Saltar para: Posts [1], Pesquisa [2]

SAPO Desportu TL

Qui | 09.02.17

Portugal é oitavo e Timor-Leste na posição 194 no 'ranking' da FIFA

SAPO TL

A seleção portuguesa, campeã europeia de futebol, mantém o oitavo lugar no ‘ranking’ da FIFA, que continua a ser liderado pela Argentina, seguida pelo Brasil e pela campeã mundial Alemanha.





 


Nas dez primeiras posições verificou-se, em relação a janeiro, apenas uma ligeira alteração, com a França a subir ao sexto lugar, por troca com a Colômbia, que desceu à sétima posição.


 


A realização da Taça das Nações Africanas (CAN2017) provocou mudanças significativas, com os campeões Camarões a ocuparem agora o 33.º lugar, com uma subida de 29 posições, e o Egito, finalista vencido, a ser 23.º, com uma progressão de 12 postos.


 


O Burquina Faso, seleção treinada pelo português Paulo Duarte, terceira classificada e uma das surpresas da CAN, é agora 38.º classificado, 15 posições acima do que tinha em janeiro, quando era 53.º.


 


‘Ranking’ da FIFA, em 09 de fevereiro:


 


1. (1) Argentina, 1.635 pontos.


2. (2) Brasil, 1.529.


3. (3) Alemanha, 1.433.


4. (4) Chile, 1.386.


5. (5) Bélgica, 1.371.


6. (7) França, 1.313.


7. (6) Colômbia, 1.304.


8. (8) Portugal, 1.229.


9. (9) Uruguai, 1.195.


10. (10) Espanha, 1.168.


(...)


38. (53) Burquina Faso, 611.


80. (68) Guiné-Bissau, 515.


74. (79) Cabo Verde, 449.


87. (108) Gabão, 392.


105. (106) Moçambique, 322.


148. (144) Angola, 199.


153. (153) São Tomé e Príncipe, 177.


184. (184) Macau, 82.


194. (191) Timor-Leste, 64.


 


Fonte: Agência Lusa

Qui | 09.02.17

AC Milan halakon Bolonha no hakotu jogu ho na'in 9

SAPO TL

Pasalic aponta úniku golu iha jogu ne’e.





 


AC Milan segura iha  fatin dahitu kampeonatu italianu nian, manán (1-0) Bolonha, iha jogu atrazu hosi jornada 18.ᵃ ne’ebé  milaneze ikus mai  reduz  to’o  sia.


 


Golu AC Milan hetan to’o  iha minutu 89, hosi  intermédiu kroata Mario Pasalic.


 


Jogu ne’e marka ho espulsaun ba jogadór na’in rua – Gabriel Paletta no Juraj Kucka -  hosi  ekipa komanda hosi  Vicenzo Montella, na’in rua ho akumulasaun ba kartaun kinur.


 


 Ho vitória ne’e halo AC Milan okupa iha fatin dahitu,  ho pontu 40, enkuantu Bolonha monu ba  14.°, ho pontu  27.


 


SAPO TL ho SAPO Desportu

Qua | 08.02.17

Philipp Lahm sei sai iha finál époka ne’e

SAPO TL

Jogadór ne’e sei abandona klube, ne’ebé maka hanesan kolega hosi Renato Sanches, maski sei iha kontratu tinan ida hafoin  rejeita kargu hosi  diretór desportivu.





Foto: Lukas Barth


 


Futebolista alemaun Philipp Lahm, kapitaun Bayern Munique, konfirma iha ohin katak sei sai hosi fatin ne’ebá  no abandona klube  ne’e hafoin  rejeita kargu ida hanesan diretór desportivu.


 


“Ha’u deside husik joga futeból iha  finál temporada”, haktuir  jogadór, ho tinan  33, iha  finál jogu entre Bayern no Wolfsburgo ba Taça Alemanha, ne’ebé manán hosi klube Munique ho 1-0.


