Saltar para: Posts [1], Pesquisa [2]

SAPO Desportu TL

Sex | 05.08.16

Sporting perde Ibérica Cup frente aos espanhóis do Betis Sevilha

SAPO TL

O Sporting perdeu hoje com os espanhóis do Bétis Sevilha por 3-2, em jogo a contar para a Ibérica Cup em futebol, disputado no Estádio Algarve.





 


A equipa 'leonina' ainda esteve em vantagem no encontro, depois de o argentino Alan Ruiz ter inaugurado o marcador, aos 22 minutos, mas os espanhóis viraram o resultado e, com um 'hat trick' de Ruben Castro Martin, aos 27, 29 e 58 minutos, passaram o resultado para 3-1.


 


O Sporting tentou ainda discutir o resultado, mas o melhor que conseguiu foi reduzir a desvantagem, com um golo de cabeça do argelino Islam Slimani, aos 75.


 


@Lusa

Sex | 05.08.16

Sporting lakon Ibérica Cup hasoru españól hosi Betis Sevilha

SAPO TL

Sporting lakon iha ohin hasoru  españól hosi Bétis Sevilha ho 3-2, iha jogu ne’ebé konta ba Ibérica Cup, iha  Estádiu Algarve.





Ekipa 'leonina' hetan  vantajen iha enkontru ne’e, hafoin arjentinu Alan Ruiz inaugura markadór, iha minutu 22, maibé españól fila ninia rezultadu, ho 'hat trick' hosi Ruben Castro Martin, iha  minutu 27, 29 no 58, muda rezultadu ba 3-1.


 


Sporting tenta diskute rezultadu ne’e, maibé momentu di’ak deit maka konsege reduz desvantajen, ho golu ida ho ulun hosi  arjelinu Islam Slimani, iha 75.


 


SAPO TL  ho Lusa

Qui | 04.08.16

Tókio ilumina Skytree ho kór sira Brazil nian iha onra ba jogu sira

SAPO TL

Iluminasaun sei hanaruk to'o loron 22 Agostu, bainhira hahú siklu olímpiku Tókio2020. 


 



Foto: Franck Robichon / EPA


 


Tókio ilumina daudaun ho kór bandeira brazileiru nian, verde ho amarelu, hahú hosi loron-kinta, iha edifísiu aas liu iha nasaun, Skytree, hodi selebra inaugurasaun hosi Jogu Olímpiku sira Rio2016, iha loron-sesta.


 


Skytree sei iha iluminasaun espesial ne'ebé sei muda iha minutu 30 nia laran entre kór bandeira Brazil nian ho kór bandeira Japaun nian, mean ho mutin, hahú hosi loraik to'o kalan fahe rua, durante períudu tomak eventu nian, entre loron 05 no 21 Agostu.


 


Torre, ho aas metru 643, hanesan símbolu ida hosi kapital japuneza, ne'ebé sei hanesan sede hosi Jogu Olímpiku sira iha tinan 2020.


 


Skytree sei iha iluminasaun oinseluk bainhira atleta japunés sira manán medalla osan-mean balun iha Rio de Janeiro.


 


Eventu ne'e hanesan atividade ida ne'ebé sidade rua desidi hala'o hamutuk hodi promove atuál no futuru Jogu Olímpiku sira.


 


Parseria sira inklui instalasaun hosi ekran ho dimensaun boot iha fatin públiku balun ne'ebé ema frekuenta liu iha Tókio, hodi nune'e ema bele asisti diretu prova sira.


 


Durante serimónia enseramentu Jogu sira nian, iha estádiu Maracaña, iha loron 21 Agostu, pasajen hosi bandeira olímpiku Rio de Janeiro ba Tókio sei konta ho prezensa hosi governadora foun eleitu Tókio nian, Yuriko Koike, no primeiru-ministru japunés, Shinzo Abe.


 


Iluminasaun sei hanaruk to'o loron 22 Agostu bainhira sei hahú siklu olímpiku Tókio2020. 


 


@SAPO Desporto

Qui | 04.08.16

Polísia sira halo greve iha kapital brazileiru tanba Jogu Olímpiku sira

SAPO TL

Brazília funsiona hanesan subsede hosi Jogu Olímpiku sira Rio de Janeiro nian. 


