Alexis Sánchez, Lucas Pérez no Olivier Giroud marka golu ne’ebé vale empate ida ba 'gunners'.
Foto: ANDY RAIN / EPA
Arsenal empata tersa-feira ne’e ho golu tolu iha terrenu Bournemouth, liuhosi jogu ne'ebé kuaze atu lakon ho 3-0.Ekipa uma-na’in hakotu enkontru ne’e ho elementu sanulu.
Charlie Daniels loke markadór iha minutu 16, molok Callum Wilson halo 2-0 liuhosi penalidade.
Ryan Fraser komplia tan tarefa 'gunners' halo ba 3-0 iha minutu 58. Alexis Sánchez konsege hamenus ba 3-1 iha minutu 70 no Lucas Pérez halo golu ba ekipa londrinu iha 75'.
Ekipa uma-na’in hetan redusaun ba elementu sanulu tanba espulsaun ba Simon Francis, ne’ebé maka foti desizaun maka’as liu hasoru Aaron Ramsey, no ikus mai hetan empate.
Liu apitu finál, Olivier Giroud halo rezultadu ba 3-3. Arsenal okupa iha pozisaun dahaat tabela nian, ho pontu 41, menus ida duké Manchester City. Bournemouth okupa iha klassifikasaun sia, ho pontu 25.
Iha antevizaun ba jogu Tasa Rei nian, iha loron-kuarta, ne'ebé Real Madrid sei hasoru Sevilha, Zidane ko'alia kona-ba Pepe no mós Cristiano Ronaldo.
Foto@DR
Treinador Real Madrid nian, fransés Zinedine Zidane, hatutan iha loron-tersa ne'e katak nia hakarak kontinua serbisu ho sentral portugés Pepe, futebolista ne'ebé tuir nia katak bele sai ba klube xinés ida.
"Hanesan ami nia jogador, importante. Iha ne'e tinan sanulu ona, halo ona istória iha klube ne'e no ha'u hakarak kontinua nafatin ho ami. Ha'u laiha interese kona-ba saida maka ema ko'alia, maibé kona-ba saida maka nia sei halo hamutuk ho ami, hahú agora to'o final", Zidane refere.
Iha antevizaun ba jogu Tasa Rei nian, iha loron-kuarta, ne'ebé Real Madrid sei simu Sevilha, Zidane ko'alia kona-ba Pepe no mós Cristiano Ronaldo, iha loron balun hafoin hatene tiha sé maka sai nu'udar futebolista di'ak liu tinan nian ba FIFA.
"Laiha ema ida maka bele iha dúvida ba nia kapasidade sira, hanesan normal iha debate no ida-idak iha opiniaun ida. Saida maka nia halo, nia halo ho di'ak tebes, hanesan úniku. Ha'u sei senti suprendidu bainhira nia la manán prémiu, tanba nia merese buat hotu", hatutan hosi tékniku "merengue sira" nian.
Iha konferénsia, treinador fransés ko'alia tópiku oioin, entre sira maka nia kandidatura ba tékniku di'ak liu tinan nian ba FIFA, ne'ebé konkore ho Claudio Ranieri, kampeaun ho Leicester, no Fernando Santos ne'ebé lori Portugal ba títulu europeu inéditu.
"Ha'u laiha supreza tanba la sai treinador di'ak liu tinan nian. Hanesan normal ema seluk maka manán, ha'u foin maka hahú. Ha'u tenki serbisu nafatin no hatudu buat barak, maibé ha'u sei to'o iha ne'ebá, maski hanesan normal la manán", nia hatete.
Zidane to'o kuaze tinan ida ona iha Real Madrid, hodi troka Rafa Benítez iha kargu ne'ebé ekipa hasai tanba rezultadu sira ne'ebé ladi'ak.
Fransés konkista ona iha finak époka ba dala 11 Champions League nian ho Real Madrid, iha final ida ne'ebé halo iha Milaun hasoru Atlético Madrid, ne'ebé "merengue sira" manán iha penalidade sira.
"Di'ak liu [tinan nian] maka manán ‘Champions’. Laiha ida ne'ebé aat liu. Ha'u la hanoin ida. Ha'u haree de'it buat sira ho pozitivu", Zidane hakotu.
Tékniku holandés ho tinan 53 iha kontratu ho Everton to'o tinan 2019.
Barcelona iha ona merkadu hodi buka treinador ida karik Luis Enrique la hela iha Camp Nou. Tékniku hakotu kontratu iha époka ne'e nia rohan no parte rua ne'e mós seidauk hetan akordu kona-ba renovasaun.
Tuir ´Sportitalia` responsável sira blaugrana nian hanoin iha Ronaldo Koeman, ne'ebé agora daudaun hanesan Everton nia treinador, karik Luis Enrique la hela. Jose Maria Bartomeu hakarak mantén liña tékniku sira ´Made in Barcelona`, ka ho liafuan sira, aposta iha antigu jogador sira hosi klube ne'e nian, ne'ebé koñese filozofia ekipa nian.
Hanoin fali katak Koeman joga ona iha Barcelona durante époka neen. Tékniku holandés ho tinan 53 iha kontratu ho Everton to'o tinan 2019.
Hafoin vitória United hasoru West Ham (2-0) no hafoin atuasaun ne’ebé sai polémika hosi árbitru Mike Dean, José Mourinho konsidera katak ninia ekipa laós benefisia hosi arbitrajen.
"Karik ita koa’lia kona-ba arbitrajen, Manchester United maka kampeaun hosi desizaun sala árbitru sira. Sé ami nia desizaun hodi lansa Mata no Rashford, ne’e, obrigadu barak», nia afirma. Mata no Rashford halo golu dahuluk hosi United iha parte daruak.
"Bainhira ami joga iha uma-rasik no asesu ba jogu ho lalais hasoru Middlesbrough, Ha’u hatene kedas katak golu Ibrahimovic nian sala anula no iha penalte ida atu marka kona-ba Rashford. Iha jogu sai ha’u laiha asesu ba ida ne’e ho forma imediatu, hafoin ha’u labele halo komentáriu ", nia hatutan.
Asosiasaun Internasional hosi Imprensa Desportivu hili ona futebolista portugés no nadadora húngara.
Asosiasaun Internasional hosi Imprensa Desportivu (AIPS) hili ona futebolista portugés Cristiano Ronaldo no nadadora húngara Katinka Hosszu nu'udar desportista europeu sira tinan 2016 nian.
Avansadu hosi Real Madrid, ne'ebé manán Champions League, Supertasa Europeiu no Mundial sira Klube nian no Euro2016 ho ekipa portugeza, troka tenista sérviu Novak Djokovic iha istorial prémiu nian.
Ronaldo ho Hosszu manán eleisaun ne'e ba dala uluk. Portugés halakon tenista britániku Andy Murray no pilotu alemaun Nico Rosberg, no nadadora húngara manán fatin ne'e no hadook kandidatu sira hanesan tenista alemã Angelique Kerber no siklista británika Laura Trott.