 


Kapitaun bávaros ne’e afirma ho  konfiante atu “mantein iha nível ezibisionál to’o époka ne’e remata, maibé la’e hafoin ida ne’e”.


 


Jornal desportivu alemaun Bild  hakerek iha ohin katak  atleta ne’e, kampeaun mundu ho servisu Alemaña iha 2014,  iha Brazil, sei sai iha juñu, informasaun ne’ebé  konfirma hosi nia-rasik iha ‘flash interview’ hosi  jogu 501 laterál ho kamizola Bayern nian.


 


Lahm, ho internasionál hosi Alemaña dala 113, inklui ona iha jogu 22 j  époka ne’e  no marka golu rua. Lateral no médiu hamutuk iha  Bayern durante  ninia karreira ho esesaun époka rua, 2003/2004 no 2004/2005, ne’ebé hetan  emprestadu ba Estugarda.


 


Liuhosi  karreira ne’ebé konkista títulu alemaun badala ualu, destake ne’e iha tinan 2013, ne’ebé kapitaun ‘Jigante’ alemaun manán kampeonatu, Taça Alemanha no Liga Campeões.


 


SAPO TL ho SAPO Desportu


 

Ter | 07.02.17

FIFA aumenta kastigu ne'ebé fó ba responsável hosi federasaun timoroan

SAPO TL

FIFA explika katak desizaun ne'e bandu Amândio de Araújo Sarmento hodi labele partisipa durante tinan tolu "iha atividade balun ne'ebé relasionadu ho futebol". 


 



 


FIFA fó sai ona katak aumenta ona ba nível mundial kastigu ida ne'ebé fó hosi Komisaun Disiplinar hosi Konfederasaun Aziátiku Futebol nian (CAF) ba sekretáriu-jeral hosi Federasaun Futebol Timor-Leste nian, ne'ebé duun uza dokumentu falsu hodi regulariza jogador brazileiru sira.


 


Desizaun hosi FIFA, ne'ebé fó sai iha pájina iha internet hosi organizasaun nian, explika katak desizaun ne'e bandu Amândio de Araújo Sarmento hodi labele partisipa durante tinan tolu "iha atividade balun ne'ebé relasionadu ho futebol" iha nível mundial.


 


"CAF halo investigasaun hamutuk ho FIFA kona-ba kolokasaun hosi jogador sira ne'ebé la elejível hosi Timor-Leste. Hafoin simu arkivu hosi CAF, FIFA agora iha hela prosesu hodi hakotu nia investigasaun rasik", explika hosi FIFA.


 


Iha loron 20 Janeiru Konfederasaun Aziátiku Futebol (CAF) nian suspende ona Timor-Leste hosi edisaun tinan 2023 ba Tasa Aziátiku hafoin komprova katak federasaun timoroan uza ona jogador brazileiru na'in 12 ho dokumentu nasionalidade sira ne'ebé falsu.


 


CAF explika ona iha tempu ne'ebá katak desizaun ne'e foti hafoin investigasaun ida, hahú iha fulan-Juñu tinan liubá, kona-ba uzu jogador brazileiru sira durante períudu hosi kualifikasaun ba Tasa Aziátiku edisaun tinan 2019.


 


Aleinde bandu Timor-Leste hodi labele partisipa iha kualifikasaun ba edisaun tinan 2023 hosi troféu, federasaun timoroan tenki seu multa ida ho folin dolar rihun 20.


 


Sekretáriu-jeral hosi federasaun Timor-Leste nian, Amândio de Araújo Sarmento, hetan kastigu hodi labele tuir atividade sira relasionadu ho futebol durante tinan tolu no kondena selu multa ho folin dolar rihun sira. Responsável seluk, Gelásio Da Silva Carvalho, hetan multa dolar rihun tolu tanba tenta interfere ho investigasaun.


 


Ajénsia Lusa fó sai ona iha fulan-Dezembru katak investigasaun ida hosi CAF hatudu ona katak jogador brazileiru sira rejista ona iha selesaun ho sertidaun sira moris nian ka sertidaun batizmu falsu ne'ebé hatudu katak sira nia aman ka inan ka aman-inan sira moris iha Timor-Leste.