 



Foto: Diego Azubel/EPA


 


Polísia sivil sira hosi Distritu Federal aprova ona, iha loron-kuarta ne'e, iha asembleia, paralizasaun jeral ida durante oras 48 nia laran entre loron-kinta no loron-sesta, períudu ne'ebé inklui jogu sira futebol nian iha Brazília iha ámbitu hosi Jogu Olímpiku sira Rio2016.


 


Estádiu Mané Garrincha, iha Brazília, sidade ne'ebé funsiona hanesan subsede hosi Jogu Olímpiku sira Rio de Janeiro nian, simu jogu futeból maskulinu rua loron-kinta loraik, iha estreia ba modalidade nian iha kompetisaun, liuliu jogu entre Irake ho Dinamarka no, ikus maka, jogu entre Brazil ho Áfrika-Súl.


 


Aleinde greve, grupu - ne'ebé hatudu daudaun iha semana hirak ikus ne'e -, aprova ona entrega hosi kargu sira xefia nain no desidi ona halo manifestasaun ida iha loron-kinta iha estádiu Mané Garrincha, durante jogu Brazil nian, haktuir hosi jornal Correio Braziliense.


 


Grupu defende ekipasaun hodi hadi'a saláriu kategoria nian ho reajuste hosi Polísia Federal.


 


Iha karta ne'ebé fó sai iha fulan-Jullu nia rohan, governadór Rodrigo Rollemberg komenta ona katak nia konsidera ekiparasaun salarial justu, maibé nia aviza ona katak negosiasaun salarial "tenki hanoin ba situasaun krizi maka'as" ne'ebé maka Brazil hasoru.


 


Portal G1 hakerek katak funsionamentu hosi eskuadra ida iha estádiu laran, ho arkibankada, bele hetan mós suspensu.


 


Maibé, iha deklarasaun sira ba jornalista sira iha semana liubá, sekretáriu Seguransa Públiku nian hosi Distritu Federal, Márcia de Alencar, la hatudu preokupasaun ho seguransa, afirma katak plantaun sira ba Jogu sira "sei reforsa no garanti maski iha sirkunstánsia sira hosi adezaun ba greve".


 


"Operasaun [iha Jogu Olímpiku sira] halo liuliu iha polisiamentu iha estrada no iha operasaun sira salvamentu nian, halo hosi Polísia Militar no hosi bombeiru sira", nia refere.


 


Jogu Olímpiku sira akontese iha tempu ne'ebé Brazil hasoru resesaun ekonómiku naruk ida no aumentu hosi ema dezempregu sira.


 


Jogu sira hamosu mós preokupasaun maka'as ho seguransa, la'ós de'it tanba istorial hosi kriminalidade violentu iha nasaun, maibé mós tanba fenómenu foun hosi terorizmu "jihadista" ne'ebé akontese iha mundu.


 


@SAPO Desporto

Qui | 04.08.16

Manchester United empata ho Everton iha jogu omenajen ba Rooney

SAPO TL

José Mourinho aproveita hodi lansa kuaze jogadór sira hotu  ne’ebé iha dispozisaun.





Foto: DR


 


Manchester United no Everton, klube rua iha karreira Wayne Rooney nian, empata iha ohin  sein golu iha jogu omenajen ba kapitaun selesaun ingleza, ho nia reseita ajuda hanesan karidade ba instituisaun ida.


 


Iha jogu ne’ebé hala’o iha Old Trafford, ne’ebé  José Mourinho aproveita hodi lansa kuaze jogadór sira hotu  iha nia  dispozisaun, ‘red devils’ sai superiór, maibé  finalizasaun laiha ne’ebé di’ak.


 


Treinadór portugés hahú jogu ne’e ‘sanulu-resin-ida’ ne’ebé inklui figura prinsipál sira hanesan Bailly, Rooney, Martial no Ibrahimovic, maibé hafoin intervalu halo  substituisaun hotu ho 11.


