Saltar para: Posts [1], Pesquisa [2]

SAPO Desportu TL

Dom | 05.06.16

Belun no “fã” sira presta omenajen ba Muhammad Ali besik iha uma família nian

SAPO TL

Belun no “fã” sira Muhammad Ali nian iha sábadu ne’e fó omenajen ba antigu boksista iha nia família nia uma oin, iha Louisville, Estadus Unidus Amérika, iha tributu ne’ebé marka ho emosaun.



Ema balun hatete katak sira lakon "figura paterna", sira seluk lamenta lakon "profeta" ida, bainhira atu ai-funan, foto no kartás iha Grand Avenue, iha ne’ebé Muhammad Ali boot no fó pasu dahuluk no bokse.


 


Eis-kampeaun mundiál bokse nian ne’e mate iha loron-sesta, ho tinan 74, iha ospitál sidade norte-amerikana, Phoenix, iha ne’ebé nia baixa ba, tanba komplikasaun respiratória, no iha ne’ebé nia “fãs” sira presta mós omenajen, iha loron hirak ikus ne’e.


 


Uma ki’ik família nian—ne’ebé foin pinta korderoza -- agora transforma ba auténtku muzeu iha omenajen ba antigu kampeaun ne’ebé todan tebes.


 


“Fã” no moradór sora salienta katak épika vitória Muhammad Ali nian iha bokse reprezenta de’it parte mane nian, ne’ebé ultrapasa mundu desportu nian.


 


Omenajen sira seluk akontese molok inísiu jogu futeból entre selesaun Paraguai ho Costa Rica, ba Copa América, ne’ebé hala’o iha sábadu kalan (oras Lisboa nian) iha Orlando, Florida, ho realizasaun silénsiu minutu-ida hodi fó onra ba "lenda bokse nian" ne’e.


 


SAPO TL ho Lusa


 


 

Dom | 05.06.16

Funerál Muhammad Ali nian sei hala’o semana oin iha Louisville

SAPO TL

Antiga lenda bokse nian mate iha loron-sesta ne’e.



Foto: Lusa


 


Serimónia fúnebre ba lenda bokse nian Muhammad Ali sei hala’o iha semana oin iha sidade nia moris-fatin, Louisville, iha Kentucky (Estadus Unidus), informa ohin portavós família nian.


 


Antigu prezidente Estadus Unidus nian (EUA) Bill Clinton, komediante Billy Crystal ho jornalista desportu nian Bryant Gumbel sei halo elojiu fúnebre ba Muhammad Ali.


 


Serimónia privada ida, rezerva ba familiár sira boksista norte-amerikanu nian, sei hala’o iha loron-kinta, molok omenajen públika, revela portavós Bob Gunnel.


 


Eis-kampeaun mundiál bokse ne’e mate iha loron-sesta, ho tinan 74, iha ospitál iha iha sidade norte-amerikana, Phoenix, iha ne’ebé nia baixa ba, tanba komplikasaun respiratória.


 


SAPO TL ho SAPO Desportu

Sex | 03.06.16

Roy Hodgson: "Ami iha dalan ne’ebé loos "

SAPO TL

Tékniku sente satisfeitu ho triunfu hosi nia ekipa hasoru Portugal iha estádio Wembley.





Foto: Lusa


 


Tékniku inglés, Roy Hodgson, sente  satisfeitu ba triunfu selesaun ingleza nian hasoru Portugal iha jogu preparasaun ba  Euro 2016.



"Ami Define ona dalan ida ne’ebé loos. Kada jogu iha nia espesifisidade, no ho Portugal lasai hosi  regra no bele reflete ba aspetu balun hodi hadia. Ami hamutuk ona semana rua liu, jogadór  sira evolui maka’as tebes iha intensidade movimentu atake nian. Ami ba Fransa ho kontente no konfiante, maibé istória sei dook iha nia finalidade", afirma tékniku hafoin jogu ne’e.


 


SAPO TL ho SAPO Desportu

Qui | 02.06.16

Timor-Leste tuun pozisaun rua iha ranking hosi selesaun sira

SAPO TL

Selesaun timoroan okupa agora fatin 177 iha lista ne'ebé lidera hosi Arjentina. 


