Saltar para: Posts [1], Pesquisa [2]

SAPO Desportu TL

Qua | 23.11.16

Ministériu públiku españól husu kadeia tinan rua ba Neymar

SAPO TL

Justisa españól husu kadeia ba Neymar no eis-prezidente FC Barcelona nian. 


 



 


Ministériu públiku españól husu ona iha loron-kuarta ne'e kastigu kadeia tinan rua ba futebolista brazileiru no tinan lima ba eis-prezidente FC Barcelona nian Sandro Rosell tanba asaun korupsaun sira no fraude iha kontratasaun jogador nian, ne'ebé halo iha Santos.


 


Aleinde kastigu kadeia nian, ministériu públiku hakarak atu internasional brazileiru hetan kondenasaun hodi selu multa ida ho folin euro millaun 10.


 


Maski arkivu tiha ona, tanba falta prova sira, akuzasaun hasoru prezidente FC Barcelona, Josep Maria Bartomeu, ministériu públiku reklama atu selu multa sira ho folin euro millaun 8,4 no hitu hosi parte klube katalaun nian no hosi Santos.


 


Akuzasaun husu mós kadeia tinan rua ba Neymar nia aman no kadeia tinan ida ba nia inan, tanba korupsaun iha negósiu sira oan-mane nian.


 


Ho baze iha investigasaun sei aprezenta kesar ida hosi fundu investimentu DIS, ne'ebé kaer 40% hosi direitu sira Neymar nian no sei konsidera hanesan vítima iha prosesu transferénsia hosi internasional brazileiru nian hosi Santos ba FC Barcelona.


 


"Barça", kampeaun españól dala rua, fó sai ona transferénsia hosi avansadu brazileiru, halo iha Maiu 2013, ho folin euro millaun 57,1, maibé, hafoin investigasaun ida hosi justisa españól, admiti ona katak operasaun ne'e aas tebes, pelumenus, euro millaun 83,3.


 


@SAPO Desporto

Qua | 23.11.16

Sporting perde com Real Madrid e fica fora da corrida aos 'oitavos' da 'Champions'

SAPO TL

O Sporting ficou hoje definitivamente de fora da corrida aos oitavos de final da Liga dos Campeões de futebol, ao perder 2-1 na receção ao Real Madrid, em jogo da quinta jornada do grupo F.





 


Obrigados a vencer para manterem acesa a esperança de seguirem em frente, os 'leões' ainda sonharam quando conseguiram igualar 1-1 através de Adrien, na conversão de uma grande penalidade, respondendo a um golo de Varane, aos 29, mas Benzema, aos 87, recolocou os 'merengues' na frente.


 


Com este triunfo, o Real Madrid, que hoje contou com Cristiano Ronaldo e Fábio Coentrão, entrou no decorrer da segunda parte, garantiu a presença nos oitavos de final, juntamente com o já apurado Borussia Dortmund, que hoje goleou (8-4) o Legia Varsóvia. O Sporting terá agora de ir pontuar a Varsóvia na última ronda para assegurar a presença nos 16 avos de final da Liga Europa.


 


@Lusa

Qua | 23.11.16

Sporting lakon ho Real Madrid no sai ona hosi korrida ba 'oitavu' 'Champions'nian

SAPO TL

Sporting iha ohin hela ho definitivamente sai hosi  korrida ba oitavu finál futeból Liga Campeões, ho lakon ho 2-1 bainhira simu Real Madrid, iha jogu kinta jornada grupu F nian.





 


Iha   obrigasaun atu manán hodi mantein nafatin esperansa atu hakat ba oin, 'leões' sei iha mehi  bainhira  konsege halo empate ho 1-1 liuhosi Adrien, iha konversaun ba penalidade ida, resposta ba golu ida hosi Varane, iha 29, maibé Benzema, iha 87, koloka fila fali 'merengues' iha oin.


 


Ho vitória ne’e, Real Madrid, ne’ebé ohin konta ho Cristiano Ronaldo no Fábio Coentrão, okupa iha klasifikasaun daruak, garante ona prezensa iha oitavu finál, hamutuk ho ida ne’ebé tama tiha ona Borussia Dortmund, ne’ebé maka ohin  manán (8-4) hasoru Legia Varsóvia. Sporting agora tenki hetan pontu hasoru Varsóvia iha ronda ikus atu asegura prezensa iha 16 finál Liga Europa nian.


 


SAPO TL ho Lusa

Ter | 22.11.16

Leganés manán Osasuna no hadook-an hosi zona despromosaun

SAPO TL

Robert Ibañez aponta golu rua hosi Leganés.