 


"Verifika ona katak elementu sira ne'e hanesan falsu", refere hosi komunikadu ida hosi CAF ne'ebé explika katak "investigasaun la permiti ona konkluzaun balun kona-ba validade hosi sidadania Timor-Leste nian ne'ebé maka futebolista sira ne'e hetan" maski "ne'e hanesan kestaun ida ba autoridade sira Timor-Leste nian".


 


Jogador brazileiru sira na'in sia ne'e partisipa ona iha jogu hamutuk 29 ho juridisaun hosi CAF, liuliu iha kualifikasaun ba Tasa Aziátiku tinan 2019 (ne'ebé Timor-Leste lakon) no iha jogu hitu ho juridisaun hosi FIFA, liuliu hosi kualifikasaun ba Mundial 2018 nian (ne'ebé Timor-Leste lakon mós).


 


Investigasaun hosi CAF ne'e tau hamutuk ho investigasaun ida seluk kona-ba kazu hanesan ne'ebé hahú iha 2015 hosi FIFA no seidauk hatene nia rezultadu sira, ne'ebé asuntu ne'e sai mós hanesan inkéritu ida hosi ezekutivu timoroan.


 


Lahó liga nasional iha tinan barak nia laran, Timor-Leste sa'e, entre tinan 2011 no 2015, iha 'ranking' FIFAnian hosi pozisaun 205 ba 170, no agora daudaun iha pozisaun 191, pozisaun ida ne'ebé bele afetadu hosi desizaun disiplinar sira.


 


@SAPO Desporto

Ter | 07.02.17

Paulo Sousa kontente iha Itália

SAPO TL

Treinadór portugés sente satisfeitu tebes  ho vida ne’ebé hala’o iha  transalpina, ba servisu Fiorentina.





Foto: AFP


 


Paulo Sousa garante kontente tebes tanba bele partisipa iha  kampeonatu italianu. Tékniku  portugés ne’e sente kontente tebes ho influénsia ne’ebé lori mai Serie A.


 


"Ha’u hanesan treinadór  ida kontente tebes bele iha Itália. Jeralmenta treinadór sira estuda maka’as, ne’ebé fó oportunidade atu  evolui. Ha’u moos satisfeitu bele sai algu  futeból italianu", hatete  Sousa, maski iha kontestu seluk, liliu kona-ba jogu aban hasoru Roma.


 


Antigu jogadór Juventus fó sai katak nia hakarak kontinua faze di’ak ne’ebé liu ho Fiorentina, maka konta vitória tolu iha jogu haat ikus, entre sira ida hasoru 'Vecchia Signora'.


 


"Ami sei nafatin ho atitude hanesan hasoru Juventus. Roma iha  jogadór forte liu, velosidade iha parte loos no alternativu oioin  atu marka. Realidade sei  kria difikuldade diferente   duk’e sira ne’ebé kria hasoru Juve.", nia haktuir.


 


Rekorda katak Paulo Sousa bele  aponta hanesan  treinadór Juventus tuir mai, hafoin époka di’ak ne’ebé hala’o ho  servisu Fiorentina, maka okupa iha pozisaun dahitu, pontu lima ba fatin  europeu.


 


SAPO TL ho SAPO Desportu

Seg | 06.02.17

Imprensa española avansa katak Real Madrid admiti husik La Liga

SAPO TL

Relasaun sira entre Liga Española ho klube ladún di'ak hafoin adiamentu hosi enkontru ho Celta de Vigo.




 


 


Real Madrid ladún satisfeitu ho jerénsia hosi Liga Española no hanoin hela desizaun hodi husik kampeonatu. Tuir jornal español AS, adiamentu hosi jogu "merengue sira" ho Celta de Vigo hamosu daudaun situasaun ladi'ak entre responsável sira klube nian ho dirijente sira Liga nian. Hasoru senáriu ne'e, diáriu realsa katak "blanko sira" ameasa duni husik liga hodi kria Super Liga Europeia ida.