 



Foto: Valentino de Sousa/AFP


 


Selesaun hosi Timor-Leste tuun pozisaun rua iha atualizasaun ikus hosi "ranking" FIFA nian, okupa agora pozisaun 177 iha tabela ne'ebé lidera nafatin hosi Arjentina.


 


Béljika ho Kolómbia kompletu pozisaun dahuluk hosi lista, no Kolómbia hanesan novidade iha pozisaun tolu dahuluk nian. Portugal mantén pozisaun daualuk iha ranking hafoin Brazil iha pozisaun dahitu.


 


Kona-bá nasaun sira seluk lian portugés nian, Cabo Verde okupa fatin 49 bainhira Guiné Ekuatorial - nasaun foun ba PALOP sira - tama iha pozisaun 76. Mosambike okupa fatin 97, Guiné-Bissau iha pozisaun 115 no tuir Angola iha postu 123 ho pontu hanesan ho Libéria. São Tomé & Prínsipe iha postu 152.


 


Konfira top 10 no klasifikasaun sira hosi nasaun sira lian portugés nian:


 


1. Arjentina
2. Béljika
3. Kolómbia
4. Alemaña
5. Xile
6. España
7. Brazil
8. Portugal
9. Uruguai
10. Áustria
(...)
49. Cabo Verde
(...)
76. Guiné Ekuatorial
(...)
97. Mosambike
(...)
115. Guiné-Bissau
(...)
123. Angola
(...)
152. São Tomé & Príncipe
(...)
177. Timor-Leste


 


@SAPO Desporto

Qui | 02.06.16

Herrera: "Van Gaal nunka atu rende"

SAPO TL

Jogadór españól hato’o  defeza ba tékniku olandés, ne’ebé despede  hosi diresaun Manchester United.





Foto: Lusa


 


Médiu españól Ander Herrera sai hanesan  jogadór ida ne’ebé kontratadu liuhosi treinadór Louis van Gaal. Hafoin liu loron hirak  treinadór olandés sai hosi komando tékniku Red Devils, hodi husik fatin ba  José Mourinho, Herrera hato’o ninia  defeza ba van Gaal.


 


“Laós  tempu konfortável, maibé hanesan profissionál no ami lapermite kualkér distrasaun ruma. No bele hatete katak treinadór ne’e mantein forte nafatin, nia nunka hatudu  sinál hakarak  rende. Ikus mai, ami  konkista  Taça Inglaterra”, hatete  jogadór  tinan 26 ne’e, iha  deklarasaun ba jornál Marca.


 


“Van Gaal ema ida ne’ebé onestu, tau Manchester United liu buat hotu no bele halo servisu ida di’ak. Karik ha’u hakfodak ? Ohin loron, laiha buat ruma halo ha’u hakfodak iha futeból. Manchester tenki  luta ba títulu hotu no bainhira lakon iha luta saída ba treinadór  hanesan senáriu ida possível”, nia hatutan.


 


SAPO TL ho SAPO Desportu

Qua | 01.06.16

Keylor Navas latama iha Copa América

SAPO TL

Kampeaun  europeu iha Real Madrid se lamarka  prezensa iha prova tamba sofre  lezaun iha tendaun Akiles nian.





Foto: JUAN CARLOS HIDALGO / EPA


 


Guarda-rede Real Madrid no Costa Rica, Keylor Navas, labele inklui iha Copa América hosi ninia selesaun tamba sofre  lezaun  iha  tendaun Akiles, anunsia ohin hosi federasaun futeból nasaun ne’ebá.


 


Iha radiografia ida ne’ebé hala’o iha Real Madrid konfirma lezaun ba jogadór tinan 29 ne’e, problemas ne’ebé nia hetan tiha ona  iha nia ain-karuk tinan ona liubá.


 


Navas iha  sábadu ne’e sai hanesan  primeiru jogadór Costa Rica maka manán  Liga dos Campeões europeus, ne’ebé deside liuhosi  série penálti hasoru Atlético Madrid, iha  estádio San Siro, Milaun.


 


Selesaun Costa Rica, hanesan surpreza ida moos iha Mundial2014, iha Brazil, tama to’o kartus final kompetisaun, sei hahú ninia partisipasaun iha Copa América, ne’ebé  realiza iha Estadus Unidus, hasoru Paraguai, iha  sábadu ne’e.


 


SAPO TL ho SAPO Desportu

Pág. 6/6