Foto: JUANJO MARTIN / EPA


 


Leganés manán iha segunda-feira ne’e hasoru Osasuna ho 2-0 no hadook-an hosi zona despromosaun iha futeból liga española, ne’ebé  kontinua ninia rivál, ne’ebé kumpri jornada  12.


 


Médiu Robert Ibañez (minutu 6 no 57) konstrui rezultadu ne’ebé permite ba Leganés hanesan ho  Alavés  iha klasifikasaun 14º,  ho pontu  13, enkuantu Osasuna iha penúltimu ho pontu hitu.


 


Kampeonatu ne’ebé lidera hosi  Real Madrid ho pontu 30, liu haat duké Barcelona no neen duké Sevilha.


 


SAPO TL ho SAPO Desportu

Seg | 21.11.16

Mourinho nia planu traidor hodi "na'ok" Messi hosi Barcelona

SAPO TL

Messi bele simu euro millaun 100 bainhira lakohi renova ho Barcelona no millaun 50 resin tinan-tinan iha Manchester United. 


 



 


Imajina tiha ona Messi hetan treinu hosi José Mourinho iha Manchester United? Hanesan vizaun ida ne'ebé hamosu mehi-aat ba ´afficion` hosi Barcelona maibé halo mehi ba adeptu sira hosi "red devils" nian. Haree Messi treinu hosi Mourinho hanesan hanoin ida ne'ebé ikus ne'e hetan kredibilidade. Planu hanesan boot no hatama Adidas iha klaran.


 


Tuir hakerek hosi jornal katalaun ´Sport`, ne'ebé haktuir publikasaun ida hosi ´Marketing Deportivo` katak José Mourinho iha planu traidor ida hodi hasai Messi hosi Barcelona, ho ajuda hosi Adidas. Klube inglés no marka boot alemaun sei tenta konvense jogador arjentinu hodi muda ba Old Traford, hodi tulun klube to'o iha títulu sira no fó poténsia ba marka Manchester United nian, ne'ebé la manán buat importante ida iha tinan hirak ne'e nia laran.


 


Ideia maka Messi asina hahú hosi époka tuirmai, husik Barcelona ho folin zero, iha fulan-Juñu 2018. Marka alemaun halo ona investimentu maka'as tebes iha Manchester United, ho folin euro millaun 100 tinan-tinan ba tinan sanulu oinmai, maibé entende agora katak tenki estabelese dotasaun klube hosi jogador sira ne'ebé bele lori ba títulu nasional sira no internasional sira. Multinasional alemaun, patrosinadór Messi nian, hakarak tau hamutuk nia jogador prinsipal ba klube ne'ebé investe maka'as liu.


 


Iha tempu asinatura kontratu nian entre Adidas ho Manchester United, marka alemaun "proteje aan" ho kláuzula ida "ta'uk" nian: diminuisaun hosi 30% iha folin hodi selu tinan-tinan ba United, bainhira klube la kualifika ba Champions League. Ka, bainhira la tama iha Champions, hanesan akontese iha époka ne'e, United simu de'it euro millaun 65 hosi Adidas.


 


´Marketing Deportivo` fó hanoin katak "renovasaun daualuk Messi nian seidauk hahú, seidauk halo negosiasaun no laiha proposta ruma iha meza leten".


 


Messi nia kontratasaun la akontese de'it tanba kláuzula milionáriu hosi resisaun arjentinu nian: euro millaun 250. Nune'e, dalan ida hodi muda kláuzula ne'e maka selu euro millaun 100 ba Messi hodi la hanaruk nia vínkulu ho blaugrana, ne'ebé hotu iha fulan-Juñu 2018. Folin ne'e sei hanesan prémiu ida asinatura nian ba jogador arjentinu ne'ebé sei simu euro millaun 50 brutu tinan-tinan iha Manchester United.


 


Maski hosi númeru sira ne'e hotu, bele "halo lanu" jogador ruma, iha pormenor importante ida: Messi nia vontade hodi husik Barcelona, klube ne'ebé forma nia. Iha Catalunha, Messi hanesan ídolu ida, nune'e sei susar husik blaugrana sira tanba de'it kestaun finanseiru nian.


 


@SAPO Desporto

Seg | 21.11.16

Chelsea sai lideransa iha Premier League

SAPO TL

Golu solitáriu hosi Diego Costa fó  vitória ba Chelsea no lideransa iha Liga Ingleza.