 


Ideia hosi liga ida ne'ebé kompostu hosi klube prinsipal sira hosi europa iha sistema kampeonatu ida la'ós hanesan novidade no konta ho apoiu hosi emblema boot balun futebol europeu nian. Iha lista dahuluk iha Bayern Munique ho Juventus.


 


Enkontru entre Real Madrid ho Celta de Vigo adia tiha ona tanba tempu ne'ebé ladi'ak no, iha kalendáriu okupadu hosi "blanko sira nian", seidauk iha loron definitivu. Ho atrazu ne'e, Ronaldo ho Pepe nia ekipa iha jogu atrazu rua ba Barcelona ne'ebé iha pozisaun daruak ho menus pontu ida. Jogu seluk ne'ebé tenki halo maka Real Madrid ho Valénsia.


 


@SAPO Desporto

Seg | 06.02.17

Mourinho halakon kampeaun

SAPO TL

 Manchester United manán Leicester ho 3-0, ho golu hosi Mkhitaryan, Ibrahimovic no Mata.





Foto: TIM KEETON / EPA


 


Manchester United, ne’ebé treina hosi  José Mourinho, iha  domingu ba joga iha uma kampeaun inglés Leicester manán  ho  3-0, ho golu sira hosi  Mkhitaryan, Ibrahimovic no Mata.


 


Golu dahuluk iha jogu ne’e mosu iha minutu 41, ho autoria hosi  arméniu Mkhitaryan, no Ibrahimovic, hafoin minutu rua, dezvia kruzamentu  ida hosi  Valencia  no halo ba  2-0.


 


Españól Mata halo ba  3-0  molok  intervalu iha sekuénsia kombinasaun ida ho Mkhitaryan.


 


Manchester United soma pontu 45  no hela pontu ida hosi Liverpool, Ekipa ikus ba zona kualifikasaun kompetisaun europeia nian. Leicester okupa iha  klasifikasaun 16º, ho menus deit pontu rua duké klasifikasaun ikus, Crystal Palace no Sunderland, no liu ida  duké Hull City, ne’ebé treina hosi  Marco Silva.


 


SAPO TL ho SAPO DEsportu

Sex | 03.02.17

CR7 maka desportista ne'ebé ema selu di'ak liu iha mundu iha 2016

SAPO TL

Jogadór portugés hetan lukru besik euro millaun 82. 


 



AFP Photo@ Michael Buholzer


 


Futebolista portugés Cristiano Ronaldo, ne'ebé reprezenta Real Madrid, iha tinan 2016 sai hanesan desportista ne'ebé hetan liu osan iha mundu, hetan lukru dolar millaun 88 (besik euro millaun 82), fó sai hosi revista Forbes.


 


Tuir publikasaun, iha tinan ne'ebé konkista ona Champions League ho emblema españól no Europeu ho Portugal, Ronaldo simu ona dolar millaun 56 iha saláriu no dolar millaun 32 iha patrosíniu sira.


 


Tuir portugés ne'e maka arjentinu Lionel Messi, futebolista hosi FC Barcelona ho dolar millaun 81,4 no jogador basket norte-amerikanu Lebron James, hosi Cleveland Cavaliers, ho dolar millaun 77,2.


 


Tenista suisu Roger Federer, ho dolar millaun 67,8, no mós jogador basket norte-amerikanu Kevin Durant, hosi Golden State Warriors, ho millaun 56,2 mosu iha fatin dahaat no dalima.


 


Ronaldo sai hanesan atleta ho saláriu aas liu, Federer maka sai desportista ne'ebé simu liu osan hosi patrosíniu sira ho dolar millaun 60.


