Saltar para: Posts [1], Pesquisa [2]

SAPO Desportu TL

Qua | 11.01.17

Ronaldo nomeadu ba prémiu sira Laureus

SAPO TL

Portugés kompete ho Stephen Curry, LeBron James, Usain Bolt, Mo Farah ho Andy Murray ba desportista di'ak liu tinan nian. 


 



 


Cristiano Ronaldo kontinua aumenta títulu individual sira no halo viajen. Liu de'it loron rua hafoin simu prémiu "The Best" hosi FIFA, fó ba jogadór di'ak liu iha 2016, internasional portugés sei halo parte entre ema nomeadu sira ba prémiu sira Laureus hosi desportu nian ne'ebé hili desportista di'ak liu iha tinan 2016.


 


Goleador Real Madrid nian hanesan futebolista úniku ne'ebé nomeadu ba kategoria desportista di'ak liu tinan nain ne'ebé sei kompete ho naran koñesidu balun Desportu nian. Aleinde jogador sira basket nian Stephen Curry no LeBron James, Ronaldo sei iha opozisaun hosi Usain Bolt no Mo Farah hosi pista sira atletizmu nian. Hosi ténis maka Andy Murray ne'ebé konkista ona fatin dahuluk iha ranking mundial ténis nian.


 


Prémiu ba desportista di'ak liu tinan 2016 nian sei fó sai iha Mónako. Gala entrega prémiu sira Laureus nian sei hala'o iha loron 14 Fevereiru iha rejiaun monegaska.


 


@SAPO Desporto

Qua | 11.01.17

Razaun 10 ba Ronaldo hodi sai di'ak liu Messi

SAPO TL

Gazzetta dello Sport esplika ona razaun sira. 


 



Foto@ Ennio Leanza /EPA


 


Jornal italianu Gazzetta dello Sport esplika ona liuhosi vídeo ida razaun sira ne'ebé halo CR7 sai di'ak liu Messi.


 


Liuhosi argumentu 10 ne'ebé simples, publikasaun selesiona ona fator sira hanesan kapasidade fíziu, ba troféu sira, liuhosi faktu katak jogador manán hanesan iha Inglatera no mós iha España.


 


Razaun 10 sira maka tuirmai ne'e:


 


1º Nia jogu hanesan kompletu liu. Uza parte loos no karuk no iha jogu aereu ne'ebé di'ak tebes


2º Iha fíziku ida ne'ebé perfeitu


3º Manán ona iha Inglatera no iha España


4º Manán mós ho Selesaun Nasional. Messi laiha troféu ruma iha nível selesaun sira nian


5º Iha liu golu 10 duké Messi iha Champions League (93 kontra 83)


6º Manán osan barak. Tuir Forbes nia simu millaun 77,6 iha tinan 2016 (Messi manán 71,7)


7º Hanesan desportista ne'ebé ativu liu iha área solidariedade


8º Hanesan úniku ho Botas Osan-Mean ba markador europeu di'ak liu. Messi iha tolu


9º Hanesan jogador ida ne'ebé halo liu "ibs" iha Champions League. Marka ona golu rua iha jogu 25


10º Hanesan jogador úniku ho golu 30 resin iha edisaun neen konsekutivu iha liga española


 


@SAPO Desporto

Ter | 10.01.17

Mundial tinan 2026 sei iha selesaun hamutuk 48

SAPO TL

FIFA aprova ona ho unanimidade ba partisipasaun hosi selesaun hamutuk 48 iha Mundial hahú tinan 2026. 


 



 


Konsellu FIFA nian, órgaun ne'ebé substitui Komité Ezekutivu, aprova iha loron-tersa ne'e, ho unanimidade, aumentu hosi faze final Mundial Futebol nian, hahú hosi tinan 2026, hosi selesaun hamutuk 32 ba selesaun hamutuk 48, ne'ebé fahe iha grupu hamutuk 16 ho ekipa tolu.


 


Iha reuniaun daruak hosi Konsellu foun FIFA nian iha ko'alia proposta tolu: mantén formatu ba selesaun 32 no aumentu ba selesaun 40 ka 48 hahú hosi edisaun 2028 nian.