Foto: EPA/Nigel Roddis


 


Golu solitáriu ida hosi  internasionál españól Diego Costa iha ohin fó votória ba Chelsea iha uma Middlesbrough (1-0) no ‘lori’ londrinu sira sai  lideransa izoladu iha futeból Liga Ingleza nian.


 


Tama deit ba  parte finál tempu dahuluk nian, iha minutu 41, ne’ebé maka  avansadu ne’e aproveita konfuzaun ida iha área kontráriu, liuhosi kantu, konsege  dezvia bola ho sesesu  ba baliza Victor Valdés.


 


Ne’e sufisiente ona ba  Chelsea sai ho  vitória iha Riverside Stadium, maski Middlesbrough lafó ameasa ba defeza no tenta halo jogu ho‘blues’, ne’ebé nunka bele deskansa iha rezultadu nia ‘leten’ to’o  apitu finál.


 


Vitória ne’e halo Chelsea okupa iha dahuluk kampeonatu nian, ho pontu 28, liu ida  duké Liverpool no Manchester City, enkuantu iha pozisaun haat  maka Arsenal, ho 25, no iha lima Tottenham, ho 24. Manchester United, José Mourinho nian, iha neen, ho pontu 19 hanesan  duké Everton.


 


Ba  lideransa Chelsea moos kontribuiu hosi  ‘nulu’ ne’ebé Liverpool lakonsege halo iha sábadu, iha vizita ba Southampton, ekipa ne’ebé  joga  portugés sira hanesan José Fonte no Cédric Soares sai titular.


 


Ho nune’e, iha jornada 12.ª  ‘kandidatu sira’  hetan sorte lahanesan, ho vitória ba Chelsea, Manchester City no Tottenham, enkuantu Liverpool, Arsenal no Manchester United hetan empata, ne’e ikus entre sira.


 


Ba  kampeaun Leicester, adversáriu FC Porto iha Liga Campeões, okupa iha 14.º, hafoin lakon iha uma Watford nian ho (2-1).


 


SAPO TL ho SAPO Desportu

Sex | 18.11.16

Lionel Messi no Cristiano Ronaldo lidera lista 'hat-tricks' nian

SAPO TL

Ronaldo tama entre jogador sira ne'ebé halo 'hat-trick' no lakon iha Champions. 


 



 


Champions League rejista ona 'hat-tricks' hamutuk 107 dezde harii, iha 1992/1993, 'hat-trick' lima hosi Cristiano Ronaldo nian no iha 'hat-trick' ida futebolista portugés ne'e to'o lakon, hatudu hosi estudu ida UEFA nian ne'ebé publika iha loron-sesta ne'e.


 


Avansadu hosi Real Madrid hanesan jogador daruak iha lista ne'e ho Lionel Messi, hosi FC Barcelona, iha fatin dahuluk ho "hat-tricks" hitu iha listajen hosi futebolista sira ne'ebé halo liu "hat-tricks" ne'ebé aponta iha prova prinsipal hosi klube sira UEFA nian.


 


Cristiano Ronaldo ho Gareth bale, bainhira aliña hosi Tottenham, hanesan jogadór úniku sira iha istória prova nian ne'ebé, liuhosi golu tolu iha de'it jogu ida, lakon, iha kazu rua ne'e lakon bainhira joga iha liur ho 4-3.


 


No kuandu kontabilidade avansa ba númeru boot hosi ‘hat-tricks’ iha époka ida iha Champions League, jogador portugés mosu hanesan líder, ho 'hat-tricks' tolu, iha 2015/16, no Messi ne'ebé iha ona 'hat-tricks' rua iha temporada ida ne'e, "ameasa" rejistu úniku hosi portugés.


 


Hosi kuriozidade oioin ne'ebé maka estudu UEFA hatudu, destaka mós katak ‘hat-trick’ akontese iha époka hahú prova nian, halo hosi Juul Ellerman, joga iha PSV iha jogu hasoru Zalgiris iha loron 16 Novembru 1992.


 


Raúl Gonzalez, iha tempu ne'ebá joga iha Real Madrid, ho tinan 18 no loron 114, sai ona hanesan jogador ne'ebé joven liu ne'ebé maka marka golu tolu iha jogu ida Champions League nian, Claudio Pizarro, ne'ebé uluk joga iha Bayern Munique, ho tinan 34 loron 34, sai hanesan jogador tuan liu ne'ebé halo ‘hat-trick’.


 


Bafétimbi Gomis, hosi Lyon kontra Dinamo Zagreb, iha tinan 2011, iha ‘hat-trick’ lalais liu iha istória, presiza de'it minutu ualu, bainhira Filippo Inzaghi (tolu) no Simone Inzaghi (ida) sai hanesan maun-alin úniku ne'ebé maka konsege halo efeitu ne'e.


