersa ne'e iha konversasaun ida ne'ebé hakarak halo kontratu ho portugés José Mourinho hodi treinu selesaun futeból hosi nasaun aziátiku ne'e.


 


Haktuir hosi ajénsia notísia Antara, Imam Nahrawi fó sai katak nia ko'alia tiha ona ho Prezidente Indonézia nian, Joko Widodo, no líder hosi komité olímpiku nasaun nian, Erick Thohir, maski nia admiti katak "la'ós asuntu ida ne'ebé fásil".


 


Tuir ministru, obstákulu boot ida hodi bele konkretiza negósiu ne'e maka Mourinho nia saláriu, ne'ebé "limiti" fiksa iha euro millaun 15 tinan-tinan.


 


Hanesan "planu B", Imam Nahrawi aponta ba holandés Guus Hiddink, ne'ebé troka ona Mourinho iha Chelsea bainhira klube londrinu hasai portugés iha fulan-Dezembru, tinan liubá, nia klaran.


 


Federasaun Indonézia Futeból nian hetan suspensa hela hosi FIFA tanba intromisaun hosi Governu, kastigu ida ne'ebé impede selesaun hodi partisipa iha faze sira apuramentu ba Mundial 2018 no ba Tasa Aziátiku 2019 nian.


 


@SAPO Desporto


 

Ter | 10.05.16

Renato Sanches, transferénsia karun liu hosi portugés ida ba estranjeiru

SAPO TL

Joven médiu sai hanesan transferénsia daneen ne'ebé "karun" liu iha kampeonatu portugés. 


 



 


Renato Sanches, ne'ebé Bayern Munique sosa iha loron-tersa ne'e, selu euro millaun (ME) 35 ba Benfica, protagoniza ona transferénsia ida ne'ebé karun liu hosi portugés ida ba estranjeiru.


 


Joven médiu, ho tinan 18, sai hanesan transferénsia daneen "karun liu" hosi kampeonatu portugés, iha "ranking" ida ne'ebé lidera hosi avansadu brazileiru Hulk, ne'ebé FC Porto fa'an ba Zenit ho millaun 60.


 


Renato Sanches, ne'ebé bele hetan mós folin euro millaun 45 hosi objetivu sira, agora sai hanesan portugés ne'ebé karun liu, halakon Fábio Coentrão ne'ebé Benfica fa'an ho euro millaun 30 (2010/11) no Ricardo Carvalho ne'ebé FC Porto (04/05) fa'an ho folin hanesan.


 


Iha jeral, folin sira ne'ebé ema bávaru sira gasta halo Renato Sanches tama iha pozisaun neen, hamutuk ho kolombianu Jackson Martinez, ne'eb´eFC Porto fa'an ba españól sira Atletico de Madrid ho folin euro millaun 35.


 


Transferénsia ne'ebé karuk liu hosi futeból portugés kontinua nafatin brazileiru Hulk, ne'ebé muda hosi FC Porto ba Zenit hosi São Petersburgu, ho folin euro millaun 60, ne'ebé parte 40 tuir kritériu sira hosi Komisaun Merkadu ba Folin Mobiliáriu sira nian no kuantidade 20 seluk kontabiliza hanesan responsabiliade finanseiru portista sira nian ne'ebé asumi hosi emblema rusu.


 


Iha ‘top 5’ okupa mós hosi fransés Mangala (54ME), kolombianu Radamel Falcao (47ME) no James Rodriguez (45ME), eis-FC Porto sira no belga Witsel (40ME) hosi eis-Benfica.


 


Renato Sanches to'o iha ekipa prinsipal Benfica nian durante temporada ida ne'e, konta ho golu rua iha jogu dala 34, hafoin kumpri tiha formasaun iha emblema "mean" ne'ebé mai hosi Águias da Musgueira.


 


Ho tinan 18, médiu ne'e hatais ona kamizola selesaun nian ba dala rua no renova tiha ona, iha fulan-Dezembru 2015, nia kontratu ida ho Benfica to'o fulan-Juñu 2021, ho kláuzula ida anulasaun nian ho 80 ME.


 


Iha nia site ofisial Internet nian, Bayern Munique, kampeaun alemaun dala haat, hatete ona kona-bá asinatura kontratu ba temporada lima, hafoin Renato Sanches kumpri tiha ezame médiku sira iha klube bávaru, iha loron-segunda ne'e.


