Saltar para: Posts [1], Pesquisa [2]

SAPO Desportu TL

Sex | 10.03.17

Mourinho: "Imposível ami joga di’ak "

SAPO TL

Treinadór portugés elojia atitude ninia jogadór sira relasiona ba difikuldade iha terrenu.





Foto: DR


 


José Mourinho senti  satisfeitu ho empate Manchester United  nian iha terrenu Rostov, iha jogu ne’ebé konta ba parte dahuluk oitavus finál Liga Europa nian, relasiona ba kondisaun kontráriu iha terrenu.


 


" Ezibisaun ida ne’ebé di’ak tebes avalia hosi kondisaun. Imposível ami joga ho di’ak, Ami hala’o tuir buat ne’ebé jogu  ezije no di’ak hela. Ami komete deit sala iha defensivu", hatete  tékniku ne’e ba BT Sport, hafoin jogu remata.


 


Tékniku ne’e fó ezemplu jogu balun ne’ebé assiste iha Portugál: " Ha’u lembra  bainhira sei kiik assiste jogu balun iha Portugál, iha  kampu ekipa amadoras. Ha’u haree ha’u nia jogadór sira lidera ho ida ne’e no hatudu umildade iha  luta ba bola halo ha’u  satisfeitu", nia hatutan.


 


"Buat hotu sei nakloke iha jogu daruak, ho vantajen kiik-oan ida ba ami", hatete  Mourinho, no nota moos katak " laiha lezaun".


 


SAPO TL ho  SAPO Desportu

Qui | 09.03.17

Luis Enrique: "Laiha ema ida maka fiar "

SAPO TL

Barcelona manán PSG ho  6-1 no hakat ba kuartu finál Liga dos Campeões.





Foto: LUSA


 


Treinadór Barcelona reflete perfeisaun ba ilusaun ekipa katalaun, ne’ebé  konsege rekupera desvantajen 4-0 hosi jogu dahuluk  ‘oitavu’, finál nian ne’ebé halo buat hotu iha kalan ne’e hasoru  PSG ho 6-1.


 


"Ha’u hanoin katak ema ida lafiar. Ekipa impressionante tebes. Ami tenta maka’as no vale duni. Hanesan  finál ne’ebé dala barak akontese iha futebál  no ohin ami nian fali", haktuir Luis Enrique.


 


"Xave ne’e maka efikásia. Golu daneen bele marka hosi adeptu ne’ebé iha fatin seluk mundu nian. Klaru katak ami nia  prezensa iha  kuartu finál ladun di’ak ba  ekipa seluk. Ekipa ualu iha posibilidade saun kampeaun. Husik hela ha’u nia  menisku iha Camp Nou. Hakarak  hatete katak ami iha konfiansa dezde loron ne’ebé ami lakon ho 4-0. Dedikadu ba sira tanba ne’ebé laós Globetrotters, ne’e futebál”, refere treinadór katalaun.


 


FC Barcelona hakat ba kuartu finál Liga dos Campeões, hafoin manán Paris Saint-Germain ho  6-1, rekupera desvantajen 4-0 iha  jogu jogu dahuluk  ‘oitavu’finál nian.


 


SAPO TL ho SAPO Desportu

Qua | 08.03.17

Barcelona halo majia no Benfica hatete adeus ba Champions

SAPO TL

Kalan nakonu ho golu iha loron-kuarta ne'e hosi Champions League. 


 



 


FC Barcelona tama iha loron-kuarta ne'e ba kuartu-final Champions League futebol nian, bainhira hatama golu 6-1 hasoru Paris Saint-Germain, rekupera hosi lakon ne'ebé hetan iha jogu dahuluk iha "oitavu" ho 4-0.


 


Iha Camp Nou, FC Barcelona sai hanesan ekipa dahuluk iha istória ne'ebé rekupera hosi desvantajen 4-0 iha jogu dahuluk, tanba golu sira hosi Luis Suárez, iha minutu tolu, hosi Lionel Messi, hosi penalidade (minutu 50), hosi Neymar (iha minutu 88 ho 90+1) no hosi Sergi Roberto (minutu 90+5), ne'ebé tau hamutuk ho autogolu hosi fransés Layvin Kurzawa (minutu 40). Edinson Cavani marka golu onra ba fransés sira iha minutu 62.


 


Ho golu marka iha minutu hitu ikus jogu ba dala rua nian, katalaun sira konkretiza ona "mehi" no tau ona "karimbu" hodi liu ba kuartu-final hosi Champions League.


 


Iha jogu seluk kalan nian, Benfica sai hosi Champions League futebol nian, lakon iha Alemaña ho Borussia Dortmund ho 4-0, iha jogu daruak hosi oitavu-final prova nian.


 


Hafoin manán tiha iha jogu dahuluk ho 1-0, Benfica haree sedu ekipa jermániku halakon desvantajen, bainhira Aubameyang loke markador iha kedas minutu haat, rezultadu ida ne'ebé mantén to'o intervalu.


