Saltar para: Posts [1], Pesquisa [2]

SAPO Desportu TL

Ter | 15.11.16

Cristiano Ronaldo ho Messi hanesan futebolista ne'ebé iha saláriu di'ak liu iha mundu

SAPO TL

Manchester United lidera top10 ho futebolista na'in tolu. 


 



 


Jogadór di'ak liu na'in rua iha mundu iha saláriu hanesan ho euro millaun 21,9 tinan-tinan, fó sai hosi jornal inglés Daily Mail iha loron-tersa ne'e.


 


Tuir informasaun ne'ebé fó sai hosi diáriu britániku ne'e, Cristiano Ronaldo ho Lionel Messi maka hanesan futebolista sira ne'ebé iha saláriu di'ak liu iha mundu ho saláriu ida anual hamutuk euro millaun 21,9, liu euro rihun 800 duké Gareth Bale, internasional galés ne'ebé joga iha Real Madrid no okupa pozisaun datoluk.


 


Iha lista ne'ebé fó sai, destaka mós ba prezensa hosi futebolista na'in tolu hosi Manchester United no Hulk, eis-jogador FC Porto nian ne'ebé agora okupa pozisaun haat hosi jogador sira futebol nian ho saláriu di'ak liu iha mundu.


 


Lista hosi jogador sira ne'ebé iha saláriu di'ak liu


 


1.º C. Ronaldo (Real Madrid), tinan-tinan iha euro millaun 21,9
Lionel Messi (Barcelona), tinan-tinan iha euro millaun 21,9


3.º Gareth Bale (Real Madrid), tinan-tinan iha euro millaun 21,1
4.º Hulk (Shanghai SIPG), tinan-tinan iha euro millaun 19,2
5.º Paul Pogba (Man. United), tinan-tinan iha euro millaun 17,5
6.º Graziano Pellè (S. Luneng), tinan-tinan iha euro millaun 16,5
7.º Lavezzi (Hebei Fortune), tinan-tinan iha euro millaun 15,6
8.º W. Rooney (Man. United), tinan-tinan iha euro millaun 15,6
9.º Neymar (Barcelona), tinan-tinan iha euro millaun 15,5
10.º Ibrahimovic (Man. United), tinan-tinan iha euro millaun 15,1


 


@SAPO Desporto

Ter | 15.11.16

Pep Guardiola halo parte iha "ekipa" apoiu refujiadu sira

SAPO TL
Tékniku españól ne’e maka protagonista vídeo ida hosi Proactiva Open Arms






Treinadór españól Pep Guardiola hanesan protagonist hosi video foun, Proactiva Open Arms nian ida, hanesan ONG ne’ebé dedika-aan hodi salva refujiadu sira ne’ebé hakarak tama ba Europa.


 


Tékniku hosi Manchester City ne’e, halo parte ba kampaña hosi "ekipa ida ne’ebé lorloron ho joga finál ida no sempre halo ema hotu joga", tuir nia rasik dehan. 


Ter | 15.11.16

New York City anunsia Lampard nia sai

SAPO TL

Ho  tinan 38, antigu jogadór  Chelsea nian bele  koloka  pontu finál ida iha ninia karreira futebolista.





Foto: Twitter / Reprodução


 


Médiu inglés Frank Lampard sei husik  New York City, Liga futeból norte-amerikana (MLS), bainhira remata ninia kontratu 31  fulan-dezembru 2016, anunsia klube iha ohin.


 


“Ha’u nia  tempu iha New York City remata ona. Ha’u  hakarak tebes agradese ba ema hotu hosi apoiu ne’ebé fó mai ha’u durante tinan rua ikus ne’e. Ba ha’u ninia kolega ekipa sira sente onra joga sira. No  adeptu sira ba apoiu ne’ebé maka’as tebes”, haktuir  Lampard ba sítiu klube nian iha  Internet.


 


Inglés, ho tinan  38 ne’e, muda ba New York City hosi Manchester City, iha 2014, no partisipa iha jogu 31, marka  golu 15, iha époka rua.


 


“Ha’u haksolok tebes tanba bele hetan  oportunidade  joga iha klube boot ida iha sidade ne’ebé kapás tebes”, nia hakotu.


 


Iha finál fulan- outubru, Steven Gerrard, ho tinan 36, moos anunsia ona ninia saída hosi  Los Angeles Galaxy, MLS, liuhosi publikasaun ida iha rede sosiál Instagram, ne’ebé hato’o  agradese ba adeptu hosi ekipa Kalifórnia.


 


SAPO TL ho SAPO Desportu

Seg | 14.11.16

Messi lakohi renova ho Barcelona

SAPO TL

Jogador aponta ba Manchester City iha tinan 2018. 


 



Foto: D.R


 


Internasional arjentinu, Lionel Messi, rekuza ona renovasaun kontratu ho Barcelona iha fulan-Jullu liubá, avansa hosi jornal españól Marca iha loron-segunda ne'e.


 


Tuir informasaun ne'ebé fó sai hosi jornal Madrid nian, númeru 10 hosi Barcelona hakarak kumpri kontratu ho kalaun sira to'o loron 30 Jullu 2018, no hafoin ne'e maka desidi nia futuru, no rejeita tiha ona proposta ida hosi "culés" hodi renova iha fulan-Jullu.


 


Tuir hakerek hosi publikasaun ne'e, "Messi hatete ona ba Barça iha fulan-Jullu katak lakohi renova", bainhira nia iha férias iha Ibiza ho nia feen Antonella no nia oan sira, no husu ona ba nia aman no ema ida seluk (ne'ebé la identifika hosi jornal) hodi "transmiti nia desizaun ba prezidente Barcelona nian".


 


Prezidente Barcelona nian, Josep Maria Bartomeu, "rekomenda ona kalma" ba Messi no husu nia atu "hanoin dala rua", hodi fó hanoin mós nia kona-ba kláuzula hosi anulasaun ho folin euro millaun 250.


 


Jornal Marca hakerek mós katak bainhira Messi desidi sai hosi Barcelona iha veraun tinan 2018, Manchester City hanesan klube ho posibilidade maka'as hodi kontrata jogador arjentinu ne'e.


 


@SAPO Desporto

Seg | 14.11.16

Pahars: "Quaresma halo diferensa boot"

SAPO TL

Portugál manán  iha domingu ne’e hasoru Letónia ho 4-1, iha jogu kualifikasaun ba Mundial nian.





 


Marians Pahars, selesionadór  hosi Letónia, konsidera katak  Quaresma tama sai  momentu desizivu ikus ba vitória Portugál nian.


 


"Ha’u bele dehan katak saida maka ha’u sente  maibé ha’u labele halo análize ida ba jogu. Ne’e só ba loron hirak deit. Saida maka ha’u sente katak  diferensa entre ekipa rua klaru tebes iha rezultadu. Sira di’ak liu duké ami. To’o  Quaresma tama, laós fásil ba Portugál. Kontrola bola, maibé lakonsege kria perigu. Quaresma halo diferensa boot", afirma tékniku ne’e.


 


SAPO TL ho SAPO Desportu

Sex | 11.11.16

Kolómbia no Xile empata (0-0)

SAPO TL

Jogu sein motivu ho interesse no ambisaun boot entre ekipa rua.





 


Kolómbia empata, kinta-feira ne’e, hasoru Xile ho 0-0 iha jogu ne’ebé konta ba kualifikasaun Mundiál 2018 iha Rússia.


 


 


Ho rezultadu ne’e, ekipa rua diferente deit  ho pontu ida  iha faze kualifikasaun nian. Kolombianu sira iha pozisaun  dahaat ( ho pontu 18) ho Xile iha dalima ( ho pontu 17).


 


SAPO TL ho SAPO Desportu

Qui | 10.11.16

Bas Dost iha empate Olanda nian hasoru Béljika (1-1)

SAPO TL

Zeegelaar lasai hosi banku.





Foto: AFP or licensors


 


Bas Dost hanesan  suplente ne’ebé utiliza iha empate kuarta-feira ne’e hosi selesaun olandeza hasoru Béljika (1-1), iha jogu partikular ne’ebé hala’o iha Amesterdaun.


 


Avansadu "leões", tama iha minutu 26 troka Janssen. Laranja mekánika inaugura markadór hosi intermédiu Klaassen liuhosi penalidade.


 


Besik ona ba finál jogu, iha minutu 81, Béljika konsege halo empate liuhosi remate Ferreira Carrasco nian.


 


Kona-ba  Marvin Zeegelaar hosi Sporting lasai hosi banku.


 


SAPO TL ho SAPO Desportu

Qua | 09.11.16

Caparrós hanesan treinadór foun Osasuna

SAPO TL

Misaun iha Pamplona laós fásil, tanba Osasuna hetan deit  vitória dala ida iha jogu 11 kampeonatu nian.