 


"Konsellu FIFA nian desidi liuhosi unanimidade selesaun hamutuk 48 iha Mundial hahú tinan 2026: grupu 16 hosi ekipa tolu", refere hosi organizmu ne'e iha nia konta ofisial Twitter.


 


@SAPO Desporto

Seg | 09.01.17

Vensedor sira hosi Gala FIFA nian

SAPO TL

Cristiano Ronaldo sai nu'udar Jogador Di'ak liu iha Mundu, Fernando Santos lakon ho Claudio Ranieri iha prémiu Treinador Tinan nian. 


 



Foto@ Ennio Leanza /EPA


 


Iha loron-segunda ne'e halo iha TPC Studios, iha Zurike, Gala FIFA nian. Cristiano Ronaldo sai nu'udar Jigador Di'ak liu iha Mundu, Fernando Santos lakon ho Claudio Ranieri iha prémiu Treinador Tinan nian.


 


Lista hosi vensedór sira Gala FIFA nian:



  • Jogador di'ak liu: Cristiano Ronaldo (Portugal ho Real Madrid)

  • Treinador di'ak liu: Claudio Ranieri (Leicester)

  • Jogadora di'ak liu: Carli Loyd (Estadus Unidus)

  • Treinadora di'ak liu: Silva Neid (Alemaña)

  • Prémiu Puskas/Golu di'ak liu: Mohd Faiz Subri (Malázia)

  • Prémiu Kareira: Falcão (Futsal/Brazil)

  • Prémiu Fair-play: Atletico Nacional (Kolómbia)

  • Prémiu ba Adeptu sira di'ak liu : Liverpool ho Borussia Dortmund


 


@SAPO Desporto

Seg | 09.01.17

Cristiano Ronaldo manán prémiu FIFA nian nu'udar jogadór di'ak liu iha mundu

SAPO TL

Jogador portugés halakon konkorénsia Lionel Messi no Antoine Griezmann. 


 



Foto@ Ennio Leanza /EPA


 


Portugés Cristiano Ronaldo manán, iha loron-segunda ne'e, prémiu nu'udar jogador di'ak liu iha mundu, ne'ebé fó hosi FIFA, halakon konkorénsia hosi Lionel Messi ho Antoine Griezmann.


 


Avansadu luzu, ne'ebé konkista ona iha tinan 2016 Champions League, Euro2016 ho Mundial Klube sira nian, halibur nune'e galardaun ho Bola Osan Mean hosi 'France Football'. Prémiu rua sei la entrega hamutuk.


 


Ronaldo hetan distinsaun nu'udar ida ne'ebé di'ak liu iha mundu hosi FIFA ba dala haaat, hafoin hetan ona iha tinan 2008, 2013 ho 2014. Nune'e hela de'it galardaun ida hodi halo hanesan ho Lionel Messi, ne'ebé manán dala lima.


 


Iha prémiu ba treinadór di'ak liu, Fernando Santos, ne'ebé manán Euro2016, lakon no prémiu ne'e fó ba italianu Claudio Ranieri, kampeaun inglés hosi Leicester.


 


Hanoin hikas tinan Ronaldo nian iha link ne'e.


 


@SAPO Desporto

Sex | 06.01.17

Cristiano Ronaldo tama ba dala 11 iha Ekipa tinan UEFA nian

SAPO TL

Kapitaun Portugal nian no avansadu Real Madrid nian, Cristiano Ronaldo, eleitu ona ba dala 11, rejistu ida rekord nian, ba Ekipa Tinan nian hosi utilizadór sira hosi pájina ofisial UEFA nian, fó sai hosi organizmu nian iha loron-sesta ne'e. 


 



 


Jogadór portugés tama iha Ekipa Tinan nian ba tinan dasanuluk konsekutivu, tama dala haat iha meiu-kampu (hosi 2007 to'o 2010), no neen iha atake.


