Saltar para: Posts [1], Pesquisa [2]

SAPO Desportu TL

Qui | 19.01.17

Zidane: "Kolen laserve hanesan deskulpa ami Real Madrid"

SAPO TL

Merengue hetan derrota daruak tutuir-malu.





Foto: Lusa


 


Zinedine Zidane, treinadór Real Madrid, admite  hafoin jogu  ho  Celta de Vigo (1-2) katak ekipa hasoru hela momentu ida difísil.


 


"Jogu Celta nian lahalo ha’u hakfodak, ami hatene katak ekipa ida ne’ebé  bele kauza problema. Momentu ida difísil no ha’u tenki hetan  solusaun, maibé ha’u lapreokupa tanba ami sei bele liu faze ida ne’e. Ami bele manán  Vigo no rekupera eliminatória ne’e, maibé molok ne’e sei iha jogu kampeonatu.


Kolen laserve hanesan  deskulpa, Ami  Real Madrid no tenki hateke ba oin. Ami halo dadaun buat ne’ebé di’ak, maibé ha’u lakontente ho jogu rua ikus ne’e, liliu ninia rezultadu", afirma tékniku ne’e iha konferénsia imprensa.


 


SAPO TL ho SAPO Desportu

Qua | 18.01.17

Inter, ho João Mário iha ekipa, avansa ba 'kuartus' iha Taça Itália

SAPO TL

Inter Milão, ho  João Mário sai titular  no assiste ba golu rua, iha ohin halakon  Bolonha, ho  3-2, no hakat ba sfinal futeból Taça Itália nian.





 


Jogu iha  estádiu Giuseppe Meazza to’o tempu regulár  ho  2-2  iha markadór, hafoin iha minutu 30 iha  prolongamentu, to’o hetan  golu iha  98, hosi Antonio Candreva.


 


Molok, João Mário sai desizivu kria  pase ba golu rua iha ninia ekipa, iha  parte dahuluk - kolombianu Jeison Murillo, iha minutu  33, ne’ebé  marka ho bisikleta, no Rodrigo Palacio, iha  39.


 


O Bolonha reaje besik  besik intervalu no reduz  liuhosi  suísu Dzemaili, iha 43, empata  hafoin iha  73, ho ganés Donsah.


 


Inter, vitória daneen  tuir malu iha kampeonatu, fó tempu deskansa ba titular balun  no kuaze  hetan rezultadu negativu,  tanba lakonsege rezolve jogu iha minutu 90.


 


Ho  vitória ne’e, Inter avansa ba 'kuartus' no hein  vensedór  hosi  Lázio-Génova, ne’ebé sei joga  iha kuarta-feira ne’e. hakat ona ba ronda tuir mai maka Nápoles, Fiorentina, Juventus no AC Milan.


 


SAPO TL ho SAPO Desportu

Ter | 17.01.17

Lionel Messi hanesan Guardiola nia mehi iha City

SAPO TL

Klube inglés iha disponibilidade hodi selu euro millaun 115 ba pase jogador nian. 


 



AFP Photo@ Lluis Gene


 


Pep Guardiola, treinador Manchester City nian, iha mehi boot ida relasionadu ho transferénsia sira hosi kontratasaun goleador arjentinu Lionel Messi ba klube inglés.


 


Tuir jornal The Sun, City hahú ona kontaktu ho Barcelona hodi indika katak iha disponibilidade hodi selu euro millaun 115 hodi hetan Messi. Folin ne'e sei boot liu transferénsia Pogba nian ba Manchester United, ho folin euro millaun 105.


 


Messi nia kontratu atual ho Barcelona hotu iha fulan 18 oinmai.


 


@SAPO Desporto

Ter | 17.01.17

Real Sociedad manán iha Málaga no sa’e ba fatin dalima

SAPO TL

Real Sociedad iha ohin ba  Málaga manán  ekipa lokál  ne’e ho 2-0, iha jogu ba jornada  18.ª futeból  Liga española, no sa’e ba  fatin dalima, ne’ebé bele hetan  asesu ba  faze grupu Liga Europa nian.





 


Golu sira hosi ekipa basca marka  iha tempu daruak, dahuluk iha minutu 50 hosi  sentrál Inigo Martinez, liuhosi ezekusaun  livre ida ne’ebé  bola desvia  hosi  trajetória  iha barreira, no golu daruak hosi  Juanmi, iha pozisaun klara “fora de jogo”, bainhira simu bola manán iha altura, ho ulun, hosi  brazileiru Willian da Silva, hafoin  pontapé kantu ida.


 


Ho vitória ne’e, Real Sociedad sa’e ba fatin dalima, ne’ebé fó asesu ba faze grupu Liga Europa, ho pontu 32, liu  Villarreal iha fatin daneen, ho menus pontu ida.