 


Lista hosi transferénsia hamutuk 25 ne'ebé karun liu iha futeból portugés:


 


Naran - Proveniénsia - Destinu - Folin


 


Hulk - FC Porto - Zenit - 60ME
Mangala - FC Porto - Manchester City - 54ME
Falcao - FC Porto - Atl. Madrid - 47ME
James Rodriguez - FC Porto - Mónako - 45ME
Witsel - Benfica - Zenit - 40ME
Jackson Martinez - FC Porto - Atl. Madrid - 35ME
Renato Sanches - Benfica - Bayern Munique - 35ME
Danilo - FC Porto - Real Madrid - 31,5ME
Rodrigo - Benfica - Valência - 30ME
Fábio Coentrão - Benfica - Real Madrid - 30ME
Ricardo Carvalho - FC Porto - Chelsea - 30ME
Pepe - FC Porto - Real Madrid - 30ME
Anderson - FC Porto - Manchester United - 30ME
Alex Sandro - FC Porto - Juventus - 26ME
David Luiz - Benfica - Chelsea - 25ME
Di Maria - Benfica - Real Madrid - 25ME
Enzo Pérez - Benfica - Valência - 25ME
João Moutinho - FC Porto - Mónako - 25ME
Nani - Sporting - Manchester United - 25ME
Marcos Rojo - Sporting - Manchester United - 20ME
Matic - Benfica - Chelsea - 25ME
Markovic - Benfica - Liverpool - 25ME
Ricardo Quaresma - FC Porto - Inter Milaun - 24,6ME
Lisandro López - FC Porto - Lyon - 24ME
Imbula - FC Porto - Stoke City - 24ME


 


@SAPO Desporto

Ter | 10.05.16

Fenerbahçe lakon no husik Besiktas hela pontu ida atu hetan títulu

SAPO TL

Derrota iha jornada 32ª husik títulu ba líder Besiktas.





Foto: Hugo Delgado


 


Ekipa Fenerbahçe, ne’ebé kamando hosi treinadór portugés Vítor Pereira, lakon iha segunda-feira ne’e nia deslokasaun ba terrenu Basaksehir, iha jogu ba  jornada 32ª kampeonatu turku nian, no pratikamente entrega títulu kampeaun ba Besitkas, ne’ebé  agora hela pontu ida hodi festeja títulu kampeaun.


 


Iha  deslokasaun ba terrenu Basaksehir,  Fenerbahçe aprezenta Bruno Alves no Nani iha ekipa titular. Hafoin ho primeira parte ho rezultadu nulu, Basaksehir loke markadór hosi intermédiu  Edin Visca iha minutu 60. Ho golu ne’e halo formasaun Basaksehir sai manas liu tan, ne’ebé liu deit minutu lima bósniu Visca halo golu badala rua iha  enkontru ne’e hodi loke  vantajen ba 2-0.


 


Di’ak ba Fenerbahçe konsege reduz  ba 2-1 iha minutu 80 hosi Robin Van Persie ne’ebé marka liuhosi  penalidade.


 


Ho  rezultadu ne’e, Besiktas agora iha vantajen pontu neen  ho Fenerbahçe bainhira falta deit  ona jornada rua ba finál kampeonatu turku nian.


 


SAPO TL ho SAPO Desportu

Seg | 09.05.16

Golu rua hosi Ronaldo mantein Real Madrid luta ba títulu

SAPO TL

Real Madrid manán  Valéncia ho 3-2, ho  golu rua hosi portugés  Cristiano Ronaldo.





Foto: Lusa


 


Real Madrid manán, iha domingu ne’e, hasoru Valéncia ho 3-2, iha jogu ba jornada 37.ª kampeonatu españól, ne’ebé hala’o iha  Estádio Santiago Bernabéu.


 


Cristiano Ronaldo marka golu rua iha enkontru ne’e  hosi 26’ no 59’, no Benzema (42’) halo kompleta ba tolu merengues nian. Iha parte  Valéncia, portugéss André Gomes marka golu ida iha  minutu 81. Molok, iha 55’, eis-benfikista Rodrigo halo ona primeiru ba formasaun‘Che’.