 


SAPO TL ho SAPO Desportu

Qua | 03.08.16

Papa Francisco dezeja "prestasaun di'ak" ida ba atleta sira hotu

SAPO TL

Sumu Pontífise fó hanoin katak mundu afetadu hela ho moras "krueldade" nian. 


 



 


Papa Francisco, iha loron-kuarta ne'e, fó korajen ba partisipante sira hosi Jogu Olímpiku sira Rio2016 nian hodi iha "prestasaun di'ak" ida, reforsa solidariedade iha mundu ida ne'ebé iha hela "moras krueldade" nian.


 


Atuál xefe Estadu Vatikanu nian husik ona mensajen ida esperansa nian ba ema hotu, ne'ebé nia defende katak "espíritu hosi Jogu Olímpiku sira bele inspira partisipante sira no espetadór sira hotu, hodi iha prestasaun di'ak ida".


 


Nune'e, papa hein atu ema hotu iha deseju ne'e, la'ós hodi hetan de'it medalla ida, maibé, liuliu, buat ne'ebé di'ak liu: "realizasaun hosi sivilizasaun ida ne'ebé iha solidariedade", iha mundu ida ne'ebé iha hela "moras krueldade" nian.


 


Pontífise insisti ona katak "mundu hamrook ba solidariedade, toleránsia no rekonsiliasaun". "Ita hotu hanesan membru hosi família humanu, la haree ba diferensa kultura, kór kulit nian ka relijiaun".


 


"Ba ema brazileiru sira, ne'ebé, ho nia ksolok no hospitalidade, organiza Festa Desportu nian, ha'u husu atu ne'e hanesan oportunidade hodi halakon momentu susar sira no hodi harii nasaun ida justu liu, seguru liu, aposta ba futuru ida nakonu ho esperansa no ksolok", papa hatutan.


 


Xefe Estadu Vatikanu nian "pinta" tiha ona kuadru triste ida mundu nian, evoka, iha semana liubá, iha nia vizita nonook ba kampu antigu nazi Auschwitz-Birkenau, ne'ebé ema millaun 1,1 resin, entre sira ema judeu millaun ida, ema oho durante Funu Mundial Daruak.


 


"Ho nonook, ha'u reza ona ba vítima sira hotu hosi violénsia ho funu nian. (...) Haree ba krueldade ne'e, iha kampu konsentrasaun ne'e, ha'u hanoin kedas iha krueldade sira ohin loron nian la'ós de'it iha fatin ne'e, maibé iha mundu tomak", hakotu hosi susesór papa Bento XVI nian.


 


@SAPO Desporto

Qua | 03.08.16

Federasaun Indonézia nian muda diresaun

SAPO TL

Mudansa akontese hafoin iha fulan liubá FIFA halakon suspensaun tanba injerénsia governamental. 


 



 


Federasaun Indonézia Futeból nian fó sai ona iha loron-kuarta realizasaun hosi kongresu estraordináriu ida iha Jakarta hodi renova nia Diresaun, liutiha fulan hafoin FIFA halakon suspensaun tanba injerénsia governamental.


 


Membru na'in 15 hosi diresaun, inklui prezidente Nyalla Mattalitti, prosesadu iha kazu korupsaun nian ne'ebé la relasionadu ho futebol, sei substitui iha loron 17 Outubru, iha reuniaun ida ne'ebé sei inklui reprezentante sira hosi FIFA no hosi Konfederasaun Aziátiku Futebol nian.


 


Indonézia hetan bandu durante tinan ida nia laran hodi labele partisipa iha kompetisaun internasional sira tanba iha dezakordu entre ministru desportu no Liga futeból inan kona-ba ekipa autorizadu sira hodi joga iha divizaun dahuluk nian.


 


Iha fulan-Maiu, FIFA hasai tiha ona suspensaun hafoin simu tiha garantia sira hosi autoridade indonéziu sira nian kona-ba reforma ba nia organizasaun.


 


@SAPO Desporto

Qua | 03.08.16

"Neymar bele sai di’ak liu iha mundu"

SAPO TL

Brasileiru  fiar katak avansadu ne’e sei   konsege harahun  domíniu Ronaldo no Messi  iha Bola de Ouro.