 


Ekipa "koñesidu sira" tinan 2016 inklui estreia haat no guarda-rede ida ne'ebé kontinua halo nafatin rekord, Gianluigi Buffon (Juventus ho Itália), ne'ebé, ho tinan 38, sai hanesan jogador tuan liu ne'ebé maka tama iha formasaun.


 


Hafoin tinan auzénsia tinan sira nia laran, Buffon fila fali, ho eleisaun haat, halakon Manuel Neuer (3), maibé lakon hasoru Ikes Casillas ho neen.


 


Iha defeza, mosu Sergio Ramos (hosi Real Madrid ho España), ne'ebé eleitu ba dala neen no iha rekord hanesan ho Carles Puyol hanesan defeza ne'ebé eleitu dala barak, Gerard Piqué (FC Barcelona ho España), no estreia sira Jérôme Boateng (Bayern ho Alemaña), hafoin nomeasaun dala tolu konsekutivu, ho Leonardo Bonucci (Juventus ho Itália), ne'ebé hetan nomeasaun iha tinan 2010 no 2015.


 


Entre médiu sira iha Andrés Iniesta (Barcelona ho Españaa), Toni Kroos (Real Madrid ho Alemaña) ho Luka Modric (Real Madrid ho Kroásia), ne'ebé sai ona hanesan jogador dahuluk hosi Kroásia ne'ebé maka tama iha Ekipa Tinan nian, hafoin nomeadu iha tinan 2008, 2011 no 2015.


 


Jogador na'in lima tama iha Ekipa Tinan 2015 nian (Ramos, Piqué, Iniesta, Ronaldo ho Messi), Real Madrid hanesan klube ne'ebé iha liu aprezentasaun ho jogador na'in haat; rekord prezensa sira iha de'it Ekipa ida Tinan nian pertense ba Barcelona ho neen iha tinan 2009 no 2010.


 


Prezensa hosi Luka Modric aumenta ba nasaun hamutuk 22 ne'ebé maka reprezenta iha Ekipa Tinan nian, no iha nia estreia, hamutuk ho Boateng, Bonucci, ho Griezmann, aumenta ba númeru total hamutuk 78 hosi jogadór eleitu sira iha tinan hirak nia laran.


 


Avansadu arjentinu hosi Manchester City Sergio Agüero nomeia ba dala neen maibé nunka tama iha Ekipa Tinan nian, sai hanesan rejistu rekord ida.


 


@SAPO Desporto

Sex | 06.01.17

Barça hahú tinan ne’e ho derrota hasoru Bilbau ne’ebé manán vantajen (2-1)

SAPO TL

Athletic Bilbau, reduz ba jogadór na’in sia, iha ohin aguenta ba'assaltu' finál FC Barcelona nian no ohin iha uma rasik hasoru katalaun, ho 2-1, iha jogu dahuluk  oitavu finál Taça do Rei nian.




 




Iha dezafiu  ho polémika arbitrajen nian, ho keixa hosi vizitante sira, valeu ba pragmatismu bascos nian iha tempu dahuluk,  ne’ebé konklui vantajen ho 2-0.


 


Barcelona, detentór troféu, domina iha tempu dahuluk, ho posse bola 63%, maibé realidade oportunidade di’ak liu ba ekipa  Bilbau, ne’ebé sempre halo presaun maka’as, benefisiu ba atitude ne’e ho golu rua lori deit minutu balun .


 


Iha minutu 25, pase sala ida hosi Iniesta ikus mai monu ba ain-Aduriz, ne’ebé fó ba ninia kompañeiru no tama ona ba área, konklui lanse ne'e ho ulun. Liu deit minutu tolu, presaun  motivu passa sala foun ida tan no rekuperasaun  Athletic ne’ebé  termina ho ‘disparu’ hosi Iñaki Williams ba golu daruak.


 


Molok intervalu, Aduriz bele hetan kartaun mean,tanba halo agresaun ba Umtiti, iha minutu 36, no razaun keixa ‘Barça’ nian aumenta tan iha 45+1, bainhira árbitru David Fernández lafó penalidade tanba falta ida ba Neymar.