 


@SAPO Desporto

Sex | 18.11.16

Beto: "Ami halo jogu ida sériu, responsável"

SAPO TL

Sporting halakon Praiense ho 5-1 no garante pasajen faze tuir mai iha Taça de Portugal.





Foto: LUÍS FORRA / LUSA


 


Beto, guarda-rede Sporting ne’ebé sai  titular hasoru  Praiense, haktuir  triunfu 'leões' nian ho 5-1.


 


"Ami sofre golu ida iha minute rua, golu kapás ida, no tenki fó méritu jogadór  hosi Praiense. Hetan  resposta hosi ekipa, kontra ekipa ida di’ak, relasiona ba  eskalaun ne’ebé joga. Ami halo jogu ida sériu, responsável, ne’ebé  serve atu fó  minutu ba jogadór sira. Ami senti kontente bele liu iha eliminatóriu ne’e",  haktuir  guardiaun iha deklarasaun ba Sport TV.


 


"Badahuluk maka ha’u hatais kamizola Sporting iha Alvalade, hanesan  momentu importante. Tanba ne’e ha’u hakarak fila, ba momentu hanesan ne’e, no atu ajuda Sporting konsege hetan títulu", nia hatutan


 


SAPO TL ho SAPO Desportu

Qui | 17.11.16

Rooney husu deskulpa hafoin hetan ho lanu

SAPO TL

Rooney  mosu liuhosi fotografia oioin ho konvidadu kazamentu ida iha ótel londrinu hanesan ne’ebé  selesaun  ingleza hela bá.





 


Kapitaun selesaun futeból  ingleza, Wayne Rooney, iha ohin husu  deskulpa ba "ninia" komportamentu durante konsentrasaun ekipa nian entre jogu sira kontra Eskósia no España.


 


Rekordista golu ba Inglaterra ne’e mosu liuhosi fotografia oioin ho konvidadu kazamentu ida iha ótel londrinu hanesan ne’ebé selesaun konsentra ingleza bá, ho órgaun komunikasaun sosiál fó sai  moos lanu hosi avansadu ne’e.


 


Iha  komunikadu, ekipa relasaun públika hosi avansadu informa katak Rooney "rekoñese tebes katak  komportamentu ne’e ladi’ak  ba ema ruma iha ninia pozisaun".


 


Jogadór  ne’e "hato’o deskulpa boot", hatutan  iha nota ne’e, kona-ba  Federasaun Ingleza garante sei  " avalia fila fali polítika ba  tempu livre hosi  atleta sira bainhira kumpri hela servisu selesaun nian".


 


Selesionadór interinu Inglaterra, Gareth Southgate, hato’o ona ba  jornalista sira katak auzénsia Wayne Rooney hosi ekipa  ne’ebé empata iha 15 novembru ho España (2-2) tanba  lezaun kontraída iha dezafiu 11 novembru nian, hasoru Eskósia, no laós alegadu ba kazun lanu, ne’ebé denunsia hosi jornál britániku The Sun.


 


SAPO TL ho SAPO Desportu

Qua | 16.11.16

Itália no Alemaña empata ho zero. Soares dias anula golu ida ba jermániku

SAPO TL

Itália no Alemaña laós deit  empata ho zero, iha  enkontru amigável ne’ebé hala’o iha Giuseppe Meazza, iha Milão.





Foto: Lusa


 


Itália no Alemaña laós deit  empata ida ho zero, hosi enkontru amigável ne’ebé realiza iha Giuseppe Meazza, iha Milão.


 


Iha tempu dahuluk  jogu nian pretense ba alemaun sira, ne’ebé hetan bola liu maski lahatudu  supremasia boot.


 


Iha tempu daruak formasaun  italianu domina liu terrenu, hetan bola liu no hahú  kria problema ba Bernd Leno,  ne’ebé  substitui Neuer iha  baliza.


 


Iha minutu  45 dahuluk ne’ebé kaer  liu bola. Ekipa  hosi  Joachim Low to’o hatama duni  bola ba  baliza Gianluigi Donnarumma (substitui fatin  Buffon nian) maibé árbitru portugés Artur Soares Dias anula golu ne’e tanba konsidera katak Kevin Volland iha pozisaun fora-de-jogo.


 


Besik remata, Itália kuaze halo golu maibé remate Belotti nian kona deit ba baliza.


 


SAPO TL ho SAPO Desportu