 


Hahú parte daruak, Borussia "taka" eliminatóriu, ho golu sira ne'ebé akontese iha minutu rua nia laran, ida hosi Pulisic (minutu 59) no hafoin ne'e golu ida tan hosi Aubameyang (minutu 61), ne'ebé nia tenta fali iha minutu 85.


 


@SAPO Desporto

Qua | 08.03.17

Sergio Ramos: "Semana liubá kuaze hamate ha’u…"

SAPO TL

Sentrál españól marka golu rua Real Madrid nian iha Nápoles.





Foto: RAUL CARO/EPA


 


Iha kalan ne’ebé Sergio Ramos selebra ninia jogu númeru 100 ho Real Madrid, sentrál españól marka golu rua ba vitória ekipa merenge nian.


 


“Maneira ida ne’ebé kapás atu selebra ha’u nia jogu 100 duké marka golu rua! Semana liubá kuaze hamate ha’u, laós liuhosi golu maka atu bele sai erói”, afirma Sergio Ramos.


 


“Karik ami hatene fórmula atu joga di’ak bele sai fásil. Iha parte dahuluk sira hetan oportunidade barak ba golu, Ita tenki reflete. Dala barak buat balun latuir ita nia serbisu, maibé atitude ne’e sempre di’ak”, realsa Sergio Ramos.


 


Real Madrid iha ohin hakat ba kuartu final Liga Campeões hafoin manán iha uma Nápoles, ho 3-1, reforsa vitória (3-1) ne’ebé hetan iha jogu dahuluk, iha kapitál española.


 


SAPO TL ho SAPO Desportu

Ter | 07.03.17

Chelsea manán iha West Ham

SAPO TL

Ho vitória ne’e, Blues mantein pontu sanulu hosi avansun ba klassifikadu daruak, Tottenham.





 


Chelsea manán, segunda-feira ne’e, ho  2-1 iha  uma West Ham ho  2-1,  iha jogu ne’ebé  konta ba  jornada 27ª Premier League nian.


 


Hazard loke  markadór iha  duelu londrinu ho golu ida iha minutu 25, e, tama ba  tempu daruak, Diego Costa halo 2-0  iha minutu 50.


 


Tama ona ba  tempu deskontu, Lanzini hamenus ba 2-1.


 


Ho vitória ne’e, Blues mantein pontu sanulu hosi avansun ba klassifikadu daruak, Tottenham.


 


SAPO TL ho SAPO Desportu

Seg | 06.03.17

Ofisial: Paulo Bento husik Olympiacos

SAPO TL

Tékniku portugés husik ona kampeaun gregu. 


 





Iha loron-segunda ne'e, Olympiacos fó sai ona kona-ba Paulo Bento nia saída hosi komando tékniku ekipa nian.


 


Iha jogu tolu ikus ne'e, klube hosi kapital gregu lakon dala tolu konsekutivu iha kampeonatu, hasoru PAOL, Panionios ho AEK hosi Atenas.


 



 


Maibé, tékniku portugés husik Olympiacos iha fatin dahuluk klasifikasaun nian ho vantajen pontu hitu hasoru Panionios.


 


@SAPO Desporto

Seg | 06.03.17

"Japaun ne'e ba ema katuas sira". Jogador ho tinan 50 partisipa iha jogu

SAPO TL

Kazuyoshi Miura hanesan jogador katuas liu ne'ebé maka joga futebol japunés. 


 



 


Japunés, Kazuyoshi Miura, hosi Yokohama FC, Liga II hosi futebol japunés, iha loron-domingu ne'e, halakn ona rejistu hosi inglés Stanley Matthews, bainhira halo jogu daruak nu'udar profisional ho tinan 50.


 


Kazuyoshi Miura, koñesidu ho naran "Kazu", moris iha loron 26 Fevereiru 1967 no halakon ona rekord hosi Stanley Matthews, estabelese iha jogu entre Stoke City ho Fulham, iha tinan 1965, bainhira halo jogu iha empate ho V-Varen Nagasaki, ho tinan 50 no loron hitu, katuas liu inglés loron rua.


 


"Ha'u la senti katak ha'u halakon ona lenda ida hanesan Stanley Matthews. Ha'u halakon de'it iha parte tinan naruk nian maibé ha'u nunka bele rekord hanesan ho nia estatístika no kareira", admiti hosi avansadu japunés Kazuyoshi Miura.


 


Futebolista halakon ona rekord hosi Stanley Matthews, bainhira joga durante minutu 54 hasoru V-Varen Nagasaki, liutiha semana ida partisipa iha jogu liu oras ida iha vitória Yokohama FC nian ho 1-0 hasoru rival Matsumoto Yamaga.


 


Miura hakarak joga to'o tinan 60 no sai ona hanesan ezemplu hodi hatudu futebol japunés ba mundu iha dékada 90, bainhira transfere ba klube italianu Génova.


 


Matthews iha ona kareira naruk tinan 33 nian, bainhira joga hosi Stoke City no Blackpool, ne'ebé nia manán ona títulu hamutuk 84 iha Inglatera, iha jogu hamutuk 701, marka golu hamutuk 71. Hatais kamizola selesaun nian dala 54.