 


Tenista Serena Williams ho Maria Sharapova sai hanesan feto na'in rua ne'ebé maka halo parte iha lista hosi atleta na'in 100 ne'ebé simu osan di'ak iha tinan liubá, sira na'in rua tama iha pozisaun 40 no pozisaun 88. Serena Williams manán dolar millaun 28,9 no tenista rusa iha osan millaun 21,9.


 


Jogador golf Jordan Spieth, ho tinan 23, hanesan atleta joven liu ne'ebé maka tama iha lista, okupa pozisaun dasia ho total dolar millaun 52,8, bainhira "papel" desportista "katuas" liu maka kaer hosi jogador golf norte-amerikanu Phil Mickelson, ho tinan 46, tama iha pozisaun daualu ho osan dolar millaun 52,9.


 


Iha "kampeonatu" hosi empreza desportivu sira, Gestifute, hosi portugés Jorge Mendes, ne'ebé reprezenta Ronaldo ho José Mourinho, no sira seluk, mosu iha fatin daualu ho osan dolar millaun 72,7 ne'ebé maka hetan hosi lukru iha komisaun sira.


 


Empreza norte-amerikanu Creative Artists Agency iha pozisaun dahuluk ho osan dolar millaun 290,6.


 


@SAPO Desporto

Sex | 03.02.17

Celta no Alavés empata sein golu iha luta ba fatin ida iha finál

SAPO TL

Oportunidade ba golu  barak liu pretense ba ekipa Vigo.+





Foto: SALVADOR SAS / EPA


 


Celta empata kinta-feira ne’e sein golu iha  resesaun ba Alavés, ba jogu dahuluk  meia-finál Taça Rei  nian, iha jogu ne’ebé ho udan maka’as  no  domina hosi  ekipa galega.


 


Oportunidade golu di’ak liu  pretense ba ekipa Vigo, liliu iha tempu daruak, ne’ebé laaproveita oportunidade soberanu rua atu marka, dahuluk iha minutu 66, liuhosi remate Iago Aspas kona baliza,  no badaruak  Tucu Hernández,  ho ninia remate baku sai hosi  guarda-rede Alavés, Fernando Pacheco, ba poste.


 


Jogu badaruak sei hala’o iha kuarta-feira oin, loron 8 fevereiru, iha estádio Mendizorroza.


 


Iha jogu dahuluk ba meia-finál seluk, hala’o iha kuarta-feira, FC Barcelona ba Vicente Calderón manán Atlético Madrid ho 2-1, realiza jogu daruak iha tersa-feira oin, iha Camp.


 


SAPO TL ho SAPO Desportu

Qui | 02.02.17

Lampard hakotu nia kareira ho tinan 38

SAPO TL

Jogador inglés fó sai katak hakotu nia kareira futebol profisional iha rede sosial. 


 



 


Frank Lampard fó sai ona iha loron-kinta ne'e katak sei hakotu nia kareira futebolista. Médiu inglés, ho tinan 38, fó sai nia desizaun iha loron-kinta ne'e, liuhosi publikasaun sentidu ida iha rede sosial sira.


 


"Hafoin tinan 21 inkrivel nia laran ha'u desidi katak to'o ona oras hodi hakotu ha'u nia kareira nu'udar jogador profisional", Lampard hakerek iha Instagram, akompaña ho vídeo ida ne'ebé hatudu nia hatais kamizola Chelsea nian.


 


Antigu internasional inglés hanoin hikas emosaun espesial ba pasajen hosi klube londrinu, ne'ebé nia reprezenta ona durante tinan 13 nia laran no ne'ebé nia konkista dala tolu Premier League, aleinde Champions League no Liga Europa.


 


"Parte barak hosi ha'u nia fuan pertense ba Chelsea ne'ebé fó mai ha'u memória di'ak sira", nia afirma.


 


Frank Lampard despede hosi futebol internasional hafoin joga tiha iha époka liubá iha Estadus Unidus, iha New York City FC.


 


Hanoin hikas Frank Lampard nia golu sira iha vídeo tuirmai ne'e:


 



 


@SAPO Desporto