 


Ita tempu daruak, livre diretu ida hosi Messi (52), ne’ebé guarda-rede baku sai kona trave, maibé laevita bola  tama  bola, koloka tan Barcelona iha  diskusaun ba rezultadu.


 


Raúl Garcia (74) hetan kartaun kinur daruak no husik Athletic Bilbau menus ba na’in  10, iha deit minute haat hafoin  André Gomes tama, maski iha  minutu 81 Iturraspe badaruak hisik e bascos ho sia.


 


Iha  ‘asfixia’ finál hosi Barcelona, joga iha área adversáriiu, relative ba  remate Messi nian kona poste iha  90+4.


Iha 11 janeiru sei joga fila fali parte daruak.


 


Iha dezafiu seluk parte dahuluk nian, refere ba triunfu iha kuarta-feira hosi Real Madrid,ho 3-0, hasoru Sevilha, finalista iha époka kotuk.


 


SAPO TL ho SAPO Desportu

Qui | 05.01.17

James Rodríguez halo golu rua iha vitória Real hasoru Sevilla (3-0)

SAPO TL

Kolombianu eis-FC Porto nian sai figura iha enkontru ne’e.





 


Sein Ronaldo, Real Madrid halakon iha kuarta-feira ne’e hasoru Sevilla ho 3-0, iha jogu ba dahuluk oitavu finál Taça do Rei nian.


 


James Rodríguez sai hanesan erói improvável iha jogu ne’e hafoin iha informasaun ne’ebé fó sai katak hein deit ninia saída hosi klube merengue.


 


Kolombianu ne’ebé joga ona iha FC Porto loke markadór iha minutu 11.Varane hanaruak tan vantajen no James halo tan tuir gostu nia-ain iha minutu 44. Jogu daruak sei hala’o iha loron 12.


 


SAPO TL ho SAPO Desportu

Qua | 04.01.17

Mourinho garanti katak senti apaixonadu ba Manchester United

SAPO TL

Treinador portugés realsa importánsia hosi adeptu sira 'red devils' nian. 


 



 


José Mourinho afirma ona katak senti apaixonadu ba Manchester United. Iha deklarasaun ida ba televizaun klube nian, tékniku fó sai motivu sira ne'ebé halo nia senti di'ak iha sidade ingleza nian.


 


"Saida maka halo ha'u senti apaixonadu ba klube maka ema sira. Ema sira hanesan adeput loloos Manchester United nian: sira ne'ebé iha memória ne'ebé espetakular iha pasadu, maibé ne'ebé hatene realidade prezente nian. Sira ne'ebé iha espetativa aas, maibé sira hatene katak estrada hodi to'o iha ne'ebá hanesan susar no sira ne'ebé apoia ekipa, to'o momentu aat sira".


 


Iha tempu ida ne'ebé ko'alia iha posibilidade ba reforsu ba nia ekipa, Mourinho afirma ona katak senti kontente ho jogador sira ne'ebé iha nia dispozisaun.


 


"Ha'u gosta tebes ha'u nia jogador sira. La'ós hanesan de'it futebolista sira maibé nu'udar ema sira. Ha'u gosta tebes serbisu ho sira".


 


José Mourinho hasoru daudaun faze di'ak dezde nia to'o iha Old Trafford ho vitória neen konsekutivu iha Premier League. Iha Inglatera ko'alia ona katak treinador konkista tiha ona adeptu sira 'red devils' nian.


 


@SAPO Desporto

Qua | 04.01.17

Golu 20 ne'ebé di'ak liu iha 2016

SAPO TL

Mai ita hanoin hikas golu 20 ne'ebé di'ak liu ne'ebé marka iha 2016. 


 



 


2016 hanesan ona tinan ida ne'ebé nakonu ho golu sira ne'ebé furak. Hosi Ozil to'o Jamie Vardy, liuhosi Delle Ali, Shaqiri no Cristiano Ronaldo no Messi. Tinan ne'ebé hotu ona no hamosu obra oioin ne'ebé furak iha golu sira ne'e.


 


Haree iha ne'e golu sira ne'ebé di'ak liu ne'ebé marka iha 2016.


 



@SAPO Desporto