 


Stanley Matthews, mate iha loron 23 Fevereiru 2000, ho tinan 85, sai mós hanesan futebolista dahuluk ne'ebé maka hetan títulu Kavaleiru hosi Impériu Britániku.


 


@SAPO Desporto

Seg | 06.03.17

Atlético Madrid hetan fila fali vitória ho 'sotake' fransés

SAPO TL

'Colchoneros' pratikamente dook hosi luta ba títulu. Griezmann no Gameiro marka golu sira.





Foto: Lusa


 


Atlético Madrid ohin hetan fila fali vitória iha liga española no koloka provizóriu pontu neen hosi Sevilha iha fatin dahaat, hafoin hasoru no halakon Valéncia, ho 3-0, iha jornada 26.ª.


 


Iha  Estádiu Vicente Calderón, hafoin  jogu rua lamanán, ‘colchoneros’ hetan fila fali  vitória   hosi golu fransés sira: Griezmann halo golu rua, iha minutu 10 no  83, no Gameiro moos  marka, iha  48.


 


Tiago, ne’ebé hasoru parajen kleur tanba lezaun, latama iha Atlético Madrid, enkuantu iha  Valéncia João Cancelo sai  titular no Nani, ho problema fíziku, lautiliza.


 


Realidade dook ona hosi  luta ba títulu ( iha pontu 11 hosi líder FC Barcelona), emblema kapitál española kontinua iha fatin dahaat, maibé agora ho pontu neen hosi Sevilha, ne’ebé sei hasoru segunda-feira ne’e iha kampo Alavés.


 


Iha parte seluk, Valéncia okupa iha fatin 13.º, pontu 10 hosi  zona dezpromosaun nia leten.


 


Jogu dahuluk ohin loron nian, Deportivo Corunha manán 1-0 iha fatin Sporting Gijon, penúltimu klasifikadu, no kria dalan ida importante ba manutensaun.


 


Ho  Luisinho iha  ekipa titular ( hetan substitusaun iha minutu 85), Mosquera halo  úniku golu ba jogu ne’e, iha minutu 45+1,  no halo  Corunha pontu tolu hosi zona despromosaun.


 


SAPO TL ho SAPO Desportu

Sex | 03.03.17

Alemaña ho Turkia iha dalan hodi organiza Euro2024

SAPO TL

Dinamarka, Finlándia, Suésia ho Noruega hatudu ona hanoin ba organizasaun hamutuk ida ba Euro2024, maibé ikusmai laiha kandidatura ofisial ida. 


 



 


Alemaña ho Turkia sei disputa entre sira organizasaun ba Kampeonatu Europa Futebol nian ba 2024, fó sai hosi UEFA iha loron-sesta, loron ne'ebé hotu prazu entrega ba kandidatura sira.


 


Nasaun rua hanesan nasaun úniku ne'ebé aprezenta kandidatura iha organizmu ne'ebé kaer futebol europeu, maibé supreza maka'as maka auzénsia hosi nasaun sira Eskandináviu nian.


 


Dinamarka, Finlándia, Suésia ho Noruega hatudu ona hanoin ba organizasaun hamutuk ida ba Euro2024, maibé ikusmai laiha kandidatura ofisial ida.


 


Alemaña foin lalais ne'e simu Mundial 2006, no turkia nunka organiza torneiu boot ida, maski tenta ona ba Kampeonatu Europa nian iha okaziaun tolu no iha okaziaun sira ne'e lakon hasoru kandidatura seluk.


 


@SAPO Desporto

Sex | 03.03.17

Mate ona Raymond Kopa, trikampeaun europeu ho Real Madrid

SAPO TL

Antigu jogador futebol nian mate ho tinan 85.


 





Antigu lenda hosi futebol fransés Raymond Kopa, ne'ebé manán ona Tasa tolu hosi Kampeaun Europeu nian bainhira reprezenta Real Madrid, mate ona ho tinan 85, hafoin moras kleur, fó sai hosi família iha loron-sesta ne'e.

"Nia mate iha tuku 08:15 [oras lokal], hafoin iha rekaída ida. Tama iha ospital hahú hosi loron-domingu", hatete hosi William Boucher, antigu jogador nia oan-mane ne'ebé haktuir hosi ajénsia AFP.

Raymond Kopa, nia aman-inan ema polaku, hahú kareira iha klube fransés Angers, iha 1949, transfere ba Reims iha tinan 1951, ne'ebé sai hanesan kampeaun fransés dala haat.

Elementu hosi selesaun franseza ne'ebé hakotu iha fatin datoluk iha Mundial tinan 1958, iha tinan 1956 Kopa hetan transeferénsia ba Real Madrid, klube ne'ebé hamutuk ho nia konkista títulu europeu dala tolu, iha tinan  1957, 1958 ho 1959, no kampeonatu España dala rua, iha tinan 1957 no 1958.

Iha tinan 1956, sai nu'udar jogador fransés ba dala uluk ne'ebé maka hetan Bola Osan-Mean, prémiu ne'ebé nia konkista fali iha tinan 1958. Iha tinan 1959, Kopa fila fali ba Fransa no ba Reims, "aruma nia xuteiras" iha tinan 1967, ho tinan 36.

@SAPO Desporto