 


Ho vitória ne’e,  Real Madrid halo pontu  90, menus ida hosi líder Barcelona, ne’ebé ohin manán Espanhol ho  5-0, no disputa ba títulu kampeaun ho formasaun catalães. Maski nune’e, ekipa Zidane nian laós depende deit ba sira nia-an rasik atu sai kampeaun.


 


Atlético Madrid lakon  (2-1) iha uma Levante nian no adeus ona ba títulu.


 


SAPO TL ho SAPO Desportu

Sex | 06.05.16

United sei husu ba Mourinho atu hein to’o 2017

SAPO TL

Klube inglés ne’e hakarak atu tékniku portugés bele substitui Van Gaal bainhira kontratu olandés ne’e remata.




Foto: JOSÉ COELHO / LUSA


 


Manchester United sei husu  ba José Mourinho atu hein tan tinan ida no komprometidu ho klube iha 2017. Informasaun  ne’e fó sai iha oras ikus hosi jornál The Sun, ne’ebé bele haree hanesan inesperada ida kontráriu ba iha tékniku portugés.


 


Hafoin fó sai katak sei fila fali ba  banku suplente iha  époka 2016/17, José Mourinho agora bele sai  frustradu iha ninia vontade atu kontinua iha Inglaterra.


Diáriu britâniku ne’e  refere katak  Ed Woodward, vise-prezidente Man. United, deside ona atu respeita kontratu ho olandés Louis Van Gaal, ne’ebé sei  termina deit iha 2017, maski hamosu tristeza boot  iha Old Trafford époka ida ne’e.


 


Iha notísia ne’e haktuir katak  Ed Woodward konfiante atu Mourinho bele aseita esperiénsia époka ida iha liga milionáriu  xinesa molok fila mai United hodi substitui Van Gaal.


 


Rekorda katak  imprensa desportiva nasionál no internasionál fó sai ona katak  Mourinho halo dadauk ona servisu atu harii plantel 'red devils' ba iha époka oin mai.


 


SAPO TL ho SAPO Desportu

Qui | 05.05.16

Timor-Leste iha pozisaun 175 no Portugal mantén iha fatin daualuk iha ranking FIFA

SAPO TL

Ekipa portugés hanesan selesaun europeiu di'ak liu dahaat no falta oituan de'it ba fulan ida hodi hahú Euro2016. 


 



 


Selesaun portugés futebol nian mantén pozisaun daualuk iha "ranking" FIFA nian, ne'ebé fó sai iha loron-kinta ne'e no la muda pozisaun 53 dahuluk sira ho visi-kampeaun mundial Arjentina iha pozisaun dahuluk komando nian.


 


Béljika ho Xile kontinua taka pozisaun tolu dahuluk, iha fatin daruak ho datoluk, tuir Kolómbia iha pozisaun dahaat no kampeaun mundial Alemaña iha pozisaun dalima ne'ebé kontinua ho fatin hanesan ne'ebé nia okupa hahú loron 07 fulan-Abril.


 


Entre nasaun luzófonu sira laiha mós mudansa, ho Brazil mantén iha pozisaun di'ak liu, postu dahitu, tuirkedas Portugal. Cabo Verde iha pozisaun 47, Mosambike iha pozisaun 101, Guiné-Bissau iha pozisaun 102, Angola iha pozisaun 121, São Tomé & Prínsipe iha pozisaun 150 no Timor-Leste iha pozisaun 175.


 


Burkina Faso, ne'ebé treina hosi Paulo Duarte, kontinua iha pozisaun 75, Gabaun ne'ebé treina hosi Jorge Costa kontinua iha pozisaun 88.


 


- ‘Ranking’ hosi FIFA, iha loron 05 Maiu:


 


1. (1) Arjentina, 1.532.


2. (2) Béljika, 1.364.


3. (3) Xile, 1.353.


4. (4) Kolómbia, 1.337.


5. (5) Alemaña, 1.309.


6. (6) España, 1.277.


7. (7) Brazil, 1.261.


8. (8) Portugal, 1.184.


9. (9) Uruguai, 1.158.


10. (10) Inglatera, 1.069.


(...)


47. (47) Cabo Verde, 620.


75. (75) Burkina Faso, 469.


88. (88) Gabaun, 395.


101. (101) Mosambike, 338.


102. (102) Guiné-Bissau, 336.


121. (121) Angola, 291.


150. (150) São Tomé & Prínsipe, 197.


175. (175) Timor-Leste, 110.


 


@SAPO Desporto