 


Kampeonatu ne’e lidera hosi Real Madrid, ho pontu 40, liu deit pontu ida  duké Sevilha, ne’ebé maka  lakon iha domingu ne’e, iha  Sanchéz Pizjuán, ho 2-1, hosi sekuénsia reviravolta ida  iha  finál jogu nian, no liu rua duké FC Barcelona.


 


SAPO TL ho SAPO Desportu

Seg | 16.01.17

Shakira hakarak atu Piqué sai hosi Barcelona

SAPO TL

Defeza sentral nia feen aponta ba Inglatera. 


 



 


Shakira hakarak atu Gerard Piqué husik Barcelona hodi joga iha futebol inglés. Tuir Don Balón, kantora kolombiana baruk ona rona krítika hasoru nia laen iha España tanba defende Catalunha ida independente no fó sai katak nia gosta haree nia laen iha klube seluk iha Inglatera.


 


La fó sai naran ruma, kantora hatete katak bainhira bele hili, nia hili formasaun londrinu kontra opsaun sira seluk.


 


Liga Ingleza sei la sai hanesan novidade ida ba Piqué ne'ebé joga ona iha Inglatera durante tinan haat bainhira reprezenta Manchester United. Maibé, fila fali ba Catalunha ne'ebé asumi hanesan titular ida hosi formasaun ‘blaugrana’.


 


Krítika sira hasoru defeza sentral mosu beibeik liuliu iha nível selesaun nian. Foin lalais ne'e, Piqué hetan akuzasaun tanba la respeita kamizola nasional tanba deskonfia katak nia lee símbolu España nian.


 


@SAPO Desporto

Seg | 16.01.17

Ronaldo halo rekorde hanesan ho Messi

SAPO TL

Sevilla halakon Real Madrid, ho 2-1, no lansa fila fali futeból liga españól, ne’ebé  halo ekipa tolu separa deit ho pontu rua iha lideransa.





Foto: AFP


 


Real Madrid lakon hasoru Sevilla ho 2-1 no hakotu ona série invensível ne’ebé la’o ona durante jogu 40.


 


Cristiano Ronaldo marka golu úniku merenge nian no hanesan ho rekorde ida hosi  Lionel Messi: sai, hanesan ho arjentinu, hanesan  jogadór  ne’ebé  marka golu barak liu ba Sevilla iha Liga Española. Krake na’in rua ne’ebé domina  prémiu individuál sira iha futeból mundiál tinan hirak ikus ne’e halo ona golu 21 kada ba klube andaluz iha liga prinsipál española.


 


Sevilla halakon Real Madrid, ho 2-1, no lansa fila fali  futeból liga española, ne’ebé halo ekipa tolu separa deit ho pontu rua iha tabela.  Real iha menus jogu ida, kontra Valência, maibé haree  Sevilla hela deit pontu ida - 40 ba 39 - no FC Barcelona besik nafatin ho - iha 38, hafoin manán iha sábadu hasoru Las Palmas (5-0), ba jornada 18.ª ne’e.


 


SAPO TL ho SAPO Desportu

Dom | 15.01.17

Xile konkista edisaun dahuluk hosi China Cup

SAPO TL

Golu ida hosi Angelo Sagal, iha minutu 18, halo Xile manán Islándia. 


 



 


Golu ida hosi Angelo Sagal, iha minutu 18, halo Xile manán Islándia no konkista edisaun dahuluk hosi China Cupe iha futebol, iha Pekin.


 


Xile, ne'ebé manán edisaun rua ikus hosi Copa América nian, hasoru nasaun ida ne'ebé hanesan surpreza iha Euro2016, domina ona jogu no bele hetan triunfu naruk liu, maski lahó jogador sira atua iha estranjeiru.


 


Islándia, ne'ebé to'o iha kuartu-final iha Kampeonatu Europa ikus ne'e, iha estreia absolutu iha faze ikus prova nian, laiha inspirasaun no la halo remata ruma ba baliza ne'ebé defende hosi Cristopher Toselli.


 


Iha jogu atribuisaun ba fatin datoluk no dahaat, Xina manán Kroásia iha penalidade ho 4-3 ne'ebé dezempata jogu ho 1-1 hafoin prolongamentu.


 


@SAPO Desporto

Sab | 14.01.17

Mourinho entre treinadór di'ak sira ba nafatin hosi UEFA

SAPO TL

Mourinho treina ona U. Leiria, FC Porto, Chelsea, Inter Milão ho Real Madrid. 