 


Osasuna anunsia iha ohin  kontratasaun ba Joaquín Caparrós, treinadór ida ho esperiénsia barak iha futeból liga española, ne’ebé sai ona tékniku prinsipál ba klube neen.


 


Esperiénsia dahitu iha Liga hosi treinadór  ho tinan  61 ne’e koñesidu loron ida  hafoin Osasuna hasai Enrique Martin, ne’ebé husik formasaun Pamplona, maihosi eskalaun daruak, iha klasifikasaun 19.º.


 


" Osasuna hetan  akordu ho treinadór Joaquín Caparrós to’o  30 juñu 2018", haktuir  komunikadu ne’ebé fó sai hosi klube.


 


Tékniku andaluz ne’e seidauk iha klube dezde husik Granada, iha  janeiru tinan kotuk. Molok, sai  treinadór prinsipál ba Levante, Maiorca, Athletic Bilbau, Deportivo no Sevilha.


 


Misaun iha Pamplona laós fásil, tanba Osasuna hetan deit  vitória ida iha jogu 11 kampeonatu nian.


 


SAPO TL ho SAPO Desportu

Ter | 08.11.16

Nico Rosberg: "Buat hotu bele akontese"

SAPO TL

Alemaun hosi Mercedes hela tan halai dala rua hodi sai kampeaun iha F1 maibé nia haktuir katak 'buat hotu bele akontese'.





Foto: Lusa


 


Pilotu Nico Rosberg, líder Mundiál Formula 1, haktuir iha ohin katak 'hela deit  halai dala rua no buat ruma bele akontese', molok  Grande Prémio Brazil nian, iha domingu.


 


Pilotu Formula 1 ne’e iha oportunidade oferese kampeaun iha  GP Méksiko nian, iha 30  fulan outubru, maibé atu hetan títulu hela halai rua antesipasaun  nian presiza liu manán no hein katak Hamilton labele liu iha klasifikasaun  10.º.


 


“Ha’u ba atu hetan vitória, hanesan baibain, maibé [Hamilton] Lewis lalais oituan durante iha findesemana ne’e. dala barak tenki  aseita”.


 


Pilotu alemaun enfrenta GP  Brazil ho otimizmu: “ha’u sei lamuda ha’u nia atetude. Ha’u kontinua tuir buat ne’ebé ha’u halo tiha ona, halai sempre buka hetan vitória”, informa iha komunikadu.


 


Nico Rosberg iha tinan 19 hetan  pontu vantajen ho Lewis Hamilton. Karik manán  GP Brazil nian, iha Autódromo de Interlagos, alemaun ne’e  sei sai kampeaun mundu nian, dook  hosi pozisaun inglés, Lewis Hamilton.


 


SAPO TL ho SAPO Desportu

Seg | 07.11.16

Florentino Pérez: "Cristiano, ó tenki kontinua iha ó nia uma"

SAPO TL

Internasional portugés renova ona kontratu ho Real Madrid to'o tinan 2021. 


 



 


Prezidente Real Madrid nian lidera ona serimónia ofisial ba renovasaun Cristiano Ronaldo nian no aproveita ona okaziaun hodi hato'o elojiu oioin ba internasional portugés ne'e, hodi konsidera nia nu'udar herdeiru lejítimu hosi Di Stéfano ho Gento.


 


"Iha tinan 114 nia laran, ita harii nafatin identidade rekoñesidu ida iha fatin oioin iha mundu, identidade ida ne'ebé iha ligasaun ho naran boot sira hanesan Di Stéfano ho Gento. Ohin loron, Bernabéu sai orgullozu hodi konta ho herdeiru di'ak liu hosi dinastia ne'e. Ronaldo hanesan susesór maka'as", Florentino Pérez afirma ona iha serimónia ne'ebé ofisializa renovasaun hosi kontratu ho Cristiano Ronaldo to'o tinan 2021.


 


"Ronaldo hanesan ezemplu ida ba joven sira sira ne'ebé fiar iha nia eleisaun sira, tanba sai ona hanesan lenda ida hosi "adeptu madridizmu" sira hanesan goleadór máximu hosi istória klube nian".


 


"Hanesan loron emosionante ida, espesial. Bainhira ó to'o, ami hatene katak ó hanesan jogador úniku ida. No ó la kolen hodi manán. Tanba ne'e, ami hakarak atu ó kontinua joga ho kamizola ne'e ba nafatin. Ó tenki kontinua iha ó nia uma. Iha Real Madrid, sei iha antes ida no depois ida Cristiano Ronaldo nian", hatete hosi Florentino Pérez.


 


@SAPO Desporto