Foto: AFP


 


Cristiano Ronaldo no Lionel Messi sai ona króniku manán na’in ba  Bola de Ouro iha tinan hirak ikus ne’e, maibé ba Rivaldo dikotomia ne’e sei hotu iha futuru oin mai. Iha entrevista ba Barça TV, antigu internasionál brazileiru ne’e informa katak nia fiar  Neymar bele sai  jogadór di’ak liu  iha mundu.


 


"Agora iha Messi no Cristiano Ronaldo, maibé nia [Neymar] hala’o dadauk ninia servisu no seidauk tarde  atu sai jogadór di’ak liu  iha mundu. Ha’u hatete tiha ona bainhira nia tama iha Barça no ho ninia servisu ha’u konvensidu katak nia sei konsege".


 


Neymar tama ba Barcelona hosi Santos. Transferénsia internasionál brasileiru hosi Brazileiraun ba  Europa hamosu destake negativu tamba  informasaun  okulta ne’ebé envolve iha konta venda nian ba Barcelona.


 


SAPO TL ho SAPO Desportu

Ter | 02.08.16

Brazil aumenta seguransa iha aeroportu sira

SAPO TL

Nasaun anfitriaun hakarak simu lista hosi pasajeiru sira ne'ebé uza aviaun iha oras 72 antes. 


 



 Foto: Lukas Coch /EPA


 


Polísia Federal (PF) Brazil nian hakarak simu ho oras 72 antes, durante mós Jogu Olímpiku sira, lista hosi pasajeiru sira ne'ebé mai hosi estranjeiru ba nasaun ne'e, hatete hosi fonte polísia ida iha loron-segunda ne'e.


 


Durante inaugurasaun hosi sentru internasional ba koperasaun polisial, ne'ebé sei funsiona durante Jogu Olímpiku sira no Paralímpiku sira, xefe Interpol nian iha Brazil no delegadu hosi Polísia Federal, Valdecyr Urquiza Júnior, ne'ebé haktuir hosi jornal Folha de São Paulo, hatete katak prosedimentu tenki hahú hala'o "durante jogu sira".


 


Pasajeiru sira nia naran sei peskiza ho lista internasional ida hosi suspeitu terorizmu nian hamutuk 3.000 no rihun 44 seluk hosi krimi sira seluk.


 


Ajente seguransa estranjeiru sira sei partisipa iha sistema, verifika naran sira kompatriota nian diretu iha lista sira informasaun nian hosi sira nia nasaun orijen.


 


Iha inaugurasaun ba Sentru Koperasaun Polisial Internasional (CCPI), iha Brazília, ministru Justisa, Alexandre de Moraes, no diretor-jeral hosi Polísia Federal, Leandro Daiello, destaka ona katak sistema koperasaun internasional ba Jogu sira hanesan boot liu iha istória nasaun nian no iha Interpol (Organizasaun Internasional hosi Polísia Kriminal).


 


Leandro Daiello refere ona katak sistema ida hanesan uza tiha ona ba Kampeonatu Mundu Futeból nian iha 2014, iha Rio de Janeiro, bainhira "seguransa rekoñesidu hanesan pontu ida importante liu" iha kompetisaun.


 


Tuir xefe Interpol nian iha Brazil, Polísia Federal uza mós sistema ida rekoñesimentu oin nian no imajen sira rekolla iha pontu oioin sirkulasaun nian, hanesan aeroportu sira ka arena desportivu sira.


 


Ministru Justisa hatutan ona katak aumenta mós sistema foun ida rekolla nian no verifikasaun ba impresaun dijital sira hosi pasajeiru sira hotu ne'ebé to'o iha Brazil.


 


"Ami halo ona lisaun hosi uma. Buat hotu modernu liu, buat hotu ne'ebé iha integrasaun ho nasaun sira seluk, informasaun no intelijénsia, Brazil iha. Entaun, ami prepara ba eventualidade ruma", hatutan hosi governante.


 


CCPI ida seluk sei inaugura iha loron-tersa iha Rio de Janeiro.


 


Jogu Olímpiku no Paralímpiku sira sei hala'o entre loron-sesta ne'e to'o loron 18 Setembru.


 


@SAPO Desporto