 



 


UEFA fó sai ona lista hosi tékniku na'in sanulu ne'ebé iha impaktu boot iha futebol europeu hahú hosi kriasaun organizmu ne'e nian, iha tinan 1954. Iha lista, fó sai iha loron-sesta ne'e, iha José Mourinho nia naran, úniku portugés maka tama iha top-10 ne'e.


 


Aleinde tékniku hosi Manchester United nian, UEFA hili mós Brian Clough, Johan Cruyff, Vicente del Bosque, Sir Alex Ferguson, Helenio Herrera, Udo Lattek, Valeri Lobanovsky, Rinus Michels ho Arrigo Sacchi.


 


Mourinho hanesan treinador úniku ne'ebé maka sei halo atividade, tanba agora daudaun Vicente Del Bosque laiha serbisu.


 


Lista laiha orden espesífiku ida, tanba ne'e seidauk hatene pozisaun hosi Special One nian.


 


Mourinho treina ona U. Leiria, FC Porto, Chelsea, Inter Milão ho Real Madrid. Agora daudaun treina Manchester United. Manán ona títulu oioin, entre sira maka Champions League ho FC Porto no Inter Milan, Tasa UEFA ho mós FC Porto no títulu oioin kampeaun nian iha Portugal, Itália, España ho Inglatera.


 


@SAPO Desporto

Sab | 14.01.17

Benfica hetan rejistu istóriku iha Europa

SAPO TL

Ekipa Luz iha ona jogu hamutuk 38 ne'ebé la lakon. Benfica iha rejistu boot ida duké Real Madrid. 


 



Foto@ Hugo Delgado / EPA


 


Benfica iha ona jogu konsekutivu hamutuk 38 ne'ebé maka la lakon, asaun ne'ebé la akontese hahú hosi époka 1964/65. Iha tempu ne'ebá, mean sira, ho komando hosi Ele Schwartz, rejista ona manán iha jogu hamutuk 47.


 


Bainhira ita haree ba kampeonatu sira seluk iha Europa, laiha ekipa ida maka iha rejistu di'ak liu duké ekipa ne'ebé komanda hosi Rui Vitória.


 


Real Madrid hanesan klube úniku ne'ebé besik iha marka Benfica nian, ho manán iha jogu hamutuk 34. Hafoin españól sira, iha Shakhtar Donetsk ne'ebé orientadu hosi portugés Paulo Fonseca ho manán iha jogu hamutuk 25, no The New Saints, hosi Wales, ho jogu hamutuk 24.


 


@SAPO Desporto

Sex | 13.01.17

Ronaldo desizivu iha tinan rekord Real Madrid nian

SAPO TL

Rekord iha futebol españól kaer antes hosi Barcelona hosi Luis Enrique nian ne'ebé, iha époka liubá, la lakon iha jogu hamutuk 39. 


 



 


Bainhira empara 3-3 ho Sevilha, iha jogu daruak hosi oitavu-finál iha Copa del Rey, Real Madrid estabelese rekord foun ida nunka lakon iha España. Merengue sira la lakon durante jogu hamutuk 40, hanesan akonteseimentu ida ne'ebé nunka akontese iha klube españól ruma.


 


Rekord iha futebol españól kaer antes hosi Barcelona hosi Luis Enrique nian ne'ebé, iha époka liubá, la lakon iha jogu hamutuk 39. Kuantidade ne'e sai hanesan ho inglés sira Nottingham Forest ne'ebé iha mós jogu 40 ne'ebé nunka lakon.


 


Merengue sira nia lakon ikus akontese iha loron 06 Abril 2016, hasoru Wolfsburgo, iha jogu dahuluk hosi kuartu-final Champions League nian. Rekord ne'e hahú akontese iha loron 09 Abril, ho vitória hasoru Eibar iha Bernabéu, ba Liga Española. Tuir vitória hamutuk 31 no empate sia.


 


Durante períudu ne'e, Zidane nia jogador sira manán ona Champions League, Supertasa Europeia ho Mundial sira Klube nian.


 


Iha rekord ne'ebé la lakon iha jogu hamutuk 40, "blanko sira" marka ona golu hamutuk 115 no sofre ona golu hamutuk 39, média ida ho marka golu tolu no lakon golu ida. Rekord sira ne'e barak maka halo hosi Cristiano Ronaldo. Portugés aponta ona golu hamutuk 26 hosi golu hamutuk 115 ne'e, tuir Benzema ho golu 14 no Bale ho golu 11. Hamutuk, marka ona futebolista na'in 22, entre sira Enzo Zidane, treinador ekipa, Zinedine Zidane, nia oan-mane.


 


Rejistu extraordináriu ida, tanba iha períudu ne'e Real halo ona kompetisaun lima: Champions League, Copa del Rey, Supertasa Europeiu, Liga Española ho Mundial sira Klube nian.


 


@